1 Tesalonika 2:2 - Musamu wu Mubwe

² Ka benu liyabi kaka ti bisu laayaka bituhi na laamono pasi hu musyenge a Filipo. Ka Nzambi ahwadisa mana bisu lilongese Musamu a nde wu Mubwe, hutso a mbingisili.

1 Tesalonika 2:2 ပူးပေါင်းရင်းမြစ်များ

Mavanga 14:3

Ka Pahuli na Baranabasi baadiingi hu Ikoniwumi. Bo baakalongese mambu ma Pfumu na hiitu hyosi, mu toni a Pfumu. Ni Pfumu akamwese imbuli hya ndongisili a bo. Na nde akava bo matwala ma uvanga bipadi bya kimwili, mu umwese imbuli hya ma bo baakalongese mu Pfumu.

Mavanga 14:5

Bisu musyenge na Bayudaayo napa bakuutu baba baavele Bayudaayo, baakavangama mu ukwamisa bilumbi na uduba bo mu mamanya.

Mavanga 16:12

Bu laamati huuna, bisu laayeni hu musyenge a Filipo, musyenge wu munene wu itanzi hya Masedonya, wu bisu Looma baatungi. Bisu laavyosi mwa bilumbu huuna.

Mavanga 16:19

Bapfumu ba muviha mowunuwu, baamoni ti nzila yi bo baakabahila mbongo yimiipfuba. Buuna, bo baakangi Pahuli na Silaasi, na baabiti bo ŋa litandala li mikuungi ŋa busu bu bakuutu ba musyenge.

Mavanga 16:37

Ka Pahuli aleeli huli masadaadu ma baatsindihi: «Bo baafwinza bisu bafwafwala ŋa kuungi la baatu hwavele batsundasa bisu, bu bisu lili bisu Looma! Titswene, bo baabwahi bisu mu kondaayi. Bunuubu, bo batondi unyahula bisu mu tswehi? Naana, a buuna ve! Bo mwakulu bayanyahula bisu.»

Mavanga 17:1

Pahuli na Silaasi baavyohili mu misyenge mya Apfipolisi na Apoloniya, na baayato hu musyenge a Tesalonika, hu bo baamoni nzo lisambulu yi Bayudaayo.

Mavanga 17:17

Nde akasobosono matsimi na Bayudaayo mu nzo lisambulu yi Bayudaayo, napa bakima ba baakakinza Nzambi. Pasi ilumbu, nde akamoho ka itwadi na ba baakaba mu mataandala ma mikuungi.

Mavanga 19:8

Pahuli akayene tangu yoosi hu nzo lisambulu yi Bayudaayo, na nde akatoyo na imbuli hyosi. Mu batsungi batatu, nde akayabisa bo misamu mi Ipfumu hya Nzambi. Nde akahwada mu usundasa matsimi ma ba baakayuha nde.

Mavanga 4:13

Baatu ba pfuundu bakuutu baakimuhi hu ulahi, mu umono tsiki a Peetelo na Yowani. Bo baamoni ti bo baatu ba baakulamana, na ba baavele a nzaabili. Bo baayabi ti, bo baaba itwadi na Yisu.

Mavanga 4:20

Ka bisu, bisu utwala ubisa mu uyambila mu mambu ma bisu laamono na laayuha ve.»

Mavanga 4:31

Bu bo baakasambila, mbuha yi bo baaba baakukama yanyingimi. Bo boosi baaluuli mu Livupu la Ngidi, na bo baakayabisa mambu ma Nzambi na hiitu hyosi.

Mavanga 5:41

Bilumbi byapali mu nzo a pfuundu banzonzi na kinya yoosi, mu umono ti bo baakwasi iteesi hi ubiingala munyongi mu nduhi a Yisu.

Looma 1:1

Ni me Pahuli, musalili a Yisu Kristo, ndi mu utsonehele benu. Nzambi ateele me mu uba ilumbi, na nde asoolo me mu uyaabisa Musamu wu Mubwe.

1 Tesalonika 1:5

mu toni ati ndongisili a bisu yi Musamu wu Mubwe huli benu ndulu a mu mikuma ve. Ka ndongisili a bisu yaaba yi matwala, mu itwadi hi Livupu la Ngidi, na hiitu hyosi. Benu layaaba buni mbiili a bisu yaaba ŋa hati la benu, mu libwe la benu.

2 Timoteho 1:12

Na, ni mu buuna, me ndi mu umono mapasi momanima. Ka me a handi na tsonyi ve, mu toni ati me nzabi mu na me atsa hiitu hya me. Me na hiitu mu nde, wu uli na matwala ma ukelese bi nde hava me, nate mu ilumbu hya tsundusu.

Yude 1:3

Bambaahi ba me ba litondo, me amba na lehemene li lafulala mu usonehele benu muhanda, mu tonyi itwadi hi liyobolo la bisu a benu. Me moni ti, me apfwana usonehele benu nde, mu uhwadisa benu mu ulwana mu tonyi a hiitu hi Nzambi haviidi va limosi, huli bisu a benu baatu bangidi.