Tito 1:14 - Triqui de San Juan Copala

¹⁴ Dan me se da̱nj qui̱ꞌyáá so̱ꞌ, ga̱a ne̱ se̱ gaa na̱nj xca̱j nij soꞌ cuentá cheꞌé nij cuentó u̱u̱n nanó nij yuvii̱ israelitá á. Ne̱ se̱ cuno nij soꞌ suun caꞌneꞌ nij síí naꞌvej rá canoco̱ꞌ tucuáán ya̱ rihaan nij soꞌ maꞌ.

Tito 1:14 ပူးပေါင်းရင်းမြစ်များ

San Mateo 15:9

Aráj gue̱e̱ rmaꞌa̱n nij soꞌ rihanj na̱nj á. ꞌO̱ se tucuáán nataꞌ nij soꞌ roꞌ, me suun cavii raa̱ na̱nj yuvii̱ na̱nj ado̱nj. Dan me snana̱ Yaꞌanj a ―taj Jesús rihaan taꞌa̱j nij síí fariseo do̱ꞌ, nij síí naquiꞌyaj cu̱u stucua̱nj Moisés do̱ꞌ a.

San Marcos 7:7

Aráj gue̱e̱ rmaꞌa̱n nij soꞌ rihanj na̱nj á. ꞌO̱ se tucuáán nataꞌ nij soꞌ roꞌ, me suun cavii raa̱ na̱nj yuvii̱ na̱nj ado̱nj, taj snana̱ Yaꞌanj nataꞌ Isaías ga̱a naá a.

Gálatas 4:9

Tza̱j ne̱ cuano̱ nihánj me se neꞌen nij soj man maꞌa̱n ya̱ Yaꞌanj ado̱nj. Tza̱j ne̱ sa̱ꞌ doj cata̱j ꞌu̱nj se vaa neꞌen Yaꞌanj man nij soj chugua̱nj. Sese a̱j neꞌen soj man maꞌa̱n ya̱ Yaꞌanj, ga̱a ne̱ me cheꞌé ca̱nica̱j uún soj canoco̱ꞌ soj man nij yaꞌanj uun chij rihaan rasu̱u̱n ma̱n rihaan chumii̱ nihánj ga̱. Neꞌen soj se vaa se̱ guun nucua̱j nij soꞌ ra̱cuíj nij soꞌ man soj maꞌ. Taj yuꞌvee a̱ ꞌó xcoꞌ nó maꞌa̱n nij soꞌ a̱ maꞌ. Me cheꞌé me rá uún soj gu̱un soj mozó rihaan nij soꞌ ga̱.

Colosenses 2:22

Me cheꞌé uno rmaꞌa̱n soj suun vaa da̱nj ga̱. ꞌO̱ se rasu̱u̱n yoꞌ me se navi̱j yoꞌ vaa güii ado̱nj. Ne̱ xa̱ꞌ suun vaa da̱nj, tza̱j ne̱ suun avii u̱u̱n raa̱ yuvii̱ me suun yoꞌ, ne̱ niha̱ꞌ rá nij yuvii̱ caꞌne̱ꞌ nij yuvii̱ suun vaa da̱nj rihaan tuviꞌ nij yuvii̱ na̱nj ado̱nj.

2 Timoteo 4:4

Ne̱ caꞌa̱nj nij soꞌ rej nuviꞌ nana̱ ya̱ cuno̱ nij soꞌ, ne̱ na̱nj cuentó ne̱ cuno̱ nij soꞌ a.

Tito 3:11

ꞌO̱ se xa̱ꞌ síí ꞌyaj xraꞌ taꞌa̱j yuvii̱, tza̱j ne̱ a̱j tanáj soꞌ tucuáán ya̱, ne̱ tumé soꞌ cacunꞌ ado̱nj. Ne̱ ma̱an cheꞌé cacunꞌ ata̱ soꞌ roꞌ, ꞌyaj yu̱u̱n cheꞌe̱ riꞌ soꞌ na̱nj ado̱nj.

Hebreos 12:25

Ta̱dó uxrá soj se̱ nachriꞌ soj ni̱ꞌyaj soj man Yaꞌanj si̱j narqué chrej sa̱ꞌ man soj maꞌ. ꞌO̱ se nij síí ne caꞌve̱j rá cuno̱ rihaan síí cataj xnaꞌanj snana̱ Yaꞌanj rihaan nij soꞌ rihaan chumii̱ nihánj ga̱a naá me se ne nani̱i̱ nij soꞌ maꞌ. Táá a̱ níꞌ si̱j ma̱n cuano̱, ne̱ aꞌmii síí nicu̱nꞌ rej xta̱ꞌ rihaan níꞌ, ne̱ sese nachri̱ꞌ níꞌ ni̱ꞌyaj níꞌ síí narqué chrej man níꞌ, ne̱ daj chiha̱a̱ míj se̱ nanii níꞌ a̱ maꞌ.

2 Pedro 2:22

Ase vaa ꞌyaj nij soꞌ vaa nana̱ ya̱ nihánj a: “Uchráán chuvee, ga̱a ne̱ anica̱j uún xoꞌ chá xoꞌ se cuchráán xoꞌ a”, ne̱ vaa ꞌo̱ nana̱ aꞌmii cheꞌé xcáá uún taj a: “Quisíj cane xcáá na sa̱ꞌ, ga̱a ne̱ anica̱j uún xoꞌ natúj xoꞌ rá siguiꞌ a”, vaa ꞌó nana̱ taj xnaꞌanj da̱j ꞌyaj nij síí narqué tucuáán ne̱ yoꞌ a.