1 Peetelo 2:4 - Musamu wu Mubwe

⁴ Yasusahani huli Pfumu Yisu, nde wu li manya la monyi, li baatu baabumi, ka Nzambi amiisoolo lo la talu.

1 Peetelo 2:4 ပူးပေါင်းရင်းမြစ်များ

Yowani 14:19

Mu mwana a tangu hoole, baatu ba tsi a bubwemono me ve. Ka benu, benu sa limono me. Mu toni ati me ndi monyi, na benu kaka sa liba monyi.

Yowani 14:6

Yisu afutili nde: «Me ni nzila, imbuli na monyi. Muutu tso mumosi a huya huli Taata hwavele uvyohele mu me ve.

Yowani 5:26

We bu Taata ali na monyi mu nde mwakulu, ni bumosi kaka nde hava Mwana muwsa mu ubaha monyi mu nde mwakulu.

Yowani 5:40

Benu ti a lili mu utondo uya huli me mu uyaka monyi wa mbuli ve!

Yowani 6:37

Boosi ba Taata huva me, sa baya huli me. Na pasi nde wu uya huli me, me a unyasula nde ve.

Yowani 6:57

We bu Taata wu atsindaha me ali monyi, me ndi monyi mu toni a Taata. Bumosi kaka, muutu wu udya musunya a me sa aba monyi mu toni a me.

Looma 5:10

Bu bisu laaba baboho ba Nzambi, nde anongi na bisu mu lipfu la mwana a nde. Tandisini a buunubu bu bisu limiinongo na Nzambi, buni nde huvelefuhasa bisu mu monyi a mwana a nde?

1 Peetelo 1:19

Naana, Nzambi ayobili benu mu makila ma talu ma Kristo, ŋa baayehuli na baadubi nde we mwana limeme li lavele ipiha na todi, li baaviidi bungodu huli Nzambi.

1 Peetelo 1:7

Mapasi momaana, mali mu umwese imbuli hi imiinu hya benu. Wolo utwala ubiiya, ka bubaabwaha lo hu mbaahu, mu umono tso lo lili lilibwe. Ni bumosi kaka mu imiinu hya benu. Hyo hyafulala wolo talu, ka hyo kaka bubaalobese. Buukete imiinu hya benu mu umono tso hyo hili hihibwe. Titswene, ilumbu Yisu Kristo hu uyamonehele, benu sa liyaka muyusu, likinzu na butsitu.

1 Peetelo 2:7

Manya mo, libaava butsitu huli benu ba lili mu usa imiinu mu lo. Ka huli ba bali mu uvelesa imiinu: «Manya li batungi baatiimbi, laamikituha manya la ngu ŋa itungu hya nzo.»

2 Peetelo 1:1

Ni me Simoni Peetelo, musalili na ilumbi hya Yisu Kristo. Me ndi mu utsonehele huli benu, ba lili na imiinu hya tsongo we hya bisu mu hyese hya Yisu Kristo, Nzambi na Muyobili a bisu.

2 Peetelo 1:4

Ni mu buuna, Nzambi amiisa bisu malahi ma bungodu bwa talu na bu bubwe. Nde hasiidi malahi momaana, mana benu limata mu manzala ma uvanga mambu mamabi ma utsala baatu ba tsi. Ŋa mbuha unyambana, Nzambi miikitusa benu bababwe, we nde mwakulu wuli wu mubwe.