1 Tesalonika 2:5 - Musamu wu Mubwe

⁵ Benu layaaba lo bubwe, bisu a libaasalila lipedi tso hoole ve. Bisu kaka a lili mu uswehe manzala ma mapfuta humbisa a ma bisu lili mu uleele ve. Nzambi nde mwakulu li mbangi a bisu.

1 Tesalonika 2:5 ပူးပေါင်းရင်းမြစ်များ

Mavanga 20:33

Me a hanyungala tso mbongo, tso wolo, tso bikutu bya pasi muutu ve.

Looma 1:9

Nzambi wu me ndi mu utsalila mu mutima a me woosi, mu uyabisa benu Musamu wu Mubwe wu li mu utala Mwana a nde, yabi ti me ndi mu undeele imbuli: Me a umbaakolo mu utangula benu ve.

Looma 16:18

mu toni ati baatu ba pila moyiina, a bali mu usalila Kristo Pfumu a bisu ve, ka mapeyu ma bo mwakulu. Na humbisa mikuma mya bo mi mibwe, na bileedi bya soho, bo bali mu upfuta ba baavele na tsikihili.

Looma 9:1

Ma me ndi mu undeele mali ma mbuli. Me a handi mu upfuta ve, mu toni ti me ndi itwadi na Kristo. Iluunzi hya me, itwadi na Livupu la Ngidi hili mu utiila me imbangi:

Ngalaatiya 1:20

Nzambi li mbangi a me! Bu me ndi mu utsonehele benu mambu momanima, me a handi mu upfuta ve.

1 Tesalonika 2:10

Benu lili bambangi ba bisu, napa Nzambi kaka. Mbiili a bisu ŋa busu bwa benu ba nga imiinu, yaaba yi yatsyeme, ya tsiitsa, yi yavele masyembo.

1 Timoteho 3:3

Mutumi libundu utwala uba ikolo-mbungu ve. Nde utwala uba nga ngaabi ve, ka nde afwana uba nga bulembo. Nde utwala uba nga a bisongi ve, tso wu avelekebele mbongo mu diisu.

1 Timoteho 3:8

Bakeelisi ba libundu kaka, ni bumosi, baafwana uba baatu banga likinzu, na banga imbuli. Bo utwala ukoto mutso a nywili malamu yinono ve, na mu mbahili a mbongo ya tsonyi ve.

Tiite 1:7

Pasi mukuutu libundu, ahwama na mupfuna a mambu ma Nzambi. Nde afwana ubaaba muutu wu avele na masyembo. Nde utwala uba nga isaayi tso nga makesi ve. Nde utwala uba ikolo-mbungu, tso nga bisongi, tso nga ngaabi.

1 Peetelo 5:2

Baakelesaani konge mameme yi Nzambi hava benu we bakeedi. Bakelesaani yo, a hwati mu kwamisa ve, ka mu mutima wu ayaluha, we bu hu li litondo la Nzambi. Baasaani buuna hwavele a nzala a kaluha, ka mu toni lisiingala.

2 Peetelo 2:18

Bo bali mu usa bileedi bi binene bi byavele lisuunga. Humbisa mapeyu ma bo ma mayamba, bo bali mu usoho ba bamiikingula buyedi mawasa ma, na bamiisiisa manzila ma budyabidi.

2 Peetelo 2:3

Mu toni linyungi la mbongo, bo sa basoho benu mu bitoyili bya bo bi mapfuta. Ka tsundusu a bo, umata beleve, yamiitswiha. Na ndungili yili mu ukete bo.

Yude 1:11

Lingebe huli bo! Mu tonyi ati, bo baasumihi we musumihi Kayini. Bo baadungi mu tonyi a lingi la mbongo, we bu mumbihuli Balaami hasiidi. Bo baakwidi mu tonyi ati, bo baatumbihi we bu Kore hasiidi.