1 Tesalonika 1:6 - Musamu wu Mubwe

⁶ Benu laduukala ifwani hya bisu na hya Pfumu. Mu tangu moyiina, benu laamono mapasi ma manono, ka benu laayaka Mambu ma Nzambi na kinya yi Livupu la Ngidi.

1 Tesalonika 1:6 ပူးပေါင်းရင်းမြစ်များ

Yowani 8:12

Yisu abweleele konge a baatu: «Me ni liyalala la tsi. Muutu wu uduukala me a hu udyata mu piipidi ve, ka nde sa abaha liyalala la monyi.»

Mavanga 13:52

Ka bayihi ba Pfumu hu Antyokya, baaluuli mu kinya na mu Livupu la Ngidi.

Mavanga 5:41

Bilumbi byapali mu nzo a pfuundu banzonzi na kinya yoosi, mu umono ti bo baakwasi iteesi hi ubiingala munyongi mu nduhi a Yisu.

Mavanga 9:31

Libundu laaba mu hyenze mu bitanzi byosi bya Yuda, bya Ngalili, na bya Samariya. Livupu la Ngidi laakakulasa libundu mu hiitu, na mu likinzu la Pfumu. Litangu la banga hiitu laabwefulala bulahi mu likumbasa li Livupu la Ngidi.

Looma 15:13

Nyaha Nzambi wu ubaava hiitu, aluusa benu mu kinya na mu hyenze bi byakuha mu imiinu hya benu mu nde. Mana benu liluula mu hiitu hi matwala ma Livupu la Ngidi.

Ngalaatiya 5:22

Ka mimbutu mi Livupu ni litondo, kinya, hyenze, taasili a bana, mutima wu mubwe, kangimini,

Filiipo 3:17

Benu boosi, duukalaani mbiili a me baana ba ngu a me. Bisu laaviidi ifwani. Ni mu buuna, talaani buni huli ndyatili a ba bubaaduukala ifwani mohiina.

2 Tesalonika 1:4

Ni mu buuna, bisu lili na nyeme mu uyambila mu benu mutso mabundu ma Nzambi. Mu toni ati benu laateleme mu imiinu, tso bu benu lili mu ubwana mbingisili na mapasi.

2 Tesalonika 3:7

Benu mwakulu liyabi buni benu lafwana uduukala ifwani hya bisu. Mu toni ati, bisu a laabeedi babolo ŋa bisu laabeedi huli benu ve.

2 Tesalonika 3:9

Ka bisu ti laabeedi na muswa wu uvondo benu. Ni ifwani bisu laatondi umwese benu, mana benu lidukala hyo.

2 Timoteho 4:2

Yabisa Mambu ma Nzambi, na mukonono, tso mu tangu yimbwe, tso mu tangu yimbi. Pamina, syembe, hwadisa baatu na kwilala mu ulongese bo na mukami woosi.

1 Peetelo 1:6

Ni mu buuna, tso mapasi ma pila mu pila mali mu umwese benu lingebe mu mwana a tangu hole, benu laaluula mu kinya.

1 Peetelo 1:8

Benu laatondo Yisu, tso bu benu laavelemono nde. Benu libaasiila nde imiinu, tso bu benu laamaavelemono nde. Ni mu toni imiinu hya benu mu nde, benu lili mu kinya yi yafulala, yi muyusu, yi bu uveletwala uyelemese.

1 Peetelo 3:13

Na utwala uvangila benu libi, tso benu laahwada mu ubaavanga libwe?

3 Yowani 1:11

Mbahi a me wu litondo, a haduukala mavanga ma nde mamabi, ka duukala mavanga mamabwe. Wu li mu uvanga mamabwe li mwana a Nzambi. Ka woosi wu li mu uvanga mamabi, a hayaba Nzambi ve.