Santiago 4:5 - Triqui de San Juan Copala

⁵ Ne̱ xca̱j soj cuentá se vaa ne tuꞌva rmaꞌa̱n nana̱ nihánj nana̱ aꞌmii Danj Yaꞌanj maꞌ: “Yaꞌanj quiꞌyaj nimán níꞌ, ne̱ me uxrá rá Yaꞌanj canoco̱ꞌ nimán níꞌ man o̱rúnꞌ soꞌ a”, taj Danj Yaꞌanj ado̱nj.

Santiago 4:5 ပူးပေါင်းရင်းမြစ်များ

San Juan 10:35

Dan me se sese maꞌa̱n Yaꞌanj cataj se vaa nij síí caꞌmii snana̱ soꞌ me yaꞌanj uún, ga̱a ne̱ daj chiha̱a̱ míj se̱ caꞌvee ta̱náj xco̱ níꞌ snana̱ Yaꞌanj nana̱ no̱ rihaan yanj ga̱a maꞌ.

San Juan 19:37

Ne̱ ꞌó nana̱ roꞌ, taj a: “Ni̱ꞌyaj nij soꞌ man síí choꞌoj maꞌa̱n nij soꞌ agaꞌ man a”, taj ꞌó nana̱ no̱ rihaan Danj Yaꞌanj uún a.

San Juan 7:42

ꞌO̱ se Danj Yaꞌanj taj se vaa taꞌníí taꞌnij siꞌno̱ rey cuꞌna̱j David síí cayáán ga̱a naá me Síí Caꞌne̱j Yaꞌanj Ti̱nanii man Yuvii̱ rihaan Sayuun, ne̱ si̱j cavi̱i̱ chiháán David chumanꞌ Belén me uún soꞌ ado̱nj ―taj ꞌó taꞌa̱j nij yuvii̱ uún a.

Hechos 7:9

’Dan me se guun xco̱j ruva̱a̱ rá nij xi̱i níꞌ niꞌya̱j nij soꞌ man tinúú nij soꞌ José, ga̱a ne̱ cutuꞌvéj nij soꞌ man soꞌ rihaan síí caꞌanj nica̱j man soꞌ nda̱a rej yoꞌóó noco̱o cuꞌna̱j Egiptó a. Tza̱j ne̱ Yaꞌanj va̱j ga̱ soꞌ,

Romanos 1:29

Se araa nimán nij soꞌ me cunuda̱nj se ne nica̱ vaa do̱ꞌ, se chiꞌi̱i̱ do̱ꞌ, se nij do̱ꞌ, se uun ne̱ rá saꞌanj do̱ꞌ, se qui̱j do̱ꞌ a. Ina̱nj síí xco̱j ruva̱a̱ rá do̱ꞌ, síí ticaviꞌ do̱ꞌ, síí anó tuviꞌ do̱ꞌ, síí taꞌyunj do̱ꞌ, síí riꞌyunj do̱ꞌ, me nij soꞌ ado̱nj. Aꞌmii ne̱ nij soꞌ do̱ꞌ,

Romanos 9:17

Ne̱ rihaan Danj Yaꞌanj nó nana̱ caꞌmii Yaꞌanj rihaan síí cuꞌna̱j Faraón ga̱a cataj Yaꞌanj a: “Guún so̱ꞌ síí nica̱j suun, quiꞌyáj, ga̱a ne̱ queneꞌe̱n yuvii̱ da̱j qui̱ránꞌ so̱ꞌ, qui̱ꞌyáj, ne̱ chaꞌnu̱u̱ nana̱ rihaan nu̱ꞌ chumii̱ se vaa Yaꞌanj si̱j nucua̱j uxrá mej ado̱nj.” Da̱nj cataj Yaꞌanj rihaan Faraón ga̱a naá a.

1 Corintios 6:19

Ne̱ ne neꞌen soj se vaa ase vaa nuvií sa̱ꞌ ndoꞌo vaa nee̱ man soj, ne̱ rej ya̱nj Nimán Yaꞌanj me yoꞌ a̱ naꞌ. Dan me se Yaꞌanj me síí rqué nee̱ man soj rihaan soj, ne̱ né siꞌya̱j maꞌa̱n soj me nee̱ man soj a̱ maan ado̱nj.

2 Corintios 6:16

Ne̱ xa̱ꞌ níꞌ si̱j noco̱ꞌ man Yaꞌanj, tza̱j ne̱ asa̱ꞌ caꞌve̱e cunu̱u chre̱ꞌ níꞌ ga̱ yaꞌanj quiꞌyaj maꞌa̱n yuvii̱, rá soj ga̱. Ne̱ xa̱ꞌ Yaꞌanj, tza̱j ne̱ síí vaa iꞌna̱ꞌ me soꞌ, ne̱ ya̱nj soꞌ nimán níꞌ ado̱nj. ꞌO̱ cuya̱a̱n vaa nana̱ nihánj ga̱ nana̱ caꞌmii Yaꞌanj ga̱a naá ga̱a cataj Yaꞌanj a: Ca̱yáán ꞌu̱nj ga̱ nij soꞌ, ne̱ cache̱e̱ ꞌu̱nj ga̱ nij soꞌ, ne̱ guún ꞌu̱nj Taꞌanj nij soꞌ, ne̱ gu̱un nij soꞌ se‑chuma̱nꞌ ꞌu̱nj a, taj Yaꞌanj ga̱a naá a.

Gálatas 3:8

Dan me se ga̱a naá neꞌen Yaꞌanj se vaa cuchuma̱n rá nij yuvii̱ yaníj ni̱ꞌyaj nij soꞌ man Yaꞌanj, ne̱ neꞌen Yaꞌanj se vaa cunu̱u sa̱ꞌ nij soꞌ rihaan Yaꞌanj, quiꞌya̱j maꞌa̱n Yaꞌanj, ne̱ cheꞌé dan me nataꞌ Yaꞌanj snana̱ Yaꞌanj nana̱ sa̱ꞌ rihaan Abraham, cataj Yaꞌanj a: “Cheꞌé se vaa quiꞌyáá so̱ꞌ roꞌ, cheꞌé dan me qui̱ꞌyáá ꞌu̱nj se lu̱j cheꞌé ta̱ranꞌ nij xꞌneꞌ yuvii̱ ino̱ vaa stucua̱nj ma̱n rihaan chumii̱ ado̱nj”, taj Yaꞌanj rihaan Abraham asi̱j taj va̱j a̱ ꞌó yuvii̱ neꞌen snana̱ Yaꞌanj nana̱ sa̱ꞌ, ne̱ nu̱ꞌ nana̱ yoꞌ nana̱ caꞌmii Yaꞌanj rihaan Abraham roꞌ, canó nana̱ yoꞌ rihaan Danj Yaꞌanj a.

Tito 3:3

Dan me se asi̱j rque̱, ne̱ síí niꞌyo̱n rmaꞌa̱n me maꞌa̱n níꞌ, ne̱ síí tucuáá me níꞌ, ne̱ canocoꞌ níꞌ tucuáán tihaꞌ yuꞌunj, ne̱ quiꞌyaj níꞌ náá guun se vaa guun rá nee̱ man níꞌ quiꞌya̱j yoꞌ a. Dan me se qui̱j me rá níꞌ niꞌya̱j níꞌ tuviꞌ níꞌ, ne̱ guun xco̱j ruva̱a̱ rá níꞌ niꞌya̱j níꞌ tuviꞌ níꞌ, ne̱ quitáá riꞌyunj tuviꞌ níꞌ niꞌya̱j nij soꞌ man níꞌ, ne̱ nachriꞌ níꞌ man tuviꞌ níꞌ a.