Santiago 5:20 - Triqui de San Juan Copala

²⁰ ne̱ dan me se síí quiꞌya̱j canaán man tuviꞌ caꞌanj yaníj me se gu̱un nucua̱j soꞌ ti̱nanii soꞌ man nimán tuviꞌ soꞌ rihaan sayuun ado̱nj. Dan me se caꞌne̱e̱ noco̱o ndoꞌo soꞌ cacunꞌ xráá tuviꞌ soꞌ ado̱nj.

Santiago 5:20 ပူးပေါင်းရင်းမြစ်များ

San Juan 5:24

’Ya̱ ya̱ cata̱j xnaꞌanj ꞌu̱nj rihaan soj cuano̱ se vaa síí uno snana̱j ne̱ amán rá niꞌya̱j man síí caꞌnéé manj roꞌ, soꞌ me síí vaa iꞌna̱ꞌ nimán rihaan Yaꞌanj nu̱ꞌ cavii nu̱ꞌ caꞌanj, ne̱ se̱ quiꞌyaj Yaꞌanj sayuun man soꞌ maꞌ. ꞌO̱ se tanáj xco̱ soꞌ rej ya̱nj yaníj nimán soꞌ ga̱ Yaꞌanj ne̱ catúj soꞌ rej vaa iꞌna̱ꞌ nimán soꞌ rihaan Yaꞌanj a.

Romanos 11:14

ꞌO̱ se me raj gu̱un xco̱j rá nij soꞌ ni̱ꞌyaj nij soꞌ man soj si̱j yaníj, ga̱a ne̱ canoco̱ꞌ taꞌa̱j nij soꞌ nana̱ noco̱ꞌ soj, ga̱a ne̱ nani̱i̱ nij soꞌ rihaan sayuun ne̱ cavi̱i̱ sa̱ꞌ nij soꞌ, raj a.

1 Corintios 1:21

ꞌO̱ se nij síí ma̱n rihaan chumii̱ nihánj roꞌ, ne cavi̱i̱ raa̱ nij soꞌ da̱j vaa Yaꞌanj maꞌ. Tza̱j ne̱ síí cu̱u raa̱ me Yaꞌanj, ne̱ maꞌa̱n Yaꞌanj caráán chrej rihaan nij soꞌ se̱ gaa na̱nj xca̱j nij soꞌ cuentá cheꞌé soꞌ ado̱nj. ꞌO̱ se me rá Yaꞌanj cuno̱ nij yuvii̱ nana̱ aꞌmii natáj núj, ne̱ sese cuno̱ nij yuvii̱, ne̱ ti̱nanii Yaꞌanj man nij yuvii̱ rihaan sayuun, ne̱ dan me se nda̱ꞌ se nana̱ snúú rmaꞌa̱n me nana̱ aꞌmii núj, rá taꞌa̱j nij yuvii̱, tza̱j ne̱ o̱rúnꞌ nana̱ yoꞌ me nana̱ ti̱nanii man yuvii̱ rihaan sayuun na̱nj ado̱nj.

1 Corintios 9:22

Ase vaa nij síí ne gu̱un ya̱ rá se vaa aꞌvej rá Yaꞌanj cha̱ nij soꞌ na̱j guun rasu̱u̱n roꞌ, da̱nj vaa ma̱ꞌanj ga̱a tucuꞌyonj snana̱ Yaꞌanj rihaan nij soꞌ, cheꞌé se me raj xraan doj canoco̱ꞌ nij soꞌ man Jesucristó a. Dan me se ase vaa ꞌo̱ ꞌo̱ nij yuvii̱ roꞌ, da̱nj vaa naquiꞌyáj man ma̱ꞌanj ga̱a taj xnaꞌanj ꞌu̱nj rihaan ꞌo̱ ꞌo̱ nij soꞌ cheꞌé Cristó, ga̱a ne̱ canoco̱ꞌ taꞌa̱j ꞌo̱ ꞌo̱ nij yuvii̱ man Cristó, qui̱ꞌyáj ado̱nj.

1 Timoteo 4:16

Xca̱j so̱ꞌ cuentá cheꞌé se vaa ꞌyáá so̱ꞌ do̱ꞌ, cheꞌé tucuáán tucuꞌyón so̱ꞌ do̱ꞌ á. ꞌO̱ ca̱nocóꞌ so̱ꞌ nu̱ꞌ tucuáán nihánj, ga̱a ne̱ nani̱i̱ ma̱ꞌán so̱ꞌ do̱ꞌ, nij yuvii̱ uno nana̱ aꞌmii so̱ꞌ do̱ꞌ, rihaan sayuun ne̱ cavi̱i̱ sa̱ꞌ soj a.

Filemón 1:19

Ma̱ꞌanj raꞌaj si̱j cuꞌna̱j Pabló cachronj nana̱ nihánj se vaa na̱ruꞌvee ꞌu̱nj cunuda̱nj se vaa quiꞌyaj xcúún soꞌ rihaan so̱ꞌ ado̱nj. Veé da̱nj vaa xcúún rihaan soꞌ do̱ꞌ, tza̱j ne̱ taj cheꞌé cata̱j xnaꞌanj ꞌu̱nj rihaan so̱ꞌ se vaa vaa xcúún rihaan ma̱ꞌán so̱ꞌ se vaa nanii so̱ꞌ rihaan sayuun nu̱ꞌ cavii nu̱ꞌ caꞌanj, quiꞌyaj ma̱ꞌanj ga̱a natáꞌ ꞌu̱nj snana̱ Cristó rihaan so̱ꞌ maꞌ.

Santiago 1:15

Tza̱j ne̱ sese quiꞌya̱j níꞌ nda̱a vaa me rá maꞌa̱n níꞌ quiꞌya̱j níꞌ, ne̱ quiꞌya̱j níꞌ cacunꞌ, ne̱ asa̱ꞌ quisíj quiꞌyaj ndoꞌo níꞌ cacunꞌ, ga̱a ne̱ yu̱u̱n cheꞌe̱ cavi̱ꞌ nimán níꞌ vaa ga̱a na̱nj ado̱nj.

Santiago 1:21

Yu̱u̱n cheꞌe̱ caꞌne̱ꞌ rá soj ga̱ suun ꞌyaj da̱j a̱ se nij, ne̱ ga̱a̱ nica̱ꞌ nimán soj, ne̱ cuno̱ soj nana̱ caꞌnéé Yaꞌanj nimán soj, cheꞌé yan caꞌve̱e nani̱i̱ nimán soj rihaan sayuun ne̱ cavi̱i̱ sa̱ꞌ soj ado̱nj.

Santiago 5:15

Sese ya̱ amán rá nij síí achíín niꞌya̱j rihaan Yaꞌanj se vaa ra̱cuíj Yaꞌanj man síí ranꞌ, ne̱ nahu̱un síí ranꞌ yoꞌ, quiꞌya̱j Síí ꞌNi̱j Raꞌa man níꞌ, ne̱ sese tumé síí ranꞌ yoꞌ cacunꞌ, ne̱ navi̱j cacunꞌ xráá soꞌ a.

Santiago 5:19

Cuno̱ soj caꞌmi̱j, tinu̱j, nocoj. Sese ta̱náj xco̱ ꞌo̱ tuviꞌ soj stucua̱nj Yaꞌanj tucuáán ya̱, ne̱ sese gu̱un nucua̱j ꞌó tuviꞌ soj quiꞌya̱j canaán soꞌ ca̱nica̱j uún síí caꞌanj yaníj yoꞌ canoco̱ꞌ soꞌ tucuáán sa̱ꞌ,

1 Pedro 4:8

Ne̱ suun sa̱ꞌ noco̱o doj quiꞌya̱j soj me nihánj, ne̱ ga̱a̱ ꞌe̱e̱ uxrá rá soj man tuviꞌ soj nij síí noco̱ꞌ man Cristó, ne̱ sese ꞌe̱e̱ rá níꞌ tuviꞌ níꞌ, ga̱a ne̱ caꞌne̱e̱ noco̱o ndoꞌo níꞌ cacunꞌ xráá tuviꞌ níꞌ na̱nj ado̱nj.

Apocalipsis 20:6

Dan me se síí cavi̱i̱ sa̱ꞌ ndoꞌo me nij soꞌ, ne̱ síí cunu̱u sa̱ꞌ nimán rihaan Yaꞌanj me nij soꞌ, cheꞌé se síí cunu̱u iꞌna̱ꞌ uún asino ya̱a̱n me nij soꞌ ado̱nj. Se̱ caꞌvee daj chiha̱a̱ míj cavi̱ꞌ uún nij soꞌ a̱ maꞌ. Tana̱nj gu̱un nij soꞌ xrej ca̱yáán rihaan Yaꞌanj do̱ꞌ, rihaan Cristó do̱ꞌ, ne̱ gu̱un chij nij soꞌ ga̱ Cristó nu̱ꞌ míj ya̱ yoꞌ ado̱nj.