Santiago 3:9 - Triqui de San Juan Copala

⁹ Dan me se tuꞌva níꞌ me avii nana̱ sa̱ꞌ aꞌmii níꞌ cheꞌé Rej níꞌ Yaꞌanj Si̱j ꞌNi̱j Raꞌa man níꞌ, ne̱ veé tuꞌva níꞌ avii nana̱ chre̱e cheꞌé tuviꞌ níꞌ, ꞌyaj daa níꞌ uún a. Ne̱ dan me se ase vaa Yaꞌanj roꞌ, da̱nj vaa nij tuvi̱ꞌ níꞌ ga̱a quiꞌyaj Yaꞌanj man ta̱ranꞌ níꞌ a.

Santiago 3:9 ပူးပေါင်းရင်းမြစ်များ

San Mateo 26:74

Ga̱a ne̱ guun cheꞌe̱ Pedró nucua̱j doj caꞌmii Pedró, cataj Pedró se vaa caꞌve̱e quiꞌya̱j Yaꞌanj sayuun man soꞌ sese né na̱na̱ ya̱ me nana̱ aꞌmii soꞌ, ne̱ cataj soꞌ a: ―Ne neꞌenj man snóꞌo yoꞌ maꞌ ―taj uún Pedró a. Ga̱a ne̱ nu̱ꞌ caguáj taꞌloo a.

San Mateo 5:44

Tza̱j ne̱ cuano̱ nihánj me cata̱j xnaꞌanj ꞌu̱nj ꞌo̱ nana̱ rihaan soj á: No̱ xcúún soj cunu̱u ꞌe̱e̱ rá soj ni̱ꞌyaj soj man nij síí ta̱j riꞌyunj man soj, ne̱ caꞌmi̱i̱ soj nana̱ lu̱j cheꞌé nij síí aꞌmii nana̱ qui̱j cheꞌé soj, ne̱ quiꞌya̱j soꞌ se lu̱j rihaan nij síí nachriꞌ niꞌya̱j man soj, ne̱ cachi̱nj niꞌya̱j soj rihaan Yaꞌanj cheꞌé nij síí ꞌyaj sayuun man soj á.

Hechos 2:26

Cheꞌé dan guun niha̱ꞌ ndoꞌo rá nimanj, ne̱ caꞌmij nana̱ niha̱ꞌ cavii nimanj a. ꞌO̱ se ꞌo̱ guun ya̱ raj se vaa ya̱ cavi̱i̱ sa̱ꞌ ꞌu̱nj na̱nj ado̱nj.

Romanos 3:14

Dan me se ina̱nj aꞌmii chre̱e nij soꞌ do̱ꞌ, aꞌmii xco̱j ruva̱a̱ rá nij soꞌ do̱ꞌ, cheꞌé tuviꞌ nij soꞌ a.

1 Corintios 11:7

Ne nó xcúún núj sno̱ꞌo ca̱ráán núj raa̱ núj maꞌ. ꞌO̱ se ase vaa Yaꞌanj roꞌ, da̱nj vaa maꞌa̱n núj sno̱ꞌo, ne̱ cheꞌé dan niꞌya̱j yuvii̱ man snóꞌo ne̱ xcaj yuvii̱ cuentá se vaa veꞌé ndoꞌo vaa Yaꞌanj si̱j quiꞌyaj man snóꞌo ado̱nj. Ne̱ niꞌya̱j yuvii̱ man chana̱ ne̱ xcaj yuvii̱ cuentá se vaa veꞌé ndoꞌo vaa snóꞌo, cheꞌé se cúú man snóꞌo roꞌ, guun chana̱ a.

Efesios 1:3

Cata̱j níꞌ se vaa ina̱nj sa̱ꞌ uxrá vaa Yaꞌanj Rej Jesucristó Si̱j ꞌNi̱j Raꞌa man níꞌ, ne̱ veꞌé ndoꞌo quiꞌyaj soꞌ cheꞌé níꞌ a. Ne̱ rqué soꞌ da̱j a̱ se sa̱ꞌ man níꞌ, ne̱ se sa̱ꞌ cavii rej xta̱ꞌ cavii maꞌa̱n ya̱ Nimán Yaꞌanj me rqué Yaꞌanj man níꞌ, cheꞌé se síí noco̱ꞌ man Cristó me níꞌ a.

Santiago 1:27

Cata̱j xnaꞌanj ꞌu̱nj rihaan soj me síí me síí noco̱ꞌ ya̱ man Rej níꞌ Yaꞌanj a. Síí racuíj man xnii nique̱ caviꞌ rej do̱ꞌ, síí racuíj man chana̱ nique̱ caviꞌ nica̱ do̱ꞌ, síí ne nocoꞌ man síí chiꞌi̱i̱ ma̱n rihaan chumii̱ nihánj do̱ꞌ roꞌ, soꞌ me síí noco̱ꞌ ya̱ man Yaꞌanj ado̱nj.

Santiago 3:10

Veé tuꞌva níꞌ avii nana̱ sa̱ꞌ ne̱ veé tuꞌva níꞌ avii nana̱ chre̱e, ꞌyaj daa níꞌ, ne̱ nij uxrá vaa ꞌyaj níꞌ da̱nj, na̱nj tinu̱j, nocoj.

1 Pedro 1:3

Cata̱j níꞌ se vaa ina̱nj sa̱ꞌ uxrá vaa Yaꞌanj Rej Jesucristó Si̱j ꞌNi̱j Raꞌa man níꞌ á. Cheꞌé se ꞌe̱e̱ uxrá rá Yaꞌanj niꞌya̱j soꞌ man níꞌ, ne̱ naquiꞌyaj iꞌna̱ꞌ soꞌ man Jesucristó, yan caꞌnga̱a̱ naca̱ nimán níꞌ ne̱ uun ya̱ rá níꞌ se vaa ca̱yáán níꞌ rihaan soꞌ nu̱ꞌ cavii nu̱ꞌ caꞌanj ado̱nj.