1 Peetelo 4:2 - Musamu wu Mubwe

² Mu tangu yi yimiisaala benu ŋa toto, a hwafwana ti benu libaadyata we bu huli mapeyu ma musunya ve, ka dyataani we bu huli litondo la Nzambi.

1 Peetelo 4:2 ပူးပေါင်းရင်းမြစ်များ

Yowani 1:13

Bo a bali baana ba Nzambi mu makila, buuve mu litondo li musunya ve, a tso mu litondo la muutu ve. Ka bo baabutimi baana ba Nzambi mu litondo la nde.

Yowani 7:17

Tso muutu tondi ukuhasa litondo la Nzambi, nde utsikaha tso ndongisili a me yili mu umata huli Nzambi, buve ti yo yili mu umata mu matsimi ma me mwakulu.

Looma 12:2

A liduukala bipfu bya baatu ba tsi moyiniyi ve. Ka nyahaani Nzambi akitusa benu na uva benu buyedi bubunyatihi. Na benu sa litsikaha litondo la Nzambi: ma mabwe, ma nde hatondo, na ma masupahana.

Looma 14:7

A hu li na muutu ŋa hati la bisu a benu, wu li monyi mu toni a nde mwakulu ve. Na, a hu li kaka na muutu wu li mu ukwa mu nde mwakulu ve.

Looma 6:11

Ni bumosi kaka mu benu, yabaani ti, benu lili baatu babaakwa mu masumu. Na ti, benu lili kaka monyi mu Nzambi itwadi na Yisu Kristo.

Looma 6:2

Naana ubila ve! Bisu ti laamiikwa mu masumu, ka buni lutwala ubweba monyi mu masumu?

Looma 7:4

Ni bumosi kaka benu baana ba ngu a me, benu lamiikwa ŋa busu bu Mikele bu lili itwadi na nyutu a Kristo. Ka bunuubu benu laaka ba muutu mukima, nde wuuna wu asuuhi ŋa hati la babaakwa, mana bisu a benu libutaani mbutu yimbwe ŋa busu bwa Nzambi.

1 Tesalonika 5:18

Baafutalaani matondo huli Nzambi mu pasi musamu. Liina ni li Nzambi ubaavondo benu, mu idiingu hya benu na Yisu Kristo.

Yaki 1:18

Nzambi aviidi bisu monyi. Nde aviidi bisu monyi mu litondo la nde, na mu likumbasa la mambu ma nde ma mbuli, mana bisu liba we mbutu ya tsomi mu byosi bi nde havanga.

1 Peetelo 1:14

Singalaani Nzambi bu benu lili baana ba nde. Na a likangama mu mapeyu mamabi ma benu laaba na mo tsikulu ve, ŋa benu laaba kini hutso budimbu.

1 Peetelo 2:1

Ni mu buuna, siisaani mambu moosi mamabi. Nyahani mapfuta, muwala, nyengi, na makusa mu bana.

1 Yowani 2:17

Tsi yili mu uvyoho, na byosi bi linyungi bi bili mu yo. Ka muutu wu ukuhasa litondo la Nzambi, ukwilala bilima na bilima.