1 Peetelo 5:3 - Musamu wu Mubwe

³ A lisaha unangimana ba baasuusa hutso lituma la benu ve. Ka baani na mbiili yimbwe ŋa busu bwa konge mameme, mana mo madukala ifwani hya benu.

1 Peetelo 5:3 ပူးပေါင်းရင်းမြစ်များ

Yowani 13:15

Me miimwese benu ifwani, mana benu kaka lisa we bu me tsiidi mu benu.

Mavanga 20:28

Kebaani, mu toni a benu mwakulu, na mu biboodi bi Livupu la Ngidi haava benu mu ukeelese. Baani bakeelisi ba biboodi bababwe ba libundu li Nzambi hasumbi, mu lipfu la Mwana a nde mwakulu.

Filiipo 3:17

Benu boosi, duukalaani mbiili a me baana ba ngu a me. Bisu laaviidi ifwani. Ni mu buuna, talaani buni huli ndyatili a ba bubaaduukala ifwani mohiina.

Filiipo 4:9

Salilaani ndongisili yi benu laayihi na laayaki huli me, mu mambu ma me na mu mbiili a me. Na Nzambi a hyenze, uba na benu.

1 Tesalonika 1:7

Na benu kaka lika ifwani mu boosi ba bali mu usa imiinu hu itanzi hya Masedonya na hu tsi a Ahayi.

2 Tesalonika 3:9

Ka bisu ti laabeedi na muswa wu uvondo benu. Ni ifwani bisu laatondi umwese benu, mana benu lidukala hyo.

1 Timoteho 4:12

Muutu tso mumosi a hapenye bufudu bwa we ve. Ka hwada mu uba ifwani huli banga imiinu mu mikuma mya we, mu mbiili a we, mu litondo, mu imiinu na mu tsyemili mutima a we.

Tiite 2:7

We mwakulu Tiite, afwana umwese mbiili yimbwe, mana baatu badukala ifwani hya we. Ndongisili a we, yafwana uba ya mbuli na yi likinzu.

1 Peetelo 2:9

Ka benu, benu lili ibandu hibaasoolo, buli li banganga ba Nzambi ba Pfumu, buli li laatsyeme. Tso Nzambi hamiibaha benu, ni mu toni ati, benu liyaabisa mavanga ma maasyenoho. Nzambi hapalisi benu mu piipidi, nate mu ukotese benu hutso liyalala la nde la kimwili.