Tito 1:9 - Triqui de San Juan Copala

⁹ Raan canoco̱ꞌ nij soꞌ snana̱ Yaꞌanj nana̱ tucuꞌyón núj rihaan nij yuvii̱ a. Da̱nj quiꞌya̱j nij soꞌ, ga̱a ne̱ gu̱un nucua̱j nij soꞌ nago̱ꞌ nij soꞌ stucua̱nj Yaꞌanj tucuáán sa̱ꞌ man ꞌó nij yuvii̱, ne̱ gu̱un nucua̱j nij soꞌ quiꞌya̱j nij soꞌ se vaa ca̱nica̱j nimán nij síí tucuꞌyón tucuáán ne̱ na̱nj ado̱nj.

Tito 1:9 ပူးပေါင်းရင်းမြစ်များ

Hechos 18:28

ꞌO̱ se cuna̱j uxrá tihaa̱n soꞌ rihaan nij yuvii̱ israelitá ne amán rá niꞌya̱j man Jesucristó se vaa taj Danj Yaꞌanj se vaa Jesús me Síí Caꞌnéé Yaꞌanj Ti̱nanii man Yuvii̱ rihaan Sayuun, ne̱ caꞌmii canó tuviꞌ soꞌ ga̱ nij soꞌ rej ma̱n ndoꞌo nij yuvii̱, ne̱ quiꞌyaj canaán snana̱ síí cuꞌna̱j Apolos rihaan snana̱ nij síí israelitá yoꞌ a.

1 Corintios 14:24

Tza̱j ne̱ sese nata̱ꞌ ta̱ranꞌ soj nana̱ rqué Yaꞌanj rihaan soj, ne̱ catu̱u̱ nij síí ataa nari̱ꞌ tucuáán noco̱ꞌ níꞌ catu̱u̱ nij síí ne nocoꞌ man Cristó catu̱u̱ rá veꞌ, ga̱a ne̱ xca̱j nij soꞌ cuentá cheꞌé cacunꞌ tumé nij soꞌ, quiꞌya̱j ta̱ranꞌ soj, ne̱ nano̱ rá nij soꞌ cheꞌé cacunꞌ tumé nij soꞌ, quiꞌya̱j ta̱ranꞌ soj chugua̱nj.

1 Tesalonicenses 5:21

Tza̱j ne̱ xca̱j soj cuentá da̱j vaa ꞌo̱ ꞌo̱ nana̱ cuno̱ soj, ga̱a ne̱ queneꞌe̱n soj sese ya̱ nana̱ caꞌmii Nimán Yaꞌanj me yoꞌ, ne̱ sa̱ꞌ cu̱nuû rá soj nu̱ꞌ nana̱ sa̱ꞌ yoꞌ á.

2 Tesalonicenses 2:15

Cheꞌé dan canoco̱ꞌ xraan soj tucuáán cuchruj núj rihaan soj ga̱a caꞌmii núj ga̱ soj do̱ꞌ, ga̱a quiꞌyaj núj yanj cartá caꞌnéé núj rihaan soj do̱ꞌ ado̱nj.

1 Timoteo 1:10

Ne̱ veé da̱nj cuchruj Yaꞌanj stucua̱nj Moisés cheꞌé yuvii̱ otoj ga̱ ꞌó yuvii̱ né ni̱ca̱ me do̱ꞌ, chii cha̱na̱ do̱ꞌ, síí otoj ga̱ chii cha̱na̱ do̱ꞌ, yuvii̱ tuꞌvéj man tuviꞌ do̱ꞌ, yuvii̱ aꞌmii nana̱ ne̱ do̱ꞌ, yuvii̱ ataꞌ tuꞌva aꞌmii ne̱ do̱ꞌ, yuvii̱ ꞌyaj me maꞌa̱n rasu̱u̱n ino̱ vaa ga̱ tucuáán ya̱ do̱ꞌ ado̱nj.

1 Timoteo 1:15

Dan me se ya̱ uxrá vaa nana̱ nihánj, ne̱ ta̱ranꞌ níꞌ no̱ xcúún cuno̱ nana̱ nihánj se vaa me rá Cristó Jesús ti̱nanii soꞌ man nij síí tumé cacunꞌ rihaan chrej chiꞌi̱i̱ do̱ꞌ, rihaan sayuun do̱ꞌ na̱nj ado̱nj. Cheꞌé dan caꞌnaꞌ soꞌ rihaan chumii̱ nihánj ado̱nj. Dan me se noco̱o doj cacunꞌ quiꞌyáá ꞌu̱nj rihaan cacunꞌ quiꞌyaj ta̱ranꞌ ꞌó nij yuvii̱ a.

1 Timoteo 4:9

Ya̱ vaa nana̱ yoꞌ, ne̱ vaa cheꞌé cuno̱ níꞌ man yoꞌ chugua̱nj.

1 Timoteo 6:3

Sese tucuꞌyón ꞌo̱ soꞌ tucuáán ne̱, ne̱ ne aꞌneꞌ rá soꞌ ga̱ tucuáán ya̱ cuchruj Jesucristó Si̱j ꞌNi̱j Raꞌa man níꞌ do̱ꞌ, ga̱ tucuáán aranꞌ rá Yaꞌanj cuno̱ níꞌ do̱ꞌ,

2 Timoteo 1:13

Dan me se a̱j cunó so̱ꞌ tucuáán ya̱ caꞌmii ꞌu̱nj rihaan so̱ꞌ a. Ne̱ ase cunó so̱ꞌ roꞌ, da̱nj qui̱ꞌyáá so̱ꞌ, ne̱ ꞌo̱ ga̱a̱ nucua̱j rá so̱ꞌ man Yaꞌanj, ne̱ ga̱a̱ ꞌe̱e̱ rá so̱ꞌ man tuvíꞌ so̱ꞌ cheꞌé se si̱j noco̱ꞌ man Cristó Jesús mé so̱ꞌ á.

2 Timoteo 2:2

Dan me se ma̱n ndoꞌo síí cuno tucuáán cataj xnaꞌanj ꞌu̱nj rihaan so̱ꞌ, ne̱ me rá ꞌu̱nj naꞌnga̱a̱ suun so̱ꞌ man snóꞌo caꞌve̱e ga̱a̱ nucua̱j rá níꞌ ga̱a̱ cui̱j raa̱ tu̱cuꞌyón tucuáán yoꞌ man ꞌó yuvii̱ a.

2 Timoteo 2:25

ne̱ veꞌé ti̱haa̱n soꞌ chrej sa̱ꞌ man nij síí me rá cano̱ tuviꞌ ga̱ soꞌ uún a. ꞌO̱ se xcaj soꞌ cuentá se vaa xraj ne̱ caꞌve̱e ra̱cuíj Yaꞌanj man nij soꞌ, ne̱ nuchra̱nꞌ nimán nij soꞌ cheꞌé cacunꞌ tumé nij soꞌ, ne̱ nari̱ꞌ nij soꞌ nana̱ ya̱ a.

2 Timoteo 3:14

Ne̱ ma̱ꞌán so̱ꞌ, tza̱j ne̱ ꞌo̱ ca̱nocóꞌ so̱ꞌ nana̱ cuchumán rá so̱ꞌ nana̱ naríꞌ so̱ꞌ á. ꞌO̱ se a̱j neꞌén so̱ꞌ me yuvii̱ tucuꞌyón nana̱ yoꞌ mán so̱ꞌ na̱nj á.

2 Timoteo 4:3

ꞌO̱ se vaa güii, ne̱ se̱ caꞌvej rá nij yuvii̱ cuno̱ nij yuvii̱ tucuáán ꞌyaj caꞌve̱e cunu̱u sa̱ꞌ nimán nij soꞌ maan chugua̱nj. Tana̱nj gu̱un rá nij soꞌ cuno̱ nij soꞌ ꞌó tucuáán naca̱, ne̱ cheꞌé dan nano̱ꞌ nij soꞌ queꞌe̱e̱ síí tu̱cuꞌyón ꞌó tucuáán me rá maꞌa̱n nij soꞌ cuno̱ nij soꞌ a.

Tito 1:11

Vaa cheꞌé ndoꞌo caꞌne̱ꞌ rá nij soꞌ ga̱ nana̱ vaa da̱nj qui̱ꞌyáá so̱ꞌ na̱nj á. ꞌO̱ se riꞌ ndoꞌo rá queꞌe̱e̱ nij tucua̱ yuvii̱, ꞌyaj nij soꞌ ga̱a tucuꞌyón nij soꞌ nana̱ vaa da̱nj nana̱ ne nó xcúún nij soꞌ tu̱cuꞌyón nij soꞌ na̱nj ado̱nj. Ne̱ ina̱nj saꞌanj quiri̱ꞌ u̱u̱n nij soꞌ, rá nij soꞌ, dan ꞌyaj chiꞌi̱i̱ nij soꞌ ado̱nj.

Tito 2:1

Ne̱ ma̱ꞌán so̱ꞌ me se tu̱cuꞌyón so̱ꞌ nana̱ nda̱a vaa taj tucuáán ya̱ na̱nj á.

Judas 1:3

Tinu̱j, nocoj, guun ndoꞌo raj cachro̱nj nana̱ rihaan yanj caꞌne̱j ꞌu̱nj rihaan soj cheꞌé da̱j vaa nanii ta̱ranꞌ níꞌ rihaan chrej chiꞌi̱i̱ do̱ꞌ, rihaan sayuun do̱ꞌ, ꞌyaj Yaꞌanj ado̱nj. Tza̱j ne̱ ya̱j me se no̱ xcúnj cachro̱nj ꞌó nana̱ rihaan yanj, ne̱ cata̱j xnaꞌanj ꞌu̱nj rihaan soj se vaa te̱rquee̱ ndoꞌo soj canoco̱ꞌ xraan soj stucua̱nj Yaꞌanj tucuáán tacuachén nij síí caꞌmii natáj nana̱ sa̱ꞌ cheꞌé Cristó rihaan soj si̱j noco̱ꞌ man Yaꞌanj a.

Apocalipsis 2:25

Ma̱an se ꞌo̱ canoco̱ꞌ soj tucuáán nica̱j soj nda̱a se quisi̱j güii cuchi̱ꞌ ꞌu̱nj rihaan soj á.

Apocalipsis 3:11

’Xca̱j soj cuentá á. Da̱j doj cuchi̱j rihaan soj chugua̱nj. Ni̱caj xraan soj tucuáán nica̱j soj, ga̱a ne̱ se̱ caꞌvee caꞌne̱e̱ nii cachriin cu̱nuû raa̱ soj cachriin quiꞌyaj canaán soj maꞌ.

Apocalipsis 3:3

’Cheꞌé dan nanu̱j rá soj nana̱ sa̱ꞌ tucuꞌyón nii man soj do̱ꞌ, nana̱ sa̱ꞌ cuno soj do̱ꞌ, ne̱ ꞌo̱ quiꞌya̱j soj nda̱a vaa taj nana̱ sa̱ꞌ yoꞌ, ne̱ ca̱nica̱j nimán soj canoco̱ꞌ soj chrej sa̱ꞌ á. Sese se̱ tumé soj man soj, ne̱ ase vaa ꞌnaꞌ síí itu̱u̱ roꞌ, da̱nj ga̱a̱ cuchi̱j rihaan nij soj, ne̱ se̱ queneꞌen uxrá soj me orá me cuchi̱j rihaan soj maan ado̱nj.