1 Peetelo 1:3 - Musamu wu Mubwe

³ Ba wu baasyeme Nzambi, Taata a Pfumu a bisu Yisu Kristo! Mu bunene bwa kwili a nde lingebe, nde amiiva bisu monyi wu munyatihi, mu tsuuhili a Yisu Kristo ŋa hati la babaakwa. Nde hasiidi buuna, mana bisu liba na hiitu hi hili monyi.

1 Peetelo 1:3 ပူးပေါင်းရင်းမြစ်များ

Yowani 1:13

Bo a bali baana ba Nzambi mu makila, buuve mu litondo li musunya ve, a tso mu litondo la muutu ve. Ka bo baabutimi baana ba Nzambi mu litondo la nde.

Looma 12:12

Baani na kinya mu toni a hiitu hya benu. Baani na mukami mu tangu a pasi, baasambilaani na mukonono.

Looma 15:13

Nyaha Nzambi wu ubaava hiitu, aluusa benu mu kinya na mu hyenze bi byakuha mu imiinu hya benu mu nde. Mana benu liluula mu hiitu hi matwala ma Livupu la Ngidi.

Looma 4:25

Nzambi aviidi Yisu mu lipfu, mu toni masumu ma bisu. Na Nzambi asuuli nde, mana bisu liba ba baakuha.

Looma 5:10

Bu bisu laaba baboho ba Nzambi, nde anongi na bisu mu lipfu la mwana a nde. Tandisini a buunubu bu bisu limiinongo na Nzambi, buni nde huvelefuhasa bisu mu monyi a mwana a nde?

Looma 8:11

Tso Livupu la Nzambi, wuuna wu asuula Yisu ŋa hati la babakwa lili mu benu, Nzambi wuuna wu asuula Kristo ŋa hati la babakwa, sa ava kaka monyi huli nyutu a benu yi yukwa mu Livupu la nde li lili mu benu.

Looma 8:24

Ka bisu lamiiyoboho ndulu mu hiitu. Bi muutu ali mu umono, utwala ubweba hiitu ve. Bi bali mu umono, utwala ubwesa hiitu mu byo?

Ngalaatiya 6:16

Huli boosi ba bali mu usiingala ndongisili a me, me ndi mu undeele bunuubu: Nyaha hyenze na bubwe bwa Nzambi, biba mu bo na mu buli la Nzambi loosi!

1 Tesalonika 1:3

Bisu lili mu uyibwala monyi pasi tangu ŋa busu bwa Nzambi Taata a bisu, mu toni isalu hi imiinu hya benu, isalu hi litondo la benu, na kwadili a benu mu hiitu mu Pfumu a bisu Yisu Kristo.

1 Tesalonika 4:13

Baana ba ngu, bisu litondi ti benu liyaaba imbuli mu toni a babaakwa. Bisu a litondi ve ti benu liba na lingebe, we baatu ba baavele na hiitu.

2 Tesalonika 2:16

Mu hyese hya nde, Nzambi Taata a bisu atondo bisu, na nde ava bisu ibahala hi hyavele na tsukusu na hiitu hi hibwe. Nyaha nde na Pfumu a bisu Yisu Kristo nde mwakulu,

1 Timoteho 1:14

Pfumu a bisu amiipuhala hyese hya nde mu me, mu iteesi hi hyafulala. Nde akumbisi me mu usa imiinu mu nde, na mu utondo bana. Maana moosi mu ubaayelemene, mu toni a bu me akangama mu Yisu Kristo.

Tiite 2:13

Ni buuna, bisu lafwana ukeele ilumbu hya kinya hi bisu lili mu usa hiitu. Ilumbu mohina, Nzambi a bisu wu munene, wu uli Mufuhisi a bisu Yisu Kristo, sa amonehele hutso muyusu a nde.

Yaki 1:18

Nzambi aviidi bisu monyi. Nde aviidi bisu monyi mu litondo la nde, na mu likumbasa la mambu ma nde ma mbuli, mana bisu liba we mbutu ya tsomi mu byosi bi nde havanga.

1 Peetelo 1:13

Ni mu buuna, vangamaani! Baani likanda! Saani hiitu hya benu hyosi mu hyese hi Nzambi huva benu, ŋa Yisu Kristo huyamonehele.

1 Peetelo 1:21

Mu nde benu lili mu usa imiinu mu Nzambi wu asuula nde ŋa hati la babaakwa, na wu ava nde muyusu. Ni mu buuna, benu libaasa imiinu na hiitu mu Nzambi.

1 Peetelo 1:23

Baamiibuta benu buta li linyatihi. A mu muhunu wu ubaakwa ve, ka mu muhunu wu avelekwa. Muhunu mowuuna, ni mambu ma Nzambi ma monyi, ma bilima na bilima.

1 Peetelo 2:2

Benu lili we baana ba bamiibuta. Sahaani mambu ma Nzambi ma mbuli, we bu mwana ubaasaha unywa mabeelo ma ngu a nde. Mana mu mo, benu likula na liyaka liyobolo.

1 Peetelo 3:15

Ka baayusaani Kristo mu mitima mya benu we Pfumu a benu wa Ngidi. Baavangamaani mu ubaakala linyutu la benu, ŋa busu bwa ba bali mu ufuula benu toni a hiitu hya benu.

1 Peetelo 3:21

Mamba momaana aba ni ifwani hya tondihili yi yili mu ufuuhasa benu tangu yi. Tondihili mo, a yili mu uswaha mbiindu a nyutu a benu ve. Ka ni mu usobo mbiili ŋa busu bwa Nzambi, mu matsimi ma maatsyeme. Tondihili yili mu ufuuhasa benu, mu toni ati Yisu Kristo asuuhi mu babaakwa.

1 Peetelo 3:5

Ni buuna hutsomi, bakaasu bangidi ba baakasa hiitu mu Nzambi, baakamwese yoli-yoli a bo. Bo baakasiingala balumi ba bo.

1 Yowani 2:29

Benu liyabi ti Kristo li wu akuha. Ni mu buuna, benu laafwana uyaba kaka ti, woosi wu ubaavanga mambu ma maasungama, li wu Nzambi habuta.

1 Yowani 3:3

Woosi wu li mu usa hiitu mu nde, li mu ukituha wu atsyeme we bu Kristo nde mwakulu ali wu atsyeme.

1 Yowani 3:9

Pasi muutu wu Nzambi habuta, masumu ubwesa ve mu toni ati, monyi wu ubaamata huli Nzambi, ubaakwilala mu nde. Nde masumu ubwesa ve mu toni ati, Nzambi ni wu abuta nde.

1 Yowani 4:7

Bambahi ba litondo, litondosonwaani. Mu toni ati, litondo libaamata huli Nzambi. Woosi wu ubaatondo bana, li wu Nzambi habuta. Nde yaabi Nzambi.

1 Yowani 5:1

Woosi wu ubaasa imiinu ti Yisu ni Kristo, li wu Nzambi habuta. Na woosi wu atondo Nzambi Taata, atondo kaka baana ba nde habuta.

1 Yowani 5:18

Bisu liyabi ti pasi wu Nzambi habuta, a hubaabwesumaha ve, mu toni ati Mwana a Nzambi ubaakeelese nde, na Nga bubi utwala ubwevangila nde lilibi ve.

1 Yowani 5:4

Mu toni ati, boosi ba Nzambi habuta, bubaabiingala tsi. Na ilwanili hi bisu libaabiingala tsi, ni imiinu hya bisu.