Santiago 5:3 - Triqui de San Juan Copala

³ ne̱ ase vaa agaꞌ navij quiꞌyaj tucunj yo̱o roꞌ, da̱nj vaa nu̱ꞌ se‑saꞌa̱nj soj, ne̱ tucunj yo̱o yoꞌ roꞌ, ni̱ꞌyaj Yaꞌanj, ne̱ xca̱j Yaꞌanj cuentá se vaa síí yanu̱ꞌ me soj rihaan síí nique̱, ne̱ cheꞌé dan caca̱a̱ maꞌa̱n soj, quiꞌya̱j tucunj yo̱o yoꞌ ado̱nj. Dan me se uxrá caraa sa̱ꞌ soj saꞌanj rihaan chumii̱ nihánj, tza̱j ne̱ nichrunꞌ caꞌa̱nj niꞌya̱ chumii̱ nihánj na̱nj ado̱nj.

Santiago 5:3 ပူးပေါင်းရင်းမြစ်များ

Hechos 2:17

Ne̱ cataj maꞌa̱n Yaꞌanj a: “Asa̱ꞌ nichrunꞌ caꞌa̱nj niꞌya̱ chumii̱ nihánj, ne̱ rque̱ ndoꞌo ꞌu̱nj Nimán ꞌu̱nj man yuvii̱ ma̱n rihaan nu̱ꞌ chumii̱, ne̱ taꞌnij sno̱ꞌo soj do̱ꞌ, taꞌnij cha̱na̱ soj do̱ꞌ roꞌ, nata̱ꞌ nana̱ rque̱ ꞌu̱nj man maꞌa̱n nij soꞌ a. Ne̱ nij síí tachru̱u̱ roꞌ, naquiꞌya̱a ndoꞌo rasu̱u̱n rihaan nij soꞌ, qui̱ꞌyáj, ne̱ nij chii nga̱ roꞌ, caꞌmi̱i̱ ndoꞌo nej rihaan nij soꞌ, qui̱ꞌyáj ado̱nj.

Romanos 2:5

Tza̱j ne̱ veé dan me se naꞌvej uxrá rá so̱ꞌ ta̱náj so̱ꞌ chrej noco̱ꞌ so̱ꞌ, ne̱ naꞌvej rá so̱ꞌ nuchra̱nꞌ nimán so̱ꞌ ca̱nocóꞌ so̱ꞌ man Yaꞌanj maꞌ. Ne̱ vaa güii caꞌne̱ꞌ Yaꞌanj cacunꞌ cheꞌé yuvii̱, ne̱ caꞌmi̱i̱ ya̱ Yaꞌanj, ne̱ cuya̱nj rá Yaꞌanj ni̱ꞌyaj Yaꞌanj man cunuda̱nj nij síí tumé cacunꞌ, ne̱ dan me se cuya̱nj rá Yaꞌanj ni̱ꞌyaj Yaꞌanj man ma̱ꞌán so̱ꞌ uún ado̱nj.

2 Timoteo 2:17

Ase vaa nuu yanuu nee̱ man yuvii̱ roꞌ, da̱nj quira̱nꞌ nij síí cuno nana̱ aꞌmii nij soꞌ, ne̱ nij doj quira̱nꞌ nij yuvii̱ uno nana̱ avii tuꞌva nij soꞌ ado̱nj. Vi̱j nij soꞌ me síí cuꞌna̱j Himeneo do̱ꞌ, síí cuꞌna̱j Fileto do̱ꞌ chugua̱nj.

2 Pedro 3:3

Tza̱j ne̱ vaa cheꞌé ndoꞌo xca̱j nij soj cuentá se vaa caꞌna̱ꞌ síí aꞌngaꞌ naco̱o̱ ni̱ꞌyaj man soj asa̱ꞌ nichrunꞌ güii caꞌa̱nj niꞌya̱ chumii̱, ne̱ náá guun se nij gu̱un rá nij soꞌ quiꞌya̱j nij soꞌ a.

Apocalipsis 17:16

Ne̱ xcuu yuva̱a̱ yoꞌ do̱ꞌ, chi̱ꞌ nij cúú ta̱j raa̱ xcuu yuva̱a̱ do̱ꞌ, nachri̱ꞌ ndoꞌo nij soꞌ ni̱ꞌyaj nij soꞌ man chana̱ niha̱ꞌ rá ga̱ chii yoꞌ a. Ne̱ quiri̱ꞌ nu̱ꞌ noꞌ, quiꞌya̱j nij soꞌ, ne̱ cánj u̱u̱n ga̱a̱ noꞌ, quiꞌya̱j nij soꞌ, ne̱ cha̱ nij soꞌ man noꞌ, ne̱ caca̱a̱ nu̱ꞌ noꞌ, quiꞌya̱j nij soꞌ na̱nj á.

Apocalipsis 20:15

Ne̱ ta̱ranꞌ nij síí nuviꞌ se‑chuvi̱i rihaan yanj no̱ se‑chuvi̱i nij síí ga̱a̱ iꞌna̱ꞌ nu̱ꞌ cavii nu̱ꞌ caꞌanj roꞌ, quiriꞌíj nii man nij soꞌ rque na laguaná acaa yoꞌ, ne̱ ꞌo̱ caca̱a̱ nij soꞌ ado̱nj.

Apocalipsis 21:8

Tza̱j ne̱ xa̱ꞌ nij síí cunánj rihaan sayuun do̱ꞌ, nij síí ne nocoꞌ xraan manj do̱ꞌ, nij síí ꞌyaj se chiꞌi̱i̱ do̱ꞌ, nij síí ticaviꞌ tuviꞌ do̱ꞌ, nij síí otoj ga̱ ꞌó yuvii̱ sese né ni̱ca̱ nij soꞌ me do̱ꞌ, nij síí ꞌyaj chre̱e do̱ꞌ, nij síí aráj gue̱e̱ rihaan yaꞌanj quiꞌyaj maꞌa̱n yuvii̱ do̱ꞌ, ta̱ranꞌ nij síí ne̱ do̱ꞌ, me se vaa laguaná caca̱a̱ nij soꞌ rihaan yaꞌan, ne̱ laguaná acaa ndoꞌo yoꞌóó azufré me yoꞌ ado̱nj. Yoꞌ me rej cavi̱ꞌ uún nij soꞌ nu̱ꞌ cavii nu̱ꞌ caꞌanj na̱nj chugua̱nj ―taj síí ta̱j rihaan chruun xlá sa̱ꞌ yoꞌ a.