Tito 3:13 - Triqui de San Juan Copala

¹³ Ra̱cuíj so̱ꞌ man síí cuꞌna̱j Zenas licenciadó síí aꞌmii cheꞌé yuvii̱ rihaan cuese̱ do̱ꞌ, man síí cuꞌna̱j Apolos do̱ꞌ, quiꞌya̱j chuvi̱i ro̱j soꞌ caꞌa̱nj ro̱j soꞌ á. Taj se cachi̱in man ro̱j soꞌ, qui̱ꞌyáá so̱ꞌ maꞌ. ꞌO̱ se me maꞌa̱n rasu̱u̱n achiin man ro̱j soꞌ, ne̱ rque̱ so̱ꞌ na̱nj á.

Tito 3:13 ပူးပေါင်းရင်းမြစ်များ

San Mateo 22:35

Ga̱a ne̱ xnáꞌanj ꞌo̱ nij soꞌ ꞌo̱ nana̱ man Jesús, queneꞌe̱n soꞌ sese gu̱un nucua̱j Jesús cata̱j xnaꞌanj Jesús nana̱ yoꞌ a. Dan me se cataj soꞌ a:

San Lucas 10:25

Dan me se canicunꞌ caya̱ ꞌo̱ síí naquiꞌyaj cu̱u stucua̱nj Moisés, ne̱ guun rá soꞌ quiri̱ꞌ soꞌ rej cara̱a soꞌ cacunꞌ xráá Jesús a. Cheꞌé dan xnáꞌanj soꞌ ꞌo̱ nana̱ man Jesús a: ―Da̱j qui̱ꞌyáj, ga̱a ne̱ caꞌve̱e ca̱yánj ga̱ Yaꞌanj nu̱ꞌ cavii nu̱ꞌ caꞌanj, ga̱a maestro̱ꞌ ―taj soꞌ rihaan Jesús a.

San Lucas 11:45

Ga̱a ne̱ caꞌmii ꞌo̱ síí naquiꞌyaj cu̱u stucua̱nj Moisés, ne̱ cataj soꞌ rihaan Jesús a: ―Tza̱j ne̱ nachríꞌ so̱ꞌ niꞌya̱j so̱ꞌ man maꞌa̱n núj ga̱a aꞌmii so̱ꞌ nana̱ vaa da̱nj na̱nj á ―taj soꞌ rihaan Jesús a.

San Lucas 11:52

’Nique̱ soj si̱j naquiꞌyaj cu̱u stucua̱nj Moisés á. Quira̱nꞌ uxrá soj sayuun ado̱nj. Taj se qui̱ꞌyáꞌ xca̱j yuvii̱ cuentá, ꞌyaj soj maꞌ. Dan me se maꞌa̱n soj roꞌ, naꞌvej rá catu̱u̱ stucua̱nj Yaꞌanj, ne̱ nij síí me rá catu̱u̱ me se aráán soj chrej rihaan nij soꞌ, ne̱ naꞌvej rá soj catu̱u̱ nij soꞌ a̱ maan ado̱nj ―taj Jesús rihaan nij síí naquiꞌyaj cu̱u stucua̱nj Moisés a.

San Lucas 14:3

Ga̱a ne̱ xnáꞌanj Jesús man nij síí naquiꞌyaj cu̱u stucua̱nj Moisés do̱ꞌ, man nij síí fariseo do̱ꞌ, cataj soꞌ a: ―No̱ xcúún níꞌ caꞌne̱e̱ níꞌ chiꞌii̱ xráá síí ranꞌ güii naránj rá níꞌ, rá soj naꞌ. Ase ne nó xcúún níꞌ xa̱ꞌ ―taj Jesús, xnáꞌanj Jesús man nij soꞌ a.

San Lucas 7:30

Tza̱j ne̱ nij síí naquiꞌyaj cu̱u stucua̱nj Moisés do̱ꞌ, nij síí fariseo do̱ꞌ, ne caꞌve̱j rá nij soꞌ cuno̱ nij soꞌ da̱j me rá Yaꞌanj quiꞌya̱j Yaꞌanj cheꞌé nij soꞌ maꞌ. ꞌO̱ se né si̱j cataꞌ ne quiꞌyaj Juan me nij síí naꞌvej rá maꞌ.

Hechos 15:3

Dan me se veꞌé racuíj xꞌneꞌ nij síí noco̱ꞌ man Cristó man nij síí caꞌanj suun, ne̱ caꞌanj nij soꞌ, ne̱ cachén nij soꞌ estadó Fenicia do̱ꞌ, estadó Samaria do̱ꞌ a. Ne̱ cataj xnaꞌanj nij soꞌ rihaan nij tinúú nij soꞌ cheꞌé nij yuvii̱ yaníj se vaa tanáj xco̱ nij soꞌ tucuáán nica̱j nij soꞌ asi̱j naá ne̱ canocoꞌ nij soꞌ man Yaꞌanj ya̱, ga̱a ne̱ guun niha̱ꞌ uxrá rá cunuda̱nj nij síí cuno nana̱ yoꞌ a.

Hechos 18:24

Dan me se vaa ꞌo̱ síí israelitá cuꞌna̱j Apolos, ne̱ si̱j cavii chumanꞌ Alejandría me soꞌ, ne̱ si̱j veꞌé ndoꞌo aꞌmii me soꞌ, ne̱ sa̱ꞌ uxrá nariꞌ soꞌ Danj Yaꞌanj a. Dan me se cuchiꞌ soꞌ nda̱a chumanꞌ Éfeso a.

Hechos 19:1

Dan me se ga̱a cayáán síí cuꞌna̱j Apolos chumanꞌ Corinto, ne̱ cachén Pabló rej xra̱j doj cuchiꞌ soꞌ nda̱a chumanꞌ Éfeso, ne̱ nariꞌ soꞌ do̱j síí tucuꞌyón snana̱ Jesucristó a.

Hechos 21:5

Dan me se ga̱a quisíj chi̱j güii yoꞌ, ne̱ curiha̱nj núj caꞌanj núj rej ta̱j rihoo rihaan na, ne̱ cachéé cunuda̱nj nij tucua̱ nij síí tucuꞌyón snana̱ Jesucristó ga̱ núj nda̱a se cuchiꞌ núj tuꞌva chumanꞌ a. Ga̱a ne̱ cayáán ru̱j núj rihaan yoꞌóó chru̱u̱ na̱j tuꞌva na yaꞌa̱nj rej yoꞌ, ne̱ cachíín niꞌya̱j núj rihaan Yaꞌanj a.

Hechos 28:10

Ga̱a ne̱ caráj cochro̱j uxrá nij soꞌ man núj, ne̱ ga̱a curiha̱nj núj yoꞌóó yoꞌ, ne̱ rqué nij soꞌ rihaan núj cunuda̱nj nij rasu̱u̱n cachiin man núj a.

Romanos 15:24

ne̱ cheꞌé dan me que̱neꞌén ꞌu̱nj man soj ga̱a caꞌa̱nj ꞌu̱nj yoꞌóó noco̱o cuꞌna̱j España, raj a. Me rá ꞌu̱nj ca̱ránꞌ ꞌu̱nj chiháán soj do̱j güii, ne̱ gu̱un niha̱ꞌ raj ca̱yánj ga̱ soj, ne̱ nano̱ níꞌ cuentó, ga̱a ne̱ ra̱cuíj soj mán ꞌu̱nj caꞌa̱nj ꞌu̱nj nda̱a yoꞌóó noco̱o cuꞌna̱j España, raj a.

1 Corintios 16:11

Se̱ nachriꞌ soj ni̱ꞌyaj soj man soꞌ maꞌ. Ma̱an se dínj cuma̱n soj ga̱ soꞌ, ne̱ veꞌé ra̱cuíj soj man soꞌ yan caꞌna̱ꞌ uún soꞌ rihanj nihánj á. Naꞌvi̱j uxraj caꞌna̱ꞌ uún soꞌ ga̱ ꞌó nij tinúú níꞌ ado̱nj.

1 Corintios 16:12

Ne̱ tinúú níꞌ síí cuꞌna̱j Apolos me se rquee̱ ndoꞌo ꞌu̱nj man soꞌ se vaa cuchi̱ꞌ soꞌ ga̱ ꞌó nij tinúú níꞌ rihaan soj, tza̱j ne̱ a̱ doj ne caꞌve̱j soꞌ cuchi̱ꞌ soꞌ cuano̱ maꞌ. Tza̱j ne̱ nda̱a güii xꞌnúj rihaan soꞌ asuun, ga̱a ne̱ cuchi̱ꞌ soꞌ rihaan soj a.