1 Peetelo 3:4 - Musamu wu Mubwe

⁴ Ka yoli-yoli a nyutu a benu, yafwana uba ya hutso mutima. Ni yoli-yoli yi yuvelebiya, yi livupu li bulembo na la hyenze. Ni liina lili la talu ŋa busu bwa Nzambi.

1 Peetelo 3:4 ပူးပေါင်းရင်းမြစ်များ

Luuka 11:40

Benu a lili na buyedi ve! Bee Nzambi wu avanga mbadi a havanga ka hati ve?

Luuka 16:15

Yisu aleeli bo: «Benu libaasaha umonehele babaakuha ŋa busu bwa baatu, ka Nzambi yabi mitima mya benu. Mu toni ati bi bili bibibwe ŋa busu bwa baatu, a bili na kaluha ŋa busu bwa Nzambi ve.

Looma 1:23

Ŋa mbuha uva muyusu huli Nzambi wu avelekwa, bo bubaakunda bifwita, bifwani bya baatu ba bubaakwa, banyunyi, banyama ba miilu mina, na banyama ba bubaayene mu bali.

Looma 2:29

Ka Muyudaayo wa mbuli ni wu li wa mu tswehi, wu baakete hutso mutima, mu ketili yi Livupu la Nzambi, kini a yi baasonehe mu Mikele ve. Muyudaayo wa mbuli, ni nde wuuna wu ubaayaka muyusu wu ubaamata huli Nzambi, ka a huli baatu ve.

Looma 6:6

Ni mu buuna, liyabaani ti, imuutu hya bisu a benu hya tsikulu baakomini hyo ŋa muti itwadi na Kristo. Mana itwadi hya bisu na masumu hitabuha, na libwevelebaani baviha ba masumu.

Looma 7:22

Hutso matsimi ma mutima a me, me ndi na kinya mu matumili ma Nzambi.

Ngalaatiya 5:23

bulembo na uyaaba utuma linyutu. Mikele a mili mu ulwanisa mavanga ma pila moyiina ve.

1 Tesalonika 4:11

Hwadaani mu ubaaba mu hyenze. Nyaha pasi muutu abaaduukala ndulu misamu mi mili mu utala nde. Hwafwana huli pasi muutu mu ubaha kaluha mu isalu hya myoho mya nde mwakulu, we bu bisu laatswamini utuma benu.

2 Tesalonika 3:12

Huli baatu mobaana, bisu lili mu uvondo na lili mu utuma bo mu nduhi a Pfumu Yisu Kristo ti, bo baafwana ubaasala tangu yoosi mu ubaha byudya.

1 Timoteho 2:2

Sambila mu toni bapfumu, na mu toni a boosi ba bali na lituma. Sambila mu bo, mana bisu a benu liba na idiingu hya hyenze hyosi hutso a mbiili yi yafwana. Ni mu mbiili a bisu a benu, lu umwese ti bisu a benu baatu ba likinzu ŋa busu bwa Nzambi.

2 Timoteho 2:25

Nde afwana usungaha mu bulembo, ba bubaatelemene nde, peleve Nzambi utwala usobo mbiili a bo, mu uyaba imbuli.

Tiite 3:2

Bo muutu utuha ve, mitsotso ve. Ka bo bafwana uba baatu ba hyenze na bababwe, banga bulembo ŋa busu bwa baatu boosi.

Yaki 1:21

Ni mu buuna, timbaani mbindu yoosi na mavanga moosi mamabi. Yakaani hutso a kulimini, mambu ma Nzambi ma baakuni mu benu, ma mu utwala ufuuhasa benu.

1 Peetelo 1:23

Baamiibuta benu buta li linyatihi. A mu muhunu wu ubaakwa ve, ka mu muhunu wu avelekwa. Muhunu mowuuna, ni mambu ma Nzambi ma monyi, ma bilima na bilima.

1 Peetelo 3:15

Ka baayusaani Kristo mu mitima mya benu we Pfumu a benu wa Ngidi. Baavangamaani mu ubaakala linyutu la benu, ŋa busu bwa ba bali mu ufuula benu toni a hiitu hya benu.