Tito 3:15 - Triqui de San Juan Copala

¹⁵ Me rá cunuda̱nj nij yuvii̱ ya̱nj ga̱ ꞌu̱nj cuano̱ se vaa veꞌé ca̱yáán so̱ꞌ ado̱nj. Ne̱ cata̱j so̱ꞌ rihaan nij síí ꞌe̱e̱ rá man níꞌ nij síí noco̱ꞌ man Yaꞌanj se vaa veꞌé cuma̱n cunuda̱nj nij soꞌ á. Me rá ꞌu̱nj ꞌo̱ quiꞌya̱j ndoꞌo Yaꞌanj se lu̱j cheꞌé cunuda̱nj nij soj na̱nj ado̱nj.

Tito 3:15 ပူးပေါင်းရင်းမြစ်များ

San Mateo 5:47

Cheꞌé dan, sese veꞌé aꞌmii soj ga̱ ina̱nj tinúú soj, ne̱ sa̱ꞌ doj vaa soj rihaan ꞌó nij yuvii̱, rá soj naꞌ. Taj maꞌ. Ne̱ nda̱a nij síí yaníj síí ne neꞌen da̱j vaa Yaꞌanj roꞌ, neꞌen soj se vaa ꞌe̱e̱ rá nij soꞌ man tuviꞌ maꞌa̱n nij soꞌ na̱nj ado̱nj.

Hechos 20:34

Ne̱ a̱j neꞌen maꞌa̱n soj se vaa ma̱ꞌanj raꞌaj nihánj quiꞌyaj suun cheꞌé rej caꞌvee quiri̱ꞌ ꞌu̱nj nij rasu̱u̱n achiin manj do̱ꞌ, achiin man nij síí chéé ga̱j do̱ꞌ a.

1 Corintios 16:23

Me rá ꞌu̱nj quiꞌya̱j ndoꞌo Jesús Si̱j ꞌNi̱j Raꞌa man níꞌ se lu̱j cheꞌé soj na̱nj á.

Gálatas 5:6

Xa̱ꞌ níꞌ si̱j noco̱ꞌ man Cristó Jesús me se taj se ꞌyaj sese quita̱j taꞌngaꞌ man níꞌ, taj se ꞌyaj sese se̱ quitáá taꞌngaꞌ man níꞌ, rá Yaꞌanj maꞌ. Tana̱nj me rá Yaꞌanj cuchuma̱n rá níꞌ ni̱ꞌyaj níꞌ man Cristó, ne̱ cheꞌé dan ga̱a̱ ꞌe̱e̱ rá níꞌ ni̱ꞌyaj níꞌ man tinúú níꞌ ado̱nj.

Colosenses 4:18

Rej navij yanj cartá nihánj roꞌ, raꞌa ma̱ꞌanj si̱j cuꞌna̱j Pabló cachrón nana̱ nihánj ado̱nj. Se̱ niꞌyón soj se vaa ꞌni̱j ꞌu̱nj tagaꞌ maꞌ. Me rá ꞌu̱nj quiꞌya̱j ndoꞌo Yaꞌanj se lu̱j cheꞌé nij soj ado̱nj.

1 Timoteo 1:2

ꞌYáá ꞌu̱nj yanj cartá nihánj caꞌne̱j ꞌu̱nj rihaan so̱ꞌ si̱j cuꞌna̱j Timoteo a. Dan me se tihaán ꞌu̱nj snana̱ Yaꞌanj rihaan so̱ꞌ, ne̱ cuchumán rá so̱ꞌ nana̱ yoꞌ, ne̱ cheꞌé dan ase vaa ꞌo̱ taꞌníj roꞌ, da̱nj vaa yá so̱ꞌ rihanj ado̱nj. Me rá ꞌu̱nj se vaa Rej níꞌ Yaꞌanj ga̱ Cristó Jesús Si̱j ꞌNi̱j Raꞌa man níꞌ quiꞌya̱j ndoꞌo se lu̱j cheꞌé so̱ꞌ, ne̱ ga̱a̱ ꞌe̱e̱ rá ro̱j soꞌ mán so̱ꞌ, ne̱ ga̱a̱ xe̱j nimán so̱ꞌ, quiꞌya̱j ro̱j soꞌ, raj a.

1 Timoteo 1:5

ꞌO̱ se aꞌnéꞌ ꞌu̱nj suun yoꞌ rihaan so̱ꞌ cheꞌé se me rá ꞌu̱nj ga̱a̱ ꞌe̱e̱ rá níꞌ tuviꞌ níꞌ á. Sese naruvii nimán níꞌ, ne̱ sese taj cacunꞌ tumé níꞌ rá níꞌ, ne̱ sese amán ya̱ rá níꞌ niꞌya̱j níꞌ Yaꞌanj, ne̱ caꞌve̱e ga̱a̱ ꞌe̱e̱ rá níꞌ ni̱ꞌyaj níꞌ tuviꞌ níꞌ ado̱nj.

2 Timoteo 4:22

Me rá ꞌu̱nj ca̱yáán Síí ꞌNi̱j Raꞌa man níꞌ ga̱ nimán so̱ꞌ, ne̱ quiꞌya̱j ndoꞌo Yaꞌanj se lu̱j cheꞌé nij soj ado̱nj.

Filemón 1:5

Da̱nj ꞌyáá ꞌu̱nj, cheꞌé se caꞌnaꞌ nana̱ rihanj se vaa amán ndoꞌo rá so̱ꞌ niꞌya̱j so̱ꞌ man Jesús Si̱j ꞌNi̱j Raꞌa man níꞌ, ne̱ ꞌe̱e̱ ndoꞌo rá so̱ꞌ man cunuda̱nj nij síí noco̱ꞌ man soꞌ vaa cunó ꞌu̱nj ado̱nj.

Hebreos 13:25

Me rá ꞌu̱nj quiꞌya̱j ndoꞌo Yaꞌanj se lu̱j ga̱ ta̱ranꞌ nij soj na̱nj ado̱nj.

3 Juan 1:1

Síí chii nga̱ mej, ne̱ achrón ꞌu̱nj yanj nihánj naya̱a̱ so̱ꞌ si̱j cuꞌna̱j Gayo a. ꞌE̱e̱ raj mán so̱ꞌ, cheꞌé se si̱j noco̱ꞌ nana̱ ya̱ me níꞌ a.