Santiago 5:6 - Triqui de San Juan Copala

⁶ Tza̱j ne̱ dan me se cutaꞌ ndoꞌo nii cacunꞌ rmi̱ꞌ xráá nij síí sa̱ꞌ, ne̱ nda̱a ticaviꞌ nii man taꞌa̱j nij soꞌ, quiꞌyaj soj, ne̱ ne nacaj nij soꞌ man nij soꞌ maꞌ.

Santiago 5:6 ပူးပေါင်းရင်းမြစ်များ

San Mateo 21:38

Tza̱j ne̱ queneꞌen nij síí tumé naa̱ man taꞌníí síí xna̱a̱, ne̱ cataj nij soꞌ a: “Síí nihánj me síí gu̱un síí xna̱a̱ naa̱ nihánj vaa güii na̱nj ado̱nj. Cheꞌé dan ticavi̱ꞌ níꞌ man soꞌ, ne̱ gu̱un xna̱a̱ maꞌa̱n níꞌ man naa̱ nihánj chugua̱nj”, taj nij soꞌ rihaan tuviꞌ nij soꞌ a.

San Mateo 27:20

Tza̱j ne̱ cataj xnaꞌanj nij xrej ata̱ suun noco̱o do̱ꞌ, nij síí uun chij do̱ꞌ, rihaan ri̱i̱ nij yuvii̱ se vaa caꞌmi̱i̱ nij yuvii̱ cheꞌé síí cuꞌna̱j Barrabás rihaan Pilató, ne̱ cata̱j nij yuvii̱ se vaa cavi̱ꞌ Jesús a. Ne̱ cuchumán rá nij yuvii̱ a.

San Mateo 5:39

Tza̱j ne̱ cuano̱ nihánj roꞌ, cata̱j xnaꞌanj ꞌu̱nj rihaan soj se vaa se̱ quiꞌyaj soj sayuun man síí ꞌyaj sayuun man soj maꞌ. Tana̱nj sese vaa síí coxro ni̱chrej xruú so̱ꞌ, ne̱ ti̱cúnꞌ so̱ꞌ níchrej xruú so̱ꞌ coxro̱ soꞌ uún na̱nj á.

Hechos 22:14

Ga̱a ne̱ cataj síí cuꞌna̱j Ananías a: “Yaꞌanj si̱j noco̱ꞌ xi̱i níꞌ ga̱a naá roꞌ, narii soꞌ mán so̱ꞌ cheꞌé rej xca̱j so̱ꞌ cuentá da̱j me rá soꞌ quiꞌya̱j soꞌ cheꞌé yuvii̱, ne̱ guun rá soꞌ que̱neꞌén so̱ꞌ man Síí Nica̱ Nimán ne̱ cu̱nó so̱ꞌ nana̱ caꞌmii soꞌ rihaan so̱ꞌ á.

Hechos 7:52

Dan me se canocoꞌ xi̱i soj man cunuda̱nj nij síí nataꞌ snana̱ Yaꞌanj, ne̱ guun rá nij soꞌ quiꞌya̱j nij soꞌ sayuun man nij síí nataꞌ snana̱ Yaꞌanj a. Ne̱ nda̱a ticaviꞌ nij soꞌ man nij síí nataꞌ cheꞌé Síí Nica̱ Nimán caꞌne̱j Yaꞌanj rihaan chumii̱ nihánj ti̱nanii man yuvii̱ rihaan sayuun ado̱nj. Ne̱ Síí Nica̱ Nimán yoꞌ me se guun nij soj síí tacuachén man soꞌ rihaan nij síí ta̱j riꞌyunj man níꞌ, ne̱ nda̱a ticaviꞌ nij soj man soꞌ vaa asânj.

Hechos 8:32

Dan me se nana̱ nayaa síí “eunuco” yoꞌ rihaan Danj Yaꞌanj roꞌ, me nana̱ nihánj a: Ase vaa dínj tuꞌva matzinj ga̱a uchiꞌ xoꞌ rihaan síí ticavi̱ꞌ man xoꞌ do̱ꞌ, ase vaa dínj tuꞌva matzinj leꞌe̱j ga̱a uchiꞌ xoꞌ rihaan síí caca̱ cachij xráá xoꞌ do̱ꞌ, da̱nj quiꞌyaj soꞌ, ne̱ a̱ doj nana̱ ne caꞌmi̱i̱ soꞌ maꞌ.

Hebreos 10:38

Síí a̱j cunuu sa̱ꞌ nimán rihaan Yaꞌanj roꞌ, ꞌo̱ amán rá soꞌ niꞌya̱j soꞌ Yaꞌanj ga̱a vaa iꞌna̱ꞌ soꞌ ado̱nj. Tza̱j ne̱ sese ca̱nica̱j soꞌ rej xco̱ soꞌ, ne̱ se̱ caranꞌ rá Yaꞌanj queneꞌe̱n Yaꞌanj man soꞌ a̱ maꞌ, taj Danj Yaꞌanj a.

Santiago 2:6

Tza̱j ne̱ nij soj me se nij ndoꞌo ꞌyaj soj ga̱ nij síí nique̱ chugua̱nj. Xca̱j soj cuentá se vaa nij ruꞌvee me síí ꞌyaj sayuun man soj, ne̱ ꞌanj soj rihaan cuese̱, ꞌyaj nij ruꞌvee a.

Santiago 4:2

Me ndoꞌo rá soj ga̱a̱ rasu̱u̱n sa̱ꞌ rihaan soj, tza̱j ne̱ ne caꞌve̱e quiri̱ꞌ soj rasu̱u̱n yoꞌ cuma̱n yoꞌ rihaan soj a̱ maꞌ. Dan me se cheꞌé dan ticaviꞌ soj tuviꞌ soj, ne̱ uun xco̱j ruva̱a̱ ndoꞌo rá soj niꞌya̱j soj man síí vaa rasu̱u̱n rihaan ado̱nj. Tza̱j ne̱ soj me se taj se ꞌyáꞌ quiri̱ꞌ soj, ne̱ cheꞌé dan unuꞌ soj ga̱ tuviꞌ soj ado̱nj. Tza̱j ne̱ nuviꞌ rasu̱u̱n sa̱ꞌ rihaan soj, cheꞌé se ne achíín niꞌya̱j soj rihaan Yaꞌanj a̱ maꞌ.

1 Pedro 4:18

ꞌO̱ se Danj Yaꞌanj taj a: Na̱nj síí noco̱ꞌ ndoꞌo man Yaꞌanj, tza̱j ne̱ sayu̱u̱n ndoꞌo nani̱i̱ nij soꞌ rihaan sayuun, ne̱ táá a̱ nij síí ne nocoꞌ man Yaꞌanj do̱ꞌ, táá a̱ nij síí chiꞌi̱i̱ do̱ꞌ, sayuun noco̱o quira̱nꞌ nij soꞌ ado̱nj. Da̱nj taj nana̱ no̱ rihaan Danj Yaꞌanj a.