1 Peetelo 2:9 - Musamu wu Mubwe

⁹ Ka benu, benu lili ibandu hibaasoolo, buli li banganga ba Nzambi ba Pfumu, buli li laatsyeme. Tso Nzambi hamiibaha benu, ni mu toni ati, benu liyaabisa mavanga ma maasyenoho. Nzambi hapalisi benu mu piipidi, nate mu ukotese benu hutso liyalala la nde la kimwili.

1 Peetelo 2:9 ပူးပေါင်းရင်းမြစ်များ

Luuka 1:79

Nde kaka uyalusa ba bali mu pipidi na mu posi lipfu, mana babita bisu mu nzila a hyenze.»

Yowani 17:19

Na me, me ndi mu utsyeme me mwakulu mu bo, mana bo kaka baba ba baatsyeme mu imbuli.

Mavanga 20:28

Kebaani, mu toni a benu mwakulu, na mu biboodi bi Livupu la Ngidi haava benu mu ukeelese. Baani bakeelisi ba biboodi bababwe ba libundu li Nzambi hasumbi, mu lipfu la Mwana a nde mwakulu.

Mavanga 26:18

Me ndi mu utsindaha we, mana we dibula bo miisu. Me ndi mu utsindaha we, mana we palisa bo mu piipidi, mu uvyoso bo mu liyalala. Me ndi mu utsindaha we, mana we palisa bo hu tsina matwala ma Satana, mu ususa bo hu tsina lituma la Nzambi. Bu bu usiila me hiitu, Nzambi unyahula masumu ma bo, na bo bu ubaha mbuha ŋa hati la ba Nzambi hamiisoolo.”»

Mavanga 26:28

Agilipa afutili huli Pahuli: «We li mu utsima ti we ukiingula matsimi ma me, mu mwana a tangu hoole moyi, mu usiingama mu Kristo a we?»

Looma 9:24

Baatu mo ni bisu. Bisu ba nde hateeli, a ndulu ba ŋa hati li Bayudaayo ve, ka napa ba ŋa hati la babaavele Bayudaayo.

Filiipo 3:14

Me ndi mu ukwaada mu uyene tiinu hu busu. Mu toni ati, Nzambi li mu uteele me mu uyaka musyendo hu yulu, mu itwadi na Kristo.

2 Timoteho 1:9

Nde ni wu ayobolo bisu, na wu ateele bisu mu mbila ya ngidi, a mu toni mavanga ma bisu mamabwe ve, ka mu toni a kesili a nde mwakulu na mu toni bubwe bwa nde. Nde asa bisu kolo-kolo a nde mu Yisu Kristo, tswamina mbandili a tangu.

Tiite 2:14

Nde ayehuli nyutu a nde, mu unyahula mamabi ma bisu moosi. Eye, nde anyahuli mamabi ma bisu, mana nde akitula bisu ibandu hya nde hi hyatsyeme, hi hili na lehemene mu ukuhasa mavanga mamabwe.

1 Peetelo 1:2

Taata Nzambi atswamini usoolo benu, we bu huli matsimi ma nde. Nde miikitusa benu ibandu hya ngidi, mu likumbasa li Livupu la nde. Nde hasiidi buuna, mana benu lisiingala Yisu Kristo, na makila ma nde ma maapuhimi matsyemese benu. Nyaha Nzambi asyeme benu na ava benu hyenze hi hyafulala.

1 Peetelo 2:5

Na benu mwakulu, we mamanya ma monyi, kuukamaani mu utuunga nzo Livupu. Kuukamaani mu uvanga kabu li banganga ba Nzambi ba nga lehemene, ba bu uba na isalu hi ubaayeholo bungodu bu Livupu. Bungodu mobuuna, Nzambi usiinga bwo, mu toni a Yisu Kristo.

1 Peetelo 4:11

Tso muutu li na bungodu bu utoyo, nde afwana uyabisa Mambu ma Nzambi. Tso muutu li na bungodu bu usalisa bambahi, nde afwana usalila bwo na mifudi mi Nzambi ubaava nde. Saani buuna mana mu moosi, Nzambi ayaka muyusu mu Yisu Kristo, mu nde huli na muyusu na matwala mu bilima na bilima. Ameni!