Santiago 3:18 - Triqui de San Juan Copala

¹⁸ Dan me se síí ꞌyaj dínj yáán yuvii̱ ga̱ tuviꞌ yuvii̱ roꞌ, maꞌa̱n soꞌ me síí ya̱nj dínj ga̱ tuviꞌ, ne̱ cheꞌé dan cunu̱u sa̱ꞌ nij tuvi̱ꞌ soꞌ rihaan Yaꞌanj, quiꞌya̱j soꞌ na̱nj ado̱nj.

Santiago 3:18 ပူးပေါင်းရင်းမြစ်များ

San Mateo 5:9

’Cavi̱i̱ sa̱ꞌ ta̱ranꞌ nij síí ꞌyaj naꞌmii sa̱ꞌ yuvii̱ ga̱ tuviꞌ yuvii̱ ado̱nj. ꞌO̱ se cata̱j nii se vaa taꞌníí ya̱ Yaꞌanj me nij soꞌ vaa güii ado̱nj.

San Juan 4:36

Naruꞌvee Yaꞌanj rihaan nij síí rii naa̱ yoꞌ, ne̱ naquiꞌyaj chre̱ꞌ ndoꞌo nij soꞌ man nij síí ca̱yáán ga̱ Yaꞌanj nu̱ꞌ cavii nu̱ꞌ caꞌanj, ne̱ rej riha̱a̱n gu̱un niha̱ꞌ rá síí cunô ga̱ síí rii naa̱ ado̱nj.

Gálatas 6:8

Sese quiꞌya̱j ꞌo̱ soꞌ ina̱nj se vaa me rá nee̱ man maꞌa̱n soꞌ quiꞌya̱j soꞌ, ne̱ nee̱ man soꞌ quiꞌya̱j quiri̱ꞌ nu̱ꞌ soꞌ na̱nj ado̱nj. Tza̱j ne̱ sese quiꞌya̱j ꞌo̱ soꞌ ina̱nj se vaa me rá Nimán Yaꞌanj quiꞌya̱j soꞌ, ne̱ Nimán Yaꞌanj quiꞌya̱j ga̱a̱ iꞌna̱ꞌ soꞌ ca̱yáán soꞌ ga̱ Yaꞌanj nu̱ꞌ cavii nu̱ꞌ caꞌanj ado̱nj.

Filipenses 1:11

Dan me se ya̱ gu̱un soj yuvii̱ cunuu sa̱ꞌ nimán quiꞌya̱j Jesucristó, cheꞌé rej xca̱j nii cuentá se vaa niꞌndaj ya̱ veꞌé vaa Yaꞌanj ne̱ cata̱j nii se vaa sa̱ꞌ uxrá vaa soꞌ ado̱nj.

Hebreos 12:11

Tza̱j ne̱ ya̱ uxrá, ne̱ ga̱a tiha̱j tucuꞌyón nii chrej nucua̱j man níꞌ, ne̱ sayu̱u̱n uxrá vaa nari̱ꞌ níꞌ da̱j quiꞌya̱j níꞌ, ne̱ ne niha̱ꞌ uxrá rá níꞌ maꞌ. ꞌO̱ se nanó rá níꞌ, ga̱a sayu̱u̱n vaa yoꞌ ado̱nj. Tza̱j ne̱ achén do̱j, ne̱ nuu nica̱ nimán níꞌ ꞌyaj chrej nucua̱j yoꞌ, ne̱ nuu xe̱j nimán níꞌ, ꞌyaj yoꞌ ado̱nj.

Santiago 1:20

ꞌO̱ se sese aꞌmaan ndoꞌo rá níꞌ, ne̱ naꞌvee quiꞌya̱j sa̱ꞌ níꞌ nda̱a vaa me rá Yaꞌanj quiꞌya̱j níꞌ maꞌ.