Santiago 5:11 - Triqui de San Juan Copala

¹¹ Ne̱ uxrá cavii sa̱ꞌ nij síí nucua̱j nimán rihaan sayuun, rá níꞌ, niꞌya̱j níꞌ man nij soꞌ, ne̱ a̱j cuno soj se vaa nucua̱j nimán síí cuꞌna̱j Job rihaan sayuun ga̱a naá, ne̱ a̱j neꞌen soj se vaa avii sa̱ꞌ nu̱ꞌ nij síí vaa da̱nj, ꞌyaj Síí ꞌNi̱j Raꞌa man níꞌ, cheꞌé se ꞌe̱e̱ uxrá rá soꞌ niꞌya̱j soꞌ man níꞌ chugua̱nj.

Santiago 5:11 ပူးပေါင်းရင်းမြစ်များ

San Mateo 10:22

Ne̱ nachri̱ꞌ cunuda̱nj yuvii̱ man soj cheꞌé se me soj síí noco̱ꞌ manj a. Tza̱j ne̱ síí noco̱ꞌ xraan manj nda̱a se cavi̱ꞌ soꞌ roꞌ, soꞌ me síí nani̱i̱ rihaan sayuun nu̱ꞌ cavii nu̱ꞌ caꞌanj ado̱nj.

San Lucas 1:50

ꞌO̱ ꞌe̱e̱ rá soꞌ man ta̱ranꞌ nij síí uno rihaan soꞌ a.

San Lucas 11:10

ꞌO̱ se síí achíín rasu̱u̱n rihaan Yaꞌanj roꞌ, quiri̱ꞌ soꞌ rasu̱u̱n achiin man soꞌ, ne̱ síí nanoꞌ rasu̱u̱n achiin man roꞌ, quiri̱ꞌ soꞌ rasu̱u̱n yoꞌ, ne̱ síí ticaꞌmii taꞌyaa rej ya̱nj Yaꞌanj roꞌ, caꞌnu̱u̱ Yaꞌanj taꞌyaa, ne̱ quiri̱ꞌ síí ticaꞌmii taꞌyaa rasu̱u̱n achiin man soꞌ ado̱nj.

San Lucas 6:36

Ase vaa ꞌe̱e̱ rá Rej níꞌ Yaꞌanj man da̱j a̱ nij yuvii̱ roꞌ, da̱nj ga̱a̱ ꞌe̱e̱ rá soj man da̱j a̱ nij yuvii̱ uún ado̱nj ―da̱nj cataj Jesús rihaan nij síí tucuꞌyón snana̱ soꞌ a.

Romanos 2:4

Me cheꞌé nachríꞌ so̱ꞌ se vaa me rá Yaꞌanj quiꞌya̱j sa̱ꞌ Yaꞌanj cheꞌé so̱ꞌ ga̱. Ne̱ me rá uún Yaꞌanj cunu̱u ꞌe̱e̱ rá Yaꞌanj mán so̱ꞌ ado̱nj. Naꞌvej rá Yaꞌanj quiꞌya̱j Yaꞌanj sayuun mán so̱ꞌ maꞌ. Ne neꞌén so̱ꞌ se vaa Yaꞌanj me síí ꞌe̱e̱ rá niꞌya̱j mán so̱ꞌ a. Ne̱ me rá Yaꞌanj nuchra̱nꞌ nimán so̱ꞌ ca̱nocóꞌ so̱ꞌ man soꞌ ado̱nj.

Efesios 1:6

Da̱nj quiꞌyaj soꞌ cheꞌé yan veꞌé caꞌmi̱i̱ níꞌ ni̱ꞌyaj níꞌ man Yaꞌanj, ne̱ cata̱j níꞌ se vaa veꞌé ndoꞌo quiꞌyaj soꞌ se lu̱j cheꞌé níꞌ, cheꞌé se noco̱ꞌ níꞌ man Cristó síí ꞌe̱e̱ rá soꞌ niꞌya̱j soꞌ man na̱nj ado̱nj.

Efesios 2:4

Tza̱j ne̱ cunuu ꞌe̱e̱ ndoꞌo rá Yaꞌanj man níꞌ,

Hebreos 10:39

Tza̱j ne̱ né si̱j anica̱j rmaꞌa̱n rej xco̱ me níꞌ maꞌ. Cheꞌé dan se̱ quiriꞌ níꞌ maꞌ. ꞌO̱ se si̱j nucua̱j rá man Yaꞌanj me níꞌ, ne̱ cheꞌé dan nani̱i̱ nimán níꞌ rihaan sayuun ado̱nj.

Hebreos 3:14

ꞌO̱ se ya̱j me se guun níꞌ síí cavi̱i̱ sa̱ꞌ ga̱ Cristó, ne̱ cavi̱i̱ sa̱ꞌ ya̱ níꞌ ga̱ soꞌ sese ꞌo̱ cuchuma̱n rá níꞌ cuno̱ níꞌ nana̱ ya̱, nda̱a vaa quiꞌyaj níꞌ ga̱a guun cheꞌe̱ níꞌ canocoꞌ níꞌ man Cristó chugua̱nj.

Hebreos 3:6

Tza̱j ne̱ Cristó me se né mo̱zó me soꞌ maꞌ. Tana̱nj taꞌníí síí tucua̱ ya̱ veꞌ me soꞌ ado̱nj. Ne̱ veé da̱nj ꞌyaj soꞌ nu̱ꞌ suun vaa rihaan soꞌ rá veꞌ, ne̱ dan me se maꞌa̱n ya̱ níꞌ me veꞌ yoꞌ, sese ꞌo̱ gu̱un ya̱ rá níꞌ se vaa cavi̱i̱ sa̱ꞌ níꞌ, quiꞌya̱j Yaꞌanj, ne̱ sese gu̱un niha̱ꞌ rá níꞌ cata̱j xnaꞌanj níꞌ cheꞌé yoꞌ rihaan tuviꞌ níꞌ, ne̱ sese se̱ cuchuꞌviꞌ níꞌ canoco̱ꞌ níꞌ man Yaꞌanj ado̱nj.

Santiago 1:12

Síí nucua̱j nimán rihaan sayuun roꞌ, soꞌ me síí cavi̱i̱ sa̱ꞌ, ne̱ asa̱ꞌ quiꞌyaj canáán soꞌ rihaan sayuun, ne̱ rque̱ Yaꞌanj se sa̱ꞌ man soꞌ ase vaa rqué nii ꞌo̱ cachriin coroná sa̱ꞌ cu̱nuû raa̱ ꞌo̱ síí quiꞌyaj canaán a. Ne̱ se sa̱ꞌ yoꞌ me rej caꞌve̱e ca̱yáán so̱ꞌ ga̱ Yaꞌanj nu̱ꞌ cavii nu̱ꞌ caꞌanj, nda̱a vaa cataꞌ tuꞌva Yaꞌanj se vaa ya̱ quiꞌya̱j Yaꞌanj cheꞌé nij síí aráj cochro̱j rihaan soꞌ a.

Santiago 1:2

Dan me se asa̱ꞌ caꞌnaꞌ me maꞌa̱n sayuun rihaan soj, ne̱ gu̱un niha̱ꞌ uxrá rá nimán soj, tinu̱j, nocoj.

1 Pedro 1:13

Cheꞌé dan ꞌo̱ caꞌne̱j nimán soj quiꞌya̱j soj nda̱a vaa me rá Yaꞌanj na̱nj á. Ga̱a̱ chij rá soj ga̱ tuviꞌ soj, ne̱ ꞌo̱ ga̱a̱ nucua̱j rá soj man Yaꞌanj se vaa quiꞌya̱j ndoꞌo soꞌ se lu̱j cheꞌé soj asa̱ꞌ curuviꞌ uún Jesucristó á.

1 Pedro 3:14

Tza̱j ne̱ caꞌve̱e se quira̱nꞌ soj sayuun cheꞌé se si̱j sa̱ꞌ me soj, tza̱j ne̱ vaa cheꞌé gu̱un niha̱ꞌ rá soj chugua̱nj. ꞌO̱ se vaa güii cavi̱i̱ sa̱ꞌ soj ado̱nj. Cheꞌé dan se̱ nanó rá soj, ne̱ se̱ cuchuꞌviꞌ soj cheꞌé se vaa quiꞌya̱j yuvii̱ chiꞌi̱i̱ man soj maꞌ.

2 Pedro 2:9

Tza̱j ne̱ Síí ꞌNi̱j Raꞌa man níꞌ me se nacaj soꞌ man nij síí noco̱ꞌ man soꞌ, ne̱ ti̱nanii soꞌ man nij soꞌ rihaan sayuun, ne̱ veé da̱nj gu̱un nucua̱j soꞌ tu̱mé soꞌ man nij síí chiꞌi̱i̱, ne̱ ꞌo̱ quira̱nꞌ nij síí chiꞌi̱i̱ yoꞌ sayuun nda̱a se quisi̱j güii caꞌne̱ꞌ soꞌ cacunꞌ cheꞌé nij soꞌ ado̱nj.