Santiago 5:2 - Triqui de San Juan Copala

² Ne̱ rihaan Yaꞌanj me se ase vaa se cuchruu̱ vaa nu̱ꞌ siꞌyaj soj, ne̱ ase vaa yatzíj navij chá xcuu vaa nu̱ꞌ saga̱nꞌ soj,

Santiago 5:2 ပူးပေါင်းရင်းမြစ်များ

San Lucas 12:33

’Cutuꞌve̱e̱ soj siꞌyaj soj, ne̱ caxri̱i̱ soj saꞌanj ston nij síí nique̱ á. Ga̱a ne̱ vaa güii quiri̱ꞌ soj ꞌo̱ nanj caraa nu̱ꞌ saꞌanj rque, ne̱ nanj yoꞌ roꞌ, daj chiha̱a̱ míj se̱ xtuu̱ nanj yoꞌ, ne̱ saꞌanj yoꞌ roꞌ, daj chiha̱a̱ míj se̱ navij saꞌanj yoꞌ maꞌ. Yoꞌ me se quiri̱ꞌ soj rej xta̱ꞌ, ne̱ rej xta̱ꞌ roꞌ, taj va̱j síí itu̱u̱ maꞌ. Ne̱ taj va̱j xlúú chá rasu̱u̱n maꞌ.

Santiago 2:2

Xca̱j soj cuentá, ne̱ ga̱a nuu chre̱ꞌ xꞌneꞌ soj cachra̱a̱ soj rihaan Yaꞌanj, ne̱ sese atúj ꞌo̱ síí ruꞌvee nu̱u̱ yatzíj sa̱ꞌ rej ma̱n soj, ne̱ ꞌni̱j raꞌa soꞌ seꞌej tuꞌve̱e̱ ndoꞌo, ne̱ aráyaꞌa̱nj ndoꞌo soj man soꞌ, ne̱ taj soj se vaa caꞌa̱nj quita̱j soꞌ chruun xlá sa̱ꞌ a. Ne̱ sese atúj ꞌo̱ síí nique̱ nu̱u̱ yatzíj tachri̱nj rej ma̱n soj, ne̱ ne aꞌmii noco̱o soj ga̱ soꞌ maꞌ. Caꞌve̱e canicu̱nꞌ caya̱ soꞌ do̱ꞌ, caꞌve̱e caꞌa̱nj ca̱yáán soꞌ rihaan yoꞌóó rej taco̱j soj do̱ꞌ, taj soj rihaan soꞌ na̱nj á.

1 Pedro 1:4

Ne̱ dan me se vaa se sa̱ꞌ nica̱j Yaꞌanj rque̱ Yaꞌanj man soj asa̱ꞌ nucuiꞌ soj rihaan soꞌ, ne̱ daj chiha̱a̱ míj se̱ quiriꞌ se sa̱ꞌ yoꞌ, ne̱ ꞌo̱ ga̱a̱ sa̱ꞌ yoꞌ nu̱ꞌ cavii nu̱ꞌ caꞌanj na̱nj ado̱nj.