Tito 2:10 - Triqui de San Juan Copala

¹⁰ Se̱ quiꞌyaj itu̱u̱ mozó siꞌyaj se‑ruꞌve̱e̱ mozó maꞌ. Tana̱nj veꞌé ina̱nj quiꞌya̱j mozó á. Dan ga̱a ne̱ queneꞌe̱n cunuda̱nj yuvii̱ da̱j ꞌyaj mozó ne̱ xca̱j yuvii̱ cuentá se vaa veꞌé vaa tucuáán tucuꞌyón níꞌ stucua̱nj Yaꞌanj Si̱j Tinanii man níꞌ rihaan Sayuun ado̱nj.

Tito 2:10 ပူးပေါင်းရင်းမြစ်များ

San Mateo 24:45

’Cheꞌé dan me sese cuneꞌ síí tucua̱ ꞌo̱ veꞌ man ꞌo̱ se‑mo̱zó soꞌ se vaa tu̱mé mozó yoꞌ man tuviꞌ mozó rque̱ soꞌ se chá rihaan nij soꞌ orá chá nij soꞌ, ne̱ da̱j quiꞌya̱j mozó yoꞌ, rá soj ga̱. Sese ya̱ ya̱ si̱j veꞌé ꞌyaj suun me soꞌ do̱ꞌ, sese ya̱ ya̱ si̱j avii raa̱ me soꞌ do̱ꞌ, ne̱ da̱j quiꞌya̱j soꞌ, rá soj ga̱.

San Mateo 5:16

Ne̱ veé da̱nj vaa gue̱e̱ soj, ne̱ ase vaa agaꞌ yaꞌan roꞌ, vaa soj rihaan chumii̱ nihánj ado̱nj. Ne̱ sese sa̱ꞌ quiꞌya̱j soj queneꞌe̱n nij yuvii̱, ne̱ veꞌé uxrá caꞌmi̱i̱ nij yuvii̱ cheꞌé Rej níꞌ Yaꞌanj si̱j nicu̱nꞌ xta̱ꞌ, quiꞌya̱j soj na̱nj ado̱nj.

San Lucas 1:47

ne̱ uun niha̱ꞌ ndoꞌo rá nimanj cheꞌé Yaꞌanj Si̱j Tinanii manj rihaan Sayuun na̱nj ado̱nj.

San Lucas 1:80

Dan me se cachij xnii cuꞌna̱j Juan, ne̱ guun soꞌ síí nucua̱j nimán, ne̱ ina̱nj rej tacaan yáán soꞌ nda̱a se quisíj güii guun cheꞌe̱ soꞌ caꞌmii natáj soꞌ snana̱ Yaꞌanj rihaan nij síí israelitá a.

San Lucas 16:10

’ꞌO̱ se síí veꞌé tumé do̱j tzínꞌ rasu̱u̱n roꞌ, soꞌ me síí gu̱un nucua̱j tu̱mé noco̱o doj rasu̱u̱n, ne̱ síí ꞌyaj nij ga̱ do̱j rasu̱u̱n roꞌ, nij doj quiꞌya̱j soꞌ ga̱ noco̱o doj rasu̱u̱n na̱nj ado̱nj.

San Juan 12:6

Dan me se da̱nj tuꞌva maꞌa̱n Judas, tza̱j ne̱ a̱ doj ne nanó rá Judas cheꞌé nij síí nique̱ a̱ maꞌ. Tana̱nj síí itu̱u̱ me soꞌ a. ꞌO̱ se síí tumé se‑ca̱xra̱nꞌ nij tuvi̱ꞌ Jesús caxra̱nꞌ nu̱u̱ saꞌanj me soꞌ, ne̱ saꞌanj caraa yuvii̱ rque caxra̱nꞌ yoꞌ roꞌ, rii soꞌ cheꞌé maꞌa̱n soꞌ ado̱nj.

1 Corintios 4:2

Dan me se no̱ xcúún núj quiꞌya̱j núj nu̱ꞌ suun caꞌneꞌ Yaꞌanj rihaan núj, ne̱ se̱ caꞌvee caꞌne̱ꞌ rá ꞌo̱ ꞌo̱ núj ga̱ suun yoꞌ a̱ maꞌ.

Efesios 4:1

Síí ꞌni̱j tagaꞌ cheꞌé se nocóꞌ ꞌu̱nj man Síí ꞌNi̱j Raꞌa man níꞌ mé ꞌu̱nj, ne̱ cheꞌé dan rqueé ꞌu̱nj man nij soj se vaa veꞌé canoco̱ꞌ soj man Yaꞌanj ga̱a chéé soj rihaan chumii̱ nihánj á. ꞌO̱ se Yaꞌanj me síí canacúún man soj canoco̱ꞌ soj man soꞌ a.

Filipenses 1:27

Veꞌé quiꞌya̱j soj ca̱yáán soj ga̱ tinúú soj, da̱j se vaa no̱ xcúún níꞌ si̱j noco̱ꞌ nana̱ sa̱ꞌ cheꞌé Cristó quiꞌya̱j níꞌ á. Da̱nj quiꞌya̱j soꞌ cheꞌé yan, caꞌve̱e se cuchi̱ꞌ ꞌu̱nj chiháán soj do̱ꞌ, caꞌve̱e se se̱ cuchíꞌ ꞌu̱nj ne̱ ina̱nj cu̱noj nana̱ cheꞌé soj do̱ꞌ, cu̱nó ꞌu̱nj se vaa xraan uxrá vaa nimán soj ꞌo̱ rcuaꞌa̱a̱n aꞌmii nacaj soj cheꞌé nana̱ sa̱ꞌ noco̱ꞌ níꞌ á.

Filipenses 4:8

Dan me se ina̱nj cheꞌé se ya̱ do̱ꞌ, cheꞌé se sa̱ꞌ do̱ꞌ, cheꞌé tucuáán sa̱ꞌ do̱ꞌ, cheꞌé se lu̱j do̱ꞌ, cheꞌé se nica̱ vaa nimán do̱ꞌ, cheꞌé se niꞌya̱nj do̱ꞌ, nuchru̱j ra̱a̱ soj, tinu̱j, nocoj. Dan me se sese veꞌé vaa se ꞌyaj ꞌo̱ soꞌ rá soj, ne̱ xca̱j soj cuentá, ne̱ nuchru̱j ra̱a̱ soj da̱j ꞌyaj soꞌ á.

1 Timoteo 1:1

ꞌU̱nj nihánj me síí cuꞌna̱j Pabló síí cuneꞌ Cristó Jesús caꞌa̱nj nata̱ꞌ snana̱ soꞌ rihaan yuvii̱ a. Yoꞌ me suun caꞌneꞌ Yaꞌanj Si̱j Tinanii man níꞌ rihaan Sayuun do̱ꞌ, Cristó Jesús si̱j nucua̱j ya̱ rá níꞌ quiꞌya̱j cavi̱i̱ sa̱ꞌ níꞌ do̱ꞌ ado̱nj.

1 Timoteo 5:17

Vi̱j ya̱ na̱nj go̱ꞌ soj tuꞌvee nij síí tumé sa̱ꞌ rihaan Yaꞌanj man nij síí noco̱ꞌ man Cristó á. Da̱nj quiꞌya̱j soj, ne̱ cara̱a̱ cochro̱j soj rihaan nij soꞌ sese ya̱ si̱j aꞌmii natáj snana̱ Yaꞌanj me nij soꞌ do̱ꞌ, sese ya̱ tucuꞌyón nij soꞌ nana̱ rihaan yuvii̱ do̱ꞌ á.

1 Timoteo 6:1

Ne̱ nij mozó me se veꞌé cara̱a̱ cochro̱j nij mozó rihaan se‑ruꞌve̱e̱ nij soꞌ a. ꞌO̱ se yoꞌ me quiꞌya̱j nij soꞌ, ga̱a ne̱ se̱ caꞌmi̱i̱ qui̱j yuvii̱ cheꞌé se‑chuvi̱i Yaꞌanj do̱ꞌ, cheꞌé tucuáán tucuꞌyón níꞌ do̱ꞌ maꞌ.

1 Timoteo 6:3

Sese tucuꞌyón ꞌo̱ soꞌ tucuáán ne̱, ne̱ ne aꞌneꞌ rá soꞌ ga̱ tucuáán ya̱ cuchruj Jesucristó Si̱j ꞌNi̱j Raꞌa man níꞌ do̱ꞌ, ga̱ tucuáán aranꞌ rá Yaꞌanj cuno̱ níꞌ do̱ꞌ,

Tito 1:3

Ga̱a ne̱ ga̱a quisíj güii cachrón Yaꞌanj, ne̱ tihaa̱n Yaꞌanj rihaan níꞌ nana̱ cataꞌ tuꞌva soꞌ a. Da̱nj quiꞌyaj soꞌ ga̱a caꞌneꞌ soꞌ suun rihanj se vaa caꞌmi̱i̱ natáj ꞌu̱nj snana̱ soꞌ, ne̱ xa̱ꞌ soꞌ, tza̱j ne̱ soꞌ me Yaꞌanj Si̱j Tinanii man níꞌ rihaan Sayuun ado̱nj.

Tito 3:4

Tza̱j ne̱ ga̱a xcaj níꞌ cuentá cheꞌé Yaꞌanj Si̱j Tinanii man níꞌ rihaan Sayuun, se vaa soꞌ me síí me rá ra̱cuíj man níꞌ, ga̱a ne̱ queneꞌen níꞌ se vaa cunuu ꞌe̱e̱ rá soꞌ man níꞌ a.

1 Pedro 2:12

Ne̱ veꞌé ina̱nj quiꞌya̱j soj rej ya̱nj soj scaꞌnúj nij síí chiꞌi̱i̱ ma̱n rihaan chumii̱ nihánj, ga̱a ne̱ sese gu̱un rá nij soꞌ cuta̱ꞌ nij soꞌ cacunꞌ rmi̱ꞌ xráá soj se vaa nij ꞌyaj soj, ga̱a ne̱ xca̱j nij soꞌ cuentá se vaa veꞌé ina̱nj ꞌyaj soj ado̱nj. Ga̱a ne̱ güii caꞌna̱ꞌ Yaꞌanj rihaan chumii̱ nihánj caꞌne̱ꞌ soꞌ cacunꞌ cheꞌé yuvii̱ me se cata̱j nij soꞌ se vaa sa̱ꞌ uxrá vaa Yaꞌanj chugua̱nj.

1 Pedro 3:16

A̱ ꞌó xcoꞌ se̱ quiꞌyaj soj cacunꞌ maꞌ. Dan ga̱a ne̱ gu̱un naꞌa̱j nij síí aꞌmii nana̱ qui̱j cheꞌé se sa̱ꞌ ꞌyaj soj si̱j noco̱ꞌ man Cristó, cheꞌé nana̱ tuꞌva rmaꞌa̱n nij soꞌ ado̱nj.

2 Juan 1:9

Ne̱ me maꞌa̱n síí tanáj stucua̱nj Cristó roꞌ, nuviꞌ Yaꞌanj yáán ga̱ soꞌ maꞌ. Tza̱j ne̱ síí noco̱ꞌ xraan stucua̱nj Cristó me se soꞌ me síí ꞌo̱ yáán ro̱j Taꞌni̱j Yaꞌanj ga̱ soꞌ ado̱nj.