1 Peetelo 1:4 - Musamu wu Mubwe

⁴ Tso bisu lili na hiitu mohiina, bisu sa liyaka mukobe wu Nzambi hamiiswehele baatu ba nde. Mukobe mowuuna wu buuveleduba, wu buuvelesa mbindu, ka nde afwana ukeelese umwedeme hwa nde. Nzambi amiiswehele benu nde hu mayulu.

1 Peetelo 1:4 ပူးပေါင်းရင်းမြစ်များ

Mavanga 20:32

Na bunuubu, me nzyehuli benu ŋa myoho mya Nzambi, na mu lituma li Musamu wu Mubwe wa pfuuhili. Nde na matwala ma uhwadisa benu mu imiinu, na uva benu mukobe wu nde haswehele boosi ba baakangama mu nde.

Mavanga 26:18

Me ndi mu utsindaha we, mana we dibula bo miisu. Me ndi mu utsindaha we, mana we palisa bo mu piipidi, mu uvyoso bo mu liyalala. Me ndi mu utsindaha we, mana we palisa bo hu tsina matwala ma Satana, mu ususa bo hu tsina lituma la Nzambi. Bu bu usiila me hiitu, Nzambi unyahula masumu ma bo, na bo bu ubaha mbuha ŋa hati la ba Nzambi hamiisoolo.”»

Looma 8:17

Eye, tso bisu lili baana ba Nzambi, bisu kaka ni babyalili ba mukobe! Eye! Babyalili ba mukobe a Nzambi. Mukobe wu luukabasana itwadi na Kristo. Ka tso bisu lili mu umono mapasi itwadi na Kristo, bisu kaka sa liba itwadi hutso muyusu a nde.

Ngalaatiya 3:18

Ka tso mukobe wu Nzambi ubaava, li mu uyila mu nzila Mikele, buuna a husaali mu toni a lahi ve. Ka Nzambi aviidi Abrahami lisyeme mu nzila a lahi.

2 Timoteho 4:8

Bunuubu, bamiiswehele me mutata a butsitsa, humbisa a mbingili a me. Pfumu, nzonzi wa tsitsa, wu utsundasa bu hwafwana, uva me mutata mo ilumbu mohiina. Nde uva mutata, ndulu a huli me ve, ka napa huli boosi ba bali na lehemene li ukeele monihili a nde.

Yaki 1:11

Bu nyangu hubaapala, mbaahu a lwanga, yibaakanyisa bwadi. Ifulu hibaanengele, hibaabwa, na yoli-yoli a hyo yibaadimbala. Ni bumosi kaka huli isina, nde udimbala ŋa hati li mavanga ma nde.

1 Peetelo 3:9

A lifutala lilibi mu lilibi ve, tso ituhi mu ituhi ve. Ka futalaani bunuubu: «Nyaha Nzambi asyeme benu!» Mu toni ati, ni muliina Nzambi hateele benu, mana benu liyaka lisyeme.

1 Peetelo 5:4

Na ŋa Mukuutu babungili hu uyamonehele, benu lu uyaka mutata a muyusu, wu uvelebiya.