Santiago 2:8 - Triqui de San Juan Copala

⁸ Dan me se vaa cheꞌé cuno̱ níꞌ suun caꞌneꞌ Yaꞌanj rihaan níꞌ suun no̱ rihaan Danj Yaꞌanj nana̱ ya̱ ado̱nj. Ne̱ dan me se taj suun yoꞌ a: “Ga̱a̱ ꞌe̱e̱ rá níꞌ man tuviꞌ níꞌ nda̱a rá se vaa ꞌe̱e̱ rá níꞌ man maꞌa̱n níꞌ na̱nj á”, taj suun yoꞌ, ne̱ sese cuno̱ soj suun yoꞌ, ne̱ cuna̱j ꞌyaj soj ado̱nj.

Santiago 2:8 ပူးပေါင်းရင်းမြစ်များ

San Mateo 22:39

Ne̱ ase vaa suun yoꞌ, da̱nj vaa ꞌó suun nihánj suun me rá Yaꞌanj cuno̱ uún níꞌ a: “Adi̱ꞌ se ꞌe̱e̱ rá so̱ꞌ man ma̱ꞌán so̱ꞌ roꞌ, da̱nj ga̱a̱ ꞌe̱e̱ rá so̱ꞌ man tuvíꞌ so̱ꞌ á.”

San Mateo 25:21

Ne̱ cataj ruꞌvee yoꞌ rihaan se‑mo̱zó soꞌ a: “Cuna̱j uxrá vaa quiꞌyáá so̱ꞌ chugua̱nj. Mozó sa̱ꞌ mé so̱ꞌ, ne̱ ga̱a̱ nucua̱j raj mán so̱ꞌ ado̱nj. Veꞌé tumé so̱ꞌ man do̱j siꞌyáj á. Cheꞌé dan, ne̱ ya̱j ca̱yáán so̱ꞌ tu̱mé so̱ꞌ noco̱o doj siꞌyáj á. Caꞌna̱ꞌ so̱ꞌ ca̱yáán so̱ꞌ ga̱ ꞌu̱nj, ne̱ veꞌé ca̱yáán níꞌ na̱nj á”, taj soꞌ rihaan se‑mo̱zó soꞌ a.

San Mateo 25:23

Ne̱ cataj ruꞌvee yoꞌ rihaan soꞌ a: “Cuna̱j uxrá vaa quiꞌyáá so̱ꞌ chugua̱nj. Mozó sa̱ꞌ mé so̱ꞌ uún, ne̱ ga̱a̱ nucua̱j raj mán so̱ꞌ uún ado̱nj. Veꞌé tumé so̱ꞌ man do̱j siꞌyáj, ne̱ cheꞌé dan ya̱j ca̱yáán so̱ꞌ tu̱mé so̱ꞌ noco̱o doj siꞌyáj ya̱ ado̱nj. Caꞌna̱ꞌ so̱ꞌ, ca̱yáán so̱ꞌ ga̱ ꞌu̱nj, ne̱ veꞌé ca̱yáán níꞌ na̱nj á”, taj ruꞌvee yoꞌ rihaan ꞌó se‑mo̱zó soꞌ a.

San Mateo 7:12

’Dan me se da̱j se uun rá soj quiꞌya̱j sa̱ꞌ yuvii̱ rihaan soj roꞌ, taꞌngaꞌ da̱nj quiꞌya̱j sa̱ꞌ soj rihaan tuviꞌ soj á. Sese da̱nj quiꞌya̱j soj rihaan tuviꞌ soj, ne̱ síí uno nu̱ꞌ stucua̱nj Moisés do̱ꞌ, nu̱ꞌ snana̱ nij síí nataꞌ snana̱ Yaꞌanj ga̱a naá do̱ꞌ, me soj ado̱nj.

Romanos 13:10

Sese ꞌe̱e̱ rá soj tuviꞌ soj, ne̱ se̱ quiꞌyaj chiꞌi̱i̱ soj man tuviꞌ soj maꞌ. Cheꞌé dan sese ꞌe̱e̱ rá soj tuviꞌ soj, ne̱ si̱j uno nu̱ꞌ tucuáán cuchruj Yaꞌanj ga̱a naá me maꞌa̱n soj ado̱nj.

Gálatas 5:14

Dan me se ꞌo̱ cuya̱a̱n ya̱ vaa nu̱ꞌ stucua̱nj Moisés ga̱ o̱rúnꞌ nana̱ nihánj chugua̱nj: “Adi̱ꞌ se ꞌe̱e̱ rá so̱ꞌ man ma̱ꞌán so̱ꞌ roꞌ, taꞌngaꞌ da̱nj ga̱a̱ ꞌe̱e̱ rá so̱ꞌ man tuvíꞌ so̱ꞌ á.” A̱ ꞌó nana̱ se̱ cachiin cuno̱ uún níꞌ, sese da̱nj quiꞌya̱j níꞌ a̱ maꞌ.

Gálatas 6:2

Dan me se caꞌve̱e se me maꞌa̱n sayuun ranꞌ tinúú soj, tza̱j ne̱ ra̱cuíj soj man soꞌ á. Sese da̱nj quiꞌya̱j soj, ne̱ síí ꞌyaj nda̱a vaa taj stucua̱nj Cristó me soj ga̱a na̱nj chugua̱nj.

Filipenses 4:14

Tza̱j ne̱ cuna̱j uxrá quiꞌyaj soj racuíj soj manj ga̱a quiránꞌ ꞌu̱nj sayuun ga̱a rque̱ chugua̱nj.

1 Tesalonicenses 4:9

Dan me se taj cheꞌé cachro̱n ꞌu̱nj nana̱ rihaan yanj cartá nihánj cata̱j xnaꞌanj ꞌu̱nj rihaan soj se vaa no̱ xcúún soj ga̱a̱ ꞌe̱e̱ rá soj man tinúú soj maꞌ. ꞌO̱ se maꞌa̱n Yaꞌanj me síí tucuꞌyón man soj se vaa quiꞌya̱j soj da̱nj ado̱nj.

Santiago 1:25

Ne̱ ase vaa espejó roꞌ, da̱nj vaa tucuáán sa̱ꞌ ina̱nj cuchruj Yaꞌanj rihaan níꞌ, ne̱ xcaj níꞌ cuentá da̱j me rá Yaꞌanj quiꞌya̱j níꞌ, ꞌyaj tucuáán sa̱ꞌ yoꞌ, tucuáán tinanii man níꞌ rihaan cacunꞌ a. Se̱ guun níꞌ síí tucuꞌyón rmaꞌa̱n nana̱ yoꞌ ne̱ niꞌyón nana̱ yoꞌ maꞌ. Tana̱nj quiꞌya̱j níꞌ nda̱a vaa taj nana̱ yoꞌ á. Ne̱ sese se̱ caꞌneꞌ rá níꞌ ga̱ nana̱ yoꞌ, ne̱ Yaꞌanj me síí quiꞌya̱j cavi̱i̱ sa̱ꞌ níꞌ ado̱nj.

Santiago 2:12

Cheꞌé dan veꞌé caꞌmi̱i̱ soj, ne̱ veꞌé quiꞌya̱j soj, ne̱ cu̱nuû rá soj se vaa vaa güii caꞌne̱ꞌ Yaꞌanj cacunꞌ cheꞌé níꞌ, nda̱a vaa taj stucua̱nj Yaꞌanj tucuáán tinanii man níꞌ rihaan cacunꞌ á.

Santiago 2:19

Dan me se cuna̱j ꞌyáá so̱ꞌ se vaa amán rá so̱ꞌ se vaa o̱rúnꞌ Yaꞌanj, tza̱j ne̱ da̱nj ꞌyaj gue̱e̱ nij nana̱ chre̱e uún, ne̱ cheꞌé dan chuꞌviꞌ nij soꞌ nda̱a riꞌíj maꞌa̱n man nij soꞌ cheꞌé sayuun quiꞌya̱j Yaꞌanj man nij soꞌ vaa güii a.

Santiago 4:11

Se̱ guun caꞌmi̱i̱ soj nana̱ nij cheꞌé tuviꞌ soj, maan tinu̱j, maan nocoj. Síí aꞌmii cheꞌé tuviꞌ do̱ꞌ, síí araa cacunꞌ xráá tuviꞌ do̱ꞌ, soꞌ me síí taj se vaa taj cheꞌé cuno̱ níꞌ cunuda̱nj stucua̱nj Yaꞌanj chugua̱nj. Ne̱ síí aꞌmii da̱nj roꞌ, né si̱j uno stucua̱nj Yaꞌanj me soꞌ maꞌ. Ma̱an se síí naquiꞌyaj cu̱u stucua̱nj Yaꞌanj me soꞌ vaa ga̱a na̱nj á.

1 Pedro 2:9

Xa̱ꞌ soj, tza̱j ne̱ si̱j narii Yaꞌanj me soj, ne̱ xrej uun chij ya̱ nu̱u̱ rihaan Yaꞌanj me soj, ne̱ xꞌneꞌ nij síí cunuu sa̱ꞌ nimán uun chij Yaꞌanj rihaan me soj ado̱nj. Cheꞌé se me rá Yaꞌanj nata̱ꞌ soj cheꞌé se sa̱ꞌ uxrá quiꞌyaj soꞌ roꞌ, cheꞌé dan narii soꞌ man soj ado̱nj. Dan me se si̱j noco̱ꞌ tucuáán rmi̱ꞌ me soj ga̱a naá, tza̱j ne̱ canacúún Yaꞌanj man soj xca̱j soj cuentá, ne̱ cuna̱j uxrá vaa stucua̱nj Yaꞌanj tucuáán noco̱ꞌ soj cuano̱ na̱nj á.