1 Tesalonika 2:9 - Musamu wu Mubwe

⁹ Baana ba ngu, benu lili mu uyibwala monyi mu mapasi ma bisu na ikolili hya bisu. Ni mbuli bisu laakalongese benu Musamu wu Mubwe wa Nzambi hwavele ukolo. Bisu laakasala nyangu na butsuhu, mu ubweveleva mupfuna huli pasi nde ŋa hati la benu.

1 Tesalonika 2:9 ပူးပေါင်းရင်းမြစ်များ

Luuka 18:7

Nzambi ubiingisa ba nde hasoolo, mu toni ati, bali mu ufulaha huli nde butsuhu na nyangu. Nde a hudiinga mu uyakumbasa bo ve.

Luuka 2:37

Ŋa mbisa ŋana, nde asaali bukwili. Nde atosi maku pombo na bilima bina (84). Ana a hakatahuha na nzo a Nzambi ve, na nde akasalila Nzambi butsuhu na nyangu, na udya ikandi mu usambila.

Mavanga 18:3

Nde hapfuutini na bo, bu bo boosi baaba tsalu mosi. Nde atsahili huli bo, na bo baakasala itwadi. Isalu hya bo aba utuunga hu manzo ma ngooto.

Mavanga 20:24

Ka mu me, idiingu hya me a hili na tsoongo ve. Hya tsoongo huli me, ni mu ukuhasa ma me ndi mu utsa, na isalu hi Pfumu Yisu hamiiva me. Isalu mo, ni ulongese Musamu wu Mubwe wu litondo la Nzambi.»

Mavanga 20:31

Ni mu buuna, kebaani! Yibwalaani monyi ti, mu bilima bitatu, butsuhu na nyangu, me a hakolo mu uva mumosi mumosi mu benu mandongi ve. Mu toni a benu, me ambeedi na matsanga mu miisu.

Looma 1:1

Ni me Pahuli, musalili a Yisu Kristo, ndi mu utsonehele benu. Nzambi ateele me mu uba ilumbi, na nde asoolo me mu uyaabisa Musamu wu Mubwe.

Looma 15:16

mu uba musalili a Yisu Kristo huli ba baavele Bayudaayo. Me ndi mu utsa isalu hya nganga a Nzambi, hi uyabisa Musamu wu Mubwe a Nzambi, mana ba baavele Bayudaayo bakituha bungodu bu bubwe, bu Nzambi husilasa, bu baamiisyeme mu matwala ma Livupu la Ngidi.

Looma 15:19

mu matwala ma biliimbu bya kimwili, na bipadi, mu matwala ma Livupu la Nzambi. Mono buni me anzaabisi we bu hwafwana Musamu wu Mubwe wa Kristo, mu ubaayene matsyelo moosi, umata musyenge a Yeruselemi nate hu itanzi hya Iliriya.

Filiipo 4:16

Ka tso ŋa me ambedi hu musyenge a Tesalonika, benu laatsindihi me likumbasa la mbongo tsindaha yoole, mu umana mapasi ma me.

1 Tesalonika 1:3

Bisu lili mu uyibwala monyi pasi tangu ŋa busu bwa Nzambi Taata a bisu, mu toni isalu hi imiinu hya benu, isalu hi litondo la benu, na kwadili a benu mu hiitu mu Pfumu a bisu Yisu Kristo.

1 Tesalonika 2:2

Ka benu liyabi kaka ti bisu laayaka bituhi na laamono pasi hu musyenge a Filipo. Ka Nzambi ahwadisa mana bisu lilongese Musamu a nde wu Mubwe, hutso a mbingisili.

1 Tesalonika 2:6

Bisu a laasaha ti muutu asilasa bisu ve, tso benu, tso bakima.

1 Tesalonika 3:10

Butsuhu na nyangu, bisu libaavondo nde na mukonono woosi, mu uva bisu nzila mu ubwemono benu na mu usuungaha bi byaveleyelemene mu imiinu hya benu.

1 Timoteho 1:11

Ndongisili moyiniyi, yayelemene na Musamu wu Mubwe wu baaviidi me, wu ubaamata huli Nzambi Nga Muyusu.

1 Timoteho 4:10

Bisu libaasala na libaahumba, bu bisu lasuusa hiitu hya bisu mu Nzambi a monyi, wuli Muyobili a baatu boosi, fula-fula ba baakangama mu nde.

1 Timoteho 5:5

Mukwili wu amiisaala siha vii, asusa hiitu hya nde mu Nzambi. Nde li mu ukwilala mu mapondili na masambulu huli Nzambi butsuhu na nyangu.

2 Timoteho 1:3

Me ndi mu upfutala ŋa matondo huli Nzambi, wu me ndi mu utsalila we bakaaha ba me, na matsimi ma me ma maatsyeme. Na me umbanzibwala monyi mu we, butsuhu na nyangu, mu masambulu ma me.