Tito 3:11 - Triqui de San Juan Copala

¹¹ ꞌO̱ se xa̱ꞌ síí ꞌyaj xraꞌ taꞌa̱j yuvii̱, tza̱j ne̱ a̱j tanáj soꞌ tucuáán ya̱, ne̱ tumé soꞌ cacunꞌ ado̱nj. Ne̱ ma̱an cheꞌé cacunꞌ ata̱ soꞌ roꞌ, ꞌyaj yu̱u̱n cheꞌe̱ riꞌ soꞌ na̱nj ado̱nj.

Tito 3:11 ပူးပေါင်းရင်းမြစ်များ

San Lucas 19:22

’Ga̱a ne̱ cataj síí xnaꞌa̱nj ruꞌvee rihaan mozó yoꞌ a: “Mozó chiꞌi̱i̱ nimán mé so̱ꞌ chugua̱nj. Ya̱ tumé so̱ꞌ cacunꞌ cheꞌé nana̱ tuꞌva ma̱ꞌán so̱ꞌ na̱nj á. ꞌO̱ se queneꞌén so̱ꞌ se vaa si̱j sca̱ꞌ ndoꞌo nimán mej, ne̱ queneꞌén so̱ꞌ se vaa naxca̱j ꞌu̱nj rasu̱u̱n rej nuviꞌ rasu̱u̱n cutaj, ne̱ queneꞌén so̱ꞌ se vaa ꞌó yuvii̱ unô caân ne̱ ꞌu̱nj rii naa̱ na̱nj á.

San Lucas 7:30

Tza̱j ne̱ nij síí naquiꞌyaj cu̱u stucua̱nj Moisés do̱ꞌ, nij síí fariseo do̱ꞌ, ne caꞌve̱j rá nij soꞌ cuno̱ nij soꞌ da̱j me rá Yaꞌanj quiꞌya̱j Yaꞌanj cheꞌé nij soꞌ maꞌ. ꞌO̱ se né si̱j cataꞌ ne quiꞌyaj Juan me nij síí naꞌvej rá maꞌ.

San Juan 3:18

Níꞌ si̱j amán rá niꞌya̱j man Taꞌníí Yaꞌanj me se taj va̱j sayuun quira̱nꞌ níꞌ maꞌ. Tza̱j ne̱ síí ne amán rá niꞌya̱j man soꞌ roꞌ, a̱j cataj Yaꞌanj se vaa ya̱ quira̱nꞌ soꞌ sayuun na̱nj á. Cheꞌé se ne cuchuma̱n ya̱ rá soꞌ niꞌya̱j soꞌ o̱rúnꞌ ya̱ Taꞌníí Yaꞌanj roꞌ, cheꞌé dan quira̱nꞌ ya̱ soꞌ sayuun ado̱nj.

Hechos 13:46

Tza̱j ne̱ ne cuchuꞌvi̱ꞌ ya̱ Pabló ga̱ Bernabé ni̱ꞌyaj ro̱j soꞌ man nij yuvii̱ israelitá a̱ maꞌ. Ne̱ cataj ro̱j soꞌ a: ―No̱ xcúún núj nata̱ꞌ núj snana̱ Yaꞌanj rihaan nij soj si̱j israelitá asino ya̱a̱n ado̱nj. Tza̱j ne̱ cheꞌé se quiriꞌíj yaníj soj nana̱ yoꞌ, ne̱ cheꞌé se né si̱j no̱ xcúún ca̱yáán ga̱ Yaꞌanj nu̱ꞌ cavii nu̱ꞌ caꞌanj me soj rá soj, ne̱ cheꞌé dan nihánj me se ca̱nica̱j núj, ne̱ nata̱ꞌ núj nana̱ yoꞌ rihaan nij síí yaníj na̱nj ado̱nj.

Hechos 15:24

Dan me se caꞌnaꞌ nana̱ rihaan núj se vaa do̱j tuviꞌ núj me síí caꞌmii nana̱ quiꞌyaj sayuun rihaan soj, ne̱ quiriꞌ rá nimán soj, quiꞌyaj nij síí caꞌmii nana̱ yoꞌ a. Tza̱j ne̱ né núj caꞌnéé man nij soꞌ maꞌ.

Hechos 23:25

Ga̱a ne̱ quiꞌyaj soꞌ ꞌo̱ yanj cartá, ne̱ ase vaa nana̱ nihánj roꞌ, da̱nj vaa nana̱ cachrón soꞌ rihaan yanj cartá yoꞌ a:

Romanos 3:19

Dan me se yuvii̱ noco̱ꞌ stucua̱nj Moisés me nij síí israelitá, ne̱ dan me se neꞌen níꞌ se vaa nu̱ꞌ nana̱ yoꞌ nana̱ no̱ rihaan Danj Yaꞌanj roꞌ, taj xnaꞌanj rihaan nij soꞌ da̱j vaa maꞌa̱n nij soꞌ a. Nda̱a síj, ga̱a ne̱ gu̱un naꞌa̱j nij soꞌ ga̱ ꞌó nij yuvii̱ ma̱n rihaan chumii̱ nihánj, ne̱ queneꞌe̱n cunuda̱nj níꞌ se vaa vaa cheꞌé quiꞌya̱j Yaꞌanj sayuun man níꞌ na̱nj ado̱nj.

2 Timoteo 2:14

Dan me se cata̱j xnaꞌanj so̱ꞌ rihaan nij síí noco̱ꞌ man Yaꞌanj se vaa se̱ niꞌyón nij soꞌ nana̱ nihánj maꞌ. Ne̱ nago̱ꞌ so̱ꞌ chrej nucua̱j man nij soꞌ rihaan Yaꞌanj Si̱j ꞌNi̱j Raꞌa man níꞌ se vaa se̱ caꞌmii cano̱ tuviꞌ nij soꞌ cheꞌé nana̱ tucuꞌyón nij soꞌ maꞌ. ꞌO̱ se taj cheꞌé quiꞌya̱j nij soꞌ da̱nj maan ado̱nj. Ne̱ síí ataꞌ xre̱j snana̱ nij soꞌ roꞌ, quiri̱ꞌ rá nij soꞌ ado̱nj.

Tito 1:11

Vaa cheꞌé ndoꞌo caꞌne̱ꞌ rá nij soꞌ ga̱ nana̱ vaa da̱nj qui̱ꞌyáá so̱ꞌ na̱nj á. ꞌO̱ se riꞌ ndoꞌo rá queꞌe̱e̱ nij tucua̱ yuvii̱, ꞌyaj nij soꞌ ga̱a tucuꞌyón nij soꞌ nana̱ vaa da̱nj nana̱ ne nó xcúún nij soꞌ tu̱cuꞌyón nij soꞌ na̱nj ado̱nj. Ne̱ ina̱nj saꞌanj quiri̱ꞌ u̱u̱n nij soꞌ, rá nij soꞌ, dan ꞌyaj chiꞌi̱i̱ nij soꞌ ado̱nj.

Tito 1:14

Dan me se da̱nj qui̱ꞌyáá so̱ꞌ, ga̱a ne̱ se̱ gaa na̱nj xca̱j nij soꞌ cuentá cheꞌé nij cuentó u̱u̱n nanó nij yuvii̱ israelitá á. Ne̱ se̱ cuno nij soꞌ suun caꞌneꞌ nij síí naꞌvej rá canoco̱ꞌ tucuáán ya̱ rihaan nij soꞌ maꞌ.

Hebreos 10:26

ꞌO̱ se sese a̱j canocoꞌ níꞌ nana̱ ya̱ nana̱ nariꞌ níꞌ, ga̱a ne̱ sese quiri̱i̱ nimán níꞌ quiꞌya̱j níꞌ cacunꞌ, ne̱ taj va̱j ꞌó se vaa quiꞌya̱j níꞌ ga̱a ne̱ tinavi̱j uún Yaꞌanj cacunꞌ tumé níꞌ a̱ maꞌ.