1 Peetelo 4:3 - Musamu wu Mubwe

³ Hu tsomi, benu laavyosi tangu yindahi, mu ubaasa mavanga ma mubaava kinya huli ba baaveleyaba Nzambi. Benu laavahuli linyutu la benu mu bumbembo, mu mapeyu ma musunya, mu malaangi, mu mikungi mi udya na unywa, na ubaasambila bifwita.

1 Peetelo 4:3 ပူးပေါင်းရင်းမြစ်များ

Mavanga 17:30

Kaahu Nzambi asiidi kolo-kolo mu maana moosi, bu baatu baakaveleyaba ma baakavanga. Ka loloyi, nde li mu uyabisa huli boosi, mu mambuha moosi, mu unyongo mu mavanga ma bo, na usobo mbiili a bo.

Looma 13:13

Lidyataani mu mbiili yi yasungama, we bu hwafwana mu udyata ŋa nyangu. Linyahaani mikuungi mi udya, malaangi, bumbembo tso mbiili yimbi, mitsotso tso nyengi.

Ngalaatiya 5:19

Ka mavanga ma musunya mali ma maamonehele: ni bumbembo, mayamba, mbiili ya yayuhu,

Ngalaatiya 5:21

peyu ubaha, kolili malamu, mikuungi mi mubaka udya na unywa na mavanga makima ma pila moyiina. Me apfwana ubweyibusa benu we bu me mbedi amiitswamina uleele: ba bali mu usa mavanga momaana, a bu ukoto mu Ipfumu hya Nzambi ve.

1 Tesalonika 4:5

A lisiinga ubwa mu mapeyu ma mavele lisuunga ve, we bu hubaasa bangoyi, ba baveleyaba Nzambi.

Tiite 3:3

Mu tonyi ati, bisu ka hu mbandu, laaba biyahudi, banga kene ŋa busu bwa Nzambi na ba baadunga. Bisu aba baviha ba linyungi na makinya ma toto moosi. Idiingu hya bisu aba hutso bukanyi na linyungi. Bisu laakabelele bana na laakabelesene bisu mo na bisu mo.

1 Peetelo 1:14

Singalaani Nzambi bu benu lili baana ba nde. Na a likangama mu mapeyu mamabi ma benu laaba na mo tsikulu ve, ŋa benu laaba kini hutso budimbu.

Yude 1:4

Me ndi mu utsonehele benu, mu tonyi ati, ŋa hati la benu baatu bababi bakima, baamiiyakotelele benu mu tswehi. Bo bali baatu ba baavelekinza Nzambi a bisu, mu usobo bubwe bwa nde mu mbili a bo yi bumbembo. Na bo bali mu utunala ka Yisu Kristo, Mulongisi na Pfumu a bisu mumosi wu. Ka umata beleve, Libuuku la Ngidi laamiiyabisa tsyembili yi bo buyaka.