Tito 2:8 - Triqui de San Juan Copala

⁸ Ina̱nj nana̱ sa̱ꞌ caꞌmi̱i̱ so̱ꞌ á. Ga̱a ne̱ gu̱un naꞌa̱j nij síí ta̱j riꞌyunj man níꞌ cheꞌé se se̱ caꞌvee caꞌmi̱i̱ nij soꞌ nana̱ nij cheꞌé níꞌ a.

Tito 2:8 ပူးပေါင်းရင်းမြစ်များ

San Marcos 12:17

Ga̱a ne̱ cataj Jesús a: ―Rque̱ soj siꞌyaj síí nica̱j suun rihaan maꞌa̱n soꞌ, ne̱ rque̱ soj siꞌyaj Yaꞌanj rihaan Yaꞌanj á ―taj Jesús a. Ga̱a ne̱ caꞌanj ndoꞌo rá nij síí me rá tiha̱ꞌ yuꞌunj yoꞌ niꞌya̱j nij soꞌ man Jesús a.

San Marcos 12:28

Ga̱a ne̱ ꞌo̱ nij síí naquiꞌyaj cu̱u stucua̱nj Moisés cuchiꞌ rihaan Jesús, ne̱ soꞌ roꞌ, me síí cuno da̱j caꞌmii Jesús ga̱ nij síí saduceo yoꞌ a. Ne̱ queneꞌen soꞌ se vaa sa̱ꞌ uxrá caꞌmii Jesús, ne̱ cheꞌé dan xnáꞌanj soꞌ man Jesús a: ―Me suun me suun noco̱o doj rihaan cunuda̱nj nij suun caꞌneꞌ Yaꞌanj no̱ xcúún níꞌ cuno̱ níꞌ ga̱ ―taj soꞌ a.

San Marcos 12:32

Ga̱a ne̱ cataj síí naquiꞌyaj cu̱u stucua̱nj Moisés yoꞌ rihaan Jesús a: ―Cuna̱j uxrá caꞌmii so̱ꞌ, maestro, ne̱ ya̱ uxrá vaa nana̱ caꞌmii so̱ꞌ, se vaa o̱rúnꞌ Yaꞌanj, ne̱ taj va̱j tuviꞌ Yaꞌanj, ma̱an se o̱rúnꞌ soꞌ nicunꞌ a.

San Marcos 12:34

Ga̱a ne̱ queneꞌen Jesús se vaa ya̱ cavii raa̱ síí caꞌmii da̱nj rihaan soꞌ, ne̱ cheꞌé dan cataj Jesús rihaan soꞌ a: ―So̱ꞌ me se nichrunꞌ ya̱ caꞌve̱j rá so̱ꞌ gu̱un chij Yaꞌanj nimán so̱ꞌ na̱nj ado̱nj ―taj Jesús a. Ne̱ taj va̱j síí quisíj rá xna̱ꞌanj ꞌó nana̱ man Jesús a̱ maꞌ.

San Lucas 13:17

Ne̱ ga̱a quisíj caꞌmii soꞌ da̱nj, ga̱a ne̱ guun naꞌa̱j cunuda̱nj nij síí guun rá cano̱ tuviꞌ ga̱ soꞌ, tza̱j ne̱ guun niha̱ꞌ rá cunuda̱nj nij yuvii̱ cheꞌé cunuda̱nj nij suun sa̱ꞌ noco̱o quiꞌyaj soꞌ a.

2 Tesalonicenses 3:14

Sese ꞌo̱ tuviꞌ soj naꞌvej rá cuno̱ nana̱ cachrón núj rihaan yanj nihánj, ne̱ xca̱j soj cuentá me síí naꞌvej rá cuno̱ nana̱, ne̱ se̱ nica̱j tuviꞌ rcuaꞌa̱a̱n soj ga̱ soꞌ maꞌ. Nda̱a síj, ga̱a ne̱ gu̱un naꞌa̱j soꞌ a.

1 Timoteo 5:14

Ma̱an cheꞌé dan me rá ꞌu̱nj xca̱j nij chana̱ taꞌa̱j yoꞌ ꞌó snóꞌo, ne̱ cuchru̱j nij noꞌ neꞌej, ne̱ tu̱mé nij noꞌ veꞌ tucuá nij noꞌ, ne̱ da̱nj ga̱a̱, ga̱a ne̱ se̱ caꞌvee caꞌmi̱i̱ nij síí ta̱j riꞌyunj man níꞌ nana̱ chiꞌi̱i̱ cheꞌé níꞌ maꞌ.

1 Timoteo 6:3

Sese tucuꞌyón ꞌo̱ soꞌ tucuáán ne̱, ne̱ ne aꞌneꞌ rá soꞌ ga̱ tucuáán ya̱ cuchruj Jesucristó Si̱j ꞌNi̱j Raꞌa man níꞌ do̱ꞌ, ga̱ tucuáán aranꞌ rá Yaꞌanj cuno̱ níꞌ do̱ꞌ,

Tito 3:14

Ne̱ me rá ꞌu̱nj nari̱ꞌ ꞌó nij tinúú níꞌ quiꞌya̱j ndoꞌo nij soꞌ suun sa̱ꞌ cheꞌé tuviꞌ nij soꞌ síí achiin ya̱ rasu̱u̱n man uún chugua̱nj. Sese da̱nj ꞌyaj nij soꞌ, ne̱ vaa se gúnꞌ man nij soꞌ chugua̱nj.

1 Pedro 2:12

Ne̱ veꞌé ina̱nj quiꞌya̱j soj rej ya̱nj soj scaꞌnúj nij síí chiꞌi̱i̱ ma̱n rihaan chumii̱ nihánj, ga̱a ne̱ sese gu̱un rá nij soꞌ cuta̱ꞌ nij soꞌ cacunꞌ rmi̱ꞌ xráá soj se vaa nij ꞌyaj soj, ga̱a ne̱ xca̱j nij soꞌ cuentá se vaa veꞌé ina̱nj ꞌyaj soj ado̱nj. Ga̱a ne̱ güii caꞌna̱ꞌ Yaꞌanj rihaan chumii̱ nihánj caꞌne̱ꞌ soꞌ cacunꞌ cheꞌé yuvii̱ me se cata̱j nij soꞌ se vaa sa̱ꞌ uxrá vaa Yaꞌanj chugua̱nj.

1 Pedro 2:15

Ne̱ me rá Yaꞌanj quiꞌya̱j níꞌ se sa̱ꞌ, ga̱a ne̱ cunu̱u dínj tuꞌva nij síí ne acaj cuentá nij síí tuꞌva rmaꞌa̱n nana̱ nij cheꞌé Cristó chugua̱nj.

1 Pedro 3:16

A̱ ꞌó xcoꞌ se̱ quiꞌyaj soj cacunꞌ maꞌ. Dan ga̱a ne̱ gu̱un naꞌa̱j nij síí aꞌmii nana̱ qui̱j cheꞌé se sa̱ꞌ ꞌyaj soj si̱j noco̱ꞌ man Cristó, cheꞌé nana̱ tuꞌva rmaꞌa̱n nij soꞌ ado̱nj.