1 Tesalonika 2:16 - Musamu wu Mubwe

¹⁶ Bo bali mu ukala bisu mu ulongese huli ba baavele Bayudaayo, Mambu ma Nzambi ma mu ubehele bo liyobolo. Bo bali mu ukulasa itesi hi masumu ma bo baasidi. Ka kesi a Nzambi yamiibwila bo.

1 Tesalonika 2:16 ပူးပေါင်းရင်းမြစ်များ

Mavanga 13:45

Bu Bayudaayo baamoni konge a baatu moyina, bo baaluuli mu nyengi. Na baakatuna ndongisili a Pahuli ti yi upfuta, na baakatuha nde.

Mavanga 13:50

Ka Bayudaayo baasimbilili bakaasu ba biita lilinene, ba baakayusa Nzambi, napa bangeele ba musyenge. Bo baatsumbili kwamisili ya Pahuli na Baranabasi, na baabingi bo mu itanzi hya bo.

Mavanga 14:19

Bayudaayo ba baamati hu misyenge mya Antyokya na Ikoniwumi baayatumbasa konge. Baateti Pahuli mamanya mu uduba nde, na baadutihi nde hu mbadi musyenge, bu baatsimi ti nde miikwa.

Mavanga 14:2

Ka Bayudaayo bakima ba baavelisa hiitu mu Pfumu, baatumbisi ba baavele Bayudaayo mana bayalwanisa baana ba bangu ba bo ba baasiidi hiitu.

Mavanga 14:5

Bisu musyenge na Bayudaayo napa bakuutu baba baavele Bayudaayo, baakavangama mu ukwamisa bilumbi na uduba bo mu mamanya.

Mavanga 17:13

Ka Bayudaayo ba hu Tesalonika, baayuhi ti Pahuli aka mu ubwelongese mambu ma Nzambi hu Beere. Bo baayeni huuna, mu uyatuumbasa na usa kele ŋa hati la konge a baatu.

Mavanga 19:9

Ka mitima mya babalahi ŋa hati la bo, myaba miminono. Bo a baakasa hiitu ve, na baakakwede ŋa kuungi la baatu boosi, baana ba baakaduukala nzila a Pfumu. Ka Pahuli atahuhi na bo. Nde abiti bayihi hu nzo a nzihili ya Tiranyusi, na akatoyo na bo pasi ilumbu.

Mavanga 21:21

Ka, mono ma baaleele mu we: we li mu ulongese huli Bayudaayo, ba bali mu utsahala ŋa hati li bibandu bikima, mu utimba mikele mya Moose. Baaleele ti, we li mu ulongese bo mu ubwevelekete baana ba bo, na mu ubweveleduukala bukulu bu Bayudaayo.

Mavanga 23:12

Humbisa hu busi bwakiidi, kabu li Bayudaayo laakuti pfuundu mu uduba Pahuli. Bo baateeli mvwanga mu bo mwakulu mu uveledya na uvelenywa, tso bo a badubi Pahuli ve.

Mavanga 24:9

Bakuutu ba Bayudaayo baasilisi, na baleeli ti ni tsiitsa hwa nde.

Mavanga 25:2

Bakuutu ba banganga ba Nzambi na bangeele ba Bayudaayo, baayakese Pahuli ŋa busu bwa pfumu mowunuwu. Bo baalembisini nde,

Mavanga 25:7

Bu Pahuli hayato, Bayudaayo ba baamati hu musyenge a Yeruselemi baayadiinga nde. Bo baakwihili nde matonyi mamalahi ma manono, hwavele utwala umwese bumbuli bwa mo.

Mavanga 4:12

Liyobolo ndulu mu nde lili. Mu tsi yoosi, Nzambi a hava muutu mukima ve ŋa hati la baatu, wu ufuuhasa bisu a benu.»

Mavanga 9:23

Bilumbu bibilahi bivyoho, Bayudaayo baakuti pfuundu mu uduba Sahuli.

Ngalaatiya 5:11

Ka mu ma mamiitala me, baana ba ngu, tso me ndi mu undoongese ketili, mu ki toni bali mu ubwetsuta me? Tso ni mu buuna, me undongese maana, musamu lipfu la Yisu ŋa muti, utwala ubwekubasa pasi muutu baku ve.

1 Tesalonika 1:10

na mu ukeele bu Mwana a nde humata hu mayulu. Ni nde Nzambi hasuuli ŋa hati la babaakwa, Yisu wu uyobolo bisu ŋa busu bwa tsyembili a Nzambi yi yili mu uya.

2 Tesalonika 2:10

Nde usalila bubi bwa pila mu pila, mu usoho boosi ba buudunga. Bo buudunga mu toni ati, bo a baayaka tso utondo imbuli hi hyuyobolo bo ve.

1 Timoteho 2:4

Nzambi wu tondi ti baatu boosi bayoboho na baya hu nzaabili a imbuli.