1 Tesalonika 1:5 - Musamu wu Mubwe

⁵ mu toni ati ndongisili a bisu yi Musamu wu Mubwe huli benu ndulu a mu mikuma ve. Ka ndongisili a bisu yaaba yi matwala, mu itwadi hi Livupu la Ngidi, na hiitu hyosi. Benu layaaba buni mbiili a bisu yaaba ŋa hati la benu, mu libwe la benu.

1 Tesalonika 1:5 ပူးပေါင်းရင်းမြစ်များ

Luuka 1:1

Ngeele Tehofile, baatu babalahi basonihi moosi ma maavyohi ŋa hati la bisu.

Mavanga 11:21

Matwala ma Pfumu maabeedi na bo. Ni mu buuna, baatu babalahi baasiidi hiitu mu Pfumu na baaduukili nde.

Mavanga 16:14

Ŋa hati li bakaasu mobaana, hwaba na mukaasu mumosi nduhi a nde Lydya, wu baabuta hu musyenge a Tyatilo. Nde akasumbasa matsaanda mamabenge ma talu, na nde akakinza Nzambi. Bu nde hakayuha bisu, Pfumu adibuli mutima a nde, mana nde atsikaha ma Pahuli hakaleele.

Mavanga 2:33

Baasyenuli nde, mu uba ŋa mbahala a Nzambi. Na nde miiyaka Livupu la Ngidi huli Taata, we bu Nzambi hasiidi lahi. Nde amiiyitala lo ŋa yulu a bisu, we bu benu lili mu umono na uyuha bunuubu.

Looma 1:16

Me a handi na tsonyi mu uyaabisa Musamu wu Mubwe ve, mu toni ati, Musamu wu mubwe ni matwala ma Nzambi ali mu usalila, mu uyobolo pasi nde wu li mu usiila nde imiinu. Hati a tsomi mu Bayudaayo, titswene mu Bangeleke.

Looma 15:13

Nyaha Nzambi wu ubaava hiitu, aluusa benu mu kinya na mu hyenze bi byakuha mu imiinu hya benu mu nde. Mana benu liluula mu hiitu hi matwala ma Livupu la Ngidi.

Looma 2:16

Maana ni ma mu umonehele, ilumbu hi Nzambi huutsundasa matswehi ma pasi muutu, mu nduhi a Yisu Kristo, we bu Musamu wu Mubwe wu me ndi mu unzaabisa ali mu umwese.

Ngalaatiya 2:2

Me anzyeni huuna mu nzabisili yi Livupu. Me anzaabisi bo Musamu wu Mubwe, wu me umbandongese ŋa hati la ba baavele Bayudaayo. Me ambahi imoho hya ŋa muvanga, na ba baakomo hutso libundu. Titswene, me a hantondi ve ti isalu hi me atsidi hu tsomi, na hi me ndi mu utsa loloyi, hiba hya mupu.

Ngalaatiya 5:5

Ka bisu, ba laasa hiitu hya bisu mu Nzambi, bisu lili mu ukeele mu mutima a bisu woosi. Nde sa asungaha bisu ŋa busu bwa nde, mu matwala ma Livupu.

Filiipo 2:13

Ka ni Nzambi li mu uva benu matwala ma ukana na uvangimasa mambu, we bu hu li litondo la nde.

Filiipo 4:9

Salilaani ndongisili yi benu laayihi na laayaki huli me, mu mambu ma me na mu mbiili a me. Na Nzambi a hyenze, uba na benu.

1 Tesalonika 2:13

Ni mu buuna, bisu libaafutala matondo huli Nzambi tangu yoosi, bu benu laayaki mambu ma bisu laayabisi benu. Benu a laayaki mo we mambu ma maapali mu muutu ve, ka we bu mo mali ma mbuli, Mambu ma Nzambi, ma mali mu usala na mifudi, ma benu lili mu usa hiitu mu mo.

2 Tesalonika 2:14

Mu ukuhasa dyambu moliina, Nzambi ateele benu mu nzila a Musamu wu Mubwe wu bisu laayabisi benu. Nzambi hateele benu, mana benu liyaka muyusu a Pfumu a bisu Yisu Kristo.

2 Timoteho 2:10

Ni mu buuna, me ndi mu ukunda moosi, mu libwe la ba Nzambi hasoolo. Maana moosi mali mu uvangama, mana kaka bayaka ayobolo bo kaka, na ukotese bo mu muyusu wu bilima na bilima.

2 Timoteho 2:8

Yibwala monyi mu Yisu Kristo, wu imbisa hya pfumu Davidi na wu asuuhi mu ba baakwa, we bu Musamu wu Mubwe wu me ndi mu undongese ali mu uyabisa.

1 Peetelo 1:12

Mambu ma Nzambi hayabisi bo ni manima: malumbi ma bo baakatoosele, a maba mu toni a bo ve, ka mu toni a benu. Bunuubu, ba bali mu uyabisa Musamu wu Mubwe, baatoosili benu malumbi momaana mu matwala ma Livupu la Ngidi, libaatsindihi umata hu yulu. Bapofi bo mwakulu kaka, bubaatoondo uyaba mambu momaana.

1 Peetelo 1:3

Ba wu baasyeme Nzambi, Taata a Pfumu a bisu Yisu Kristo! Mu bunene bwa kwili a nde lingebe, nde amiiva bisu monyi wu munyatihi, mu tsuuhili a Yisu Kristo ŋa hati la babaakwa. Nde hasiidi buuna, mana bisu liba na hiitu hi hili monyi.

1 Peetelo 5:3

A lisaha unangimana ba baasuusa hutso lituma la benu ve. Ka baani na mbiili yimbwe ŋa busu bwa konge mameme, mana mo madukala ifwani hya benu.

2 Peetelo 1:10

Ni mu buuna, baana ba ngu, hwadaani mu usa mifudi mu usilasa ti ni mbuli, Nzambi ateele benu na asoolo benu mu uba buli la nde. Tso benu livangi buuna, benu utwala ubwisa imiinu hya benu ve.

2 Peetelo 1:19

Ni mu buuna, bisu lili mu usa hiitu hya bisu hyosi mu mambu ma mimbihuli. Hwafwana huli benu mu ukele mambu ma mimbihuli momiina. Mu toni ati, mambu momaana mali we mwinda wu li mu umwedeme ŋa mbuha ya pipidi. Hwadaani mu ukeele mo nate ŋa busi bu ukya, nate ŋa mvwelele a ŋa ngwali hupanduha hutso mitima mya benu.