Santiago 2:23 - Triqui de San Juan Copala

²³ Ne̱ quisíj ya̱ nu̱ꞌ snana̱ Yaꞌanj nana̱ nihánj a: “Cuchumán rá Abraham niꞌya̱j soꞌ man Yaꞌanj, ne̱ cheꞌé dan cataj Yaꞌanj se vaa si̱j sa̱ꞌ nimán me Abraham a.” Ne̱ síí chéé ga̱ Yaꞌanj me Abraham, taj nii uún a.

Santiago 2:23 ပူးပေါင်းရင်းမြစ်များ

San Marcos 12:10

Ne naya̱a̱ nij soj nana̱ nihánj nana̱ no̱ rihaan Danj Yaꞌanj naꞌ: Yuvej quiriꞌíj nij síí cuneꞌ veꞌ roꞌ, guun yuvej sa̱ꞌ vaa se uun doj rihaan cunuda̱nj nij yuvej ma̱n tacóó veꞌ yoꞌ na̱nj ado̱nj.

San Marcos 15:27

Ga̱a ne̱ cachrón nij tanuu man yavíj snóꞌo rihaan yavíj rcutze̱, ne̱ síí itu̱u̱ me ro̱j soꞌ a. Dan me se nicu̱nꞌ ꞌo̱ soꞌ rej nuva̱ꞌ Jesús, ne̱ nicu̱nꞌ ꞌó soꞌ rej nichru̱un Jesús a.

San Lucas 4:21

ne̱ guun cheꞌe̱ soꞌ caꞌmii soꞌ, cataj soꞌ a: ―Veé cuano̱ nihánj me se a̱j quisíj ya̱ nu̱ꞌ nana̱ nihánj, ne̱ ꞌu̱nj si̱j nayaa nana̱ nihánj cuno soj me síí quiꞌya̱j nu̱ꞌ se vaa taj nana̱ nihánj ado̱nj ―taj Jesús rihaan nij soꞌ a.

Hechos 1:16

―Vaa cheꞌé quisi̱j ya̱ nu̱ꞌ nana̱ no̱ rihaan Danj Yaꞌanj nana̱ rqué Nimán Yaꞌanj caꞌmii rey cuꞌna̱j David nana̱ aꞌmii cheꞌé síí cuꞌna̱j Judas, ne̱ ya̱ da̱nj guun, tinu̱j, nocoj. Ne̱ dan me se ya̱ ya̱ guun soꞌ síí racuíj man nij síí ta̱ꞌaa man Jesús se vaa caꞌvee nariꞌ nij soꞌ man Jesús, quiꞌyaj Judas a.

Romanos 11:2

Ne quiriꞌi̱j yaníj Yaꞌanj man se‑chuma̱nꞌ soꞌ nij yuvii̱ israelitá maꞌ. ꞌO̱ se ga̱a ataa quiꞌya̱j Yaꞌanj chumii̱, ne̱ ꞌo̱ queneꞌen Yaꞌanj se vaa canoco̱ꞌ nij soꞌ man Yaꞌanj a. Neꞌen nij soj da̱j taj Danj Yaꞌanj cheꞌé síí cuꞌna̱j Elías ga̱a naá ga̱a cutaꞌ soꞌ cacunꞌ xráá nij yuvii̱ israelitá,

Romanos 9:17

Ne̱ rihaan Danj Yaꞌanj nó nana̱ caꞌmii Yaꞌanj rihaan síí cuꞌna̱j Faraón ga̱a cataj Yaꞌanj a: “Guún so̱ꞌ síí nica̱j suun, quiꞌyáj, ga̱a ne̱ queneꞌe̱n yuvii̱ da̱j qui̱ránꞌ so̱ꞌ, qui̱ꞌyáj, ne̱ chaꞌnu̱u̱ nana̱ rihaan nu̱ꞌ chumii̱ se vaa Yaꞌanj si̱j nucua̱j uxrá mej ado̱nj.” Da̱nj cataj Yaꞌanj rihaan Faraón ga̱a naá a.

Gálatas 3:22

Cheꞌé dan me taj Danj Yaꞌanj se vaa cunuda̱nj yuvii̱ tumé ndoꞌo cacunꞌ na̱nj ado̱nj. Ne̱ cheꞌé dan me nana̱ cataꞌ tuꞌva Yaꞌanj rihaan Abraham roꞌ, quisi̱j ya̱ nu̱ꞌ nana̱ yoꞌ cheꞌé ta̱ranꞌ níꞌ si̱j amán rá niꞌya̱j man Cristó ado̱nj.

Gálatas 3:6

Xca̱j soj cuentá cheꞌé Abraham síí cayáán ga̱a naá se vaa cuchumán rá soꞌ niꞌya̱j soꞌ Yaꞌanj, ne̱ cheꞌé dan cataj Yaꞌanj se vaa si̱j cunuu sa̱ꞌ nimán me soꞌ a.

2 Timoteo 3:16

ꞌO̱ se maꞌa̱n Yaꞌanj quiꞌyaj cachrón nii nu̱ꞌ nana̱ ma̱n rihaan Danj Yaꞌanj ado̱nj. Ne̱ cheꞌé dan vaa se gu̱un ndoꞌo man nana̱ yoꞌ rihaan níꞌ ado̱nj. ꞌO̱ se vaa ndoꞌo rasu̱u̱n nariꞌ níꞌ uno níꞌ nana̱ ma̱n rihaan yanj yoꞌ, ne̱ taj xnaꞌanj yoꞌ rihaan níꞌ cheꞌé cacunꞌ tumé níꞌ, ne̱ axríj yuva̱a̱ yoꞌ man níꞌ cheꞌé cacunꞌ ꞌyaj níꞌ, ne̱ tucuꞌyón yoꞌ man níꞌ da̱j quiꞌya̱j níꞌ veꞌé canoco̱ꞌ níꞌ man Yaꞌanj, ne̱ taj xnaꞌanj yoꞌ rihaan níꞌ da̱j ga̱a̱ sa̱ꞌ nimán níꞌ uún a.

Santiago 2:24

Xca̱j soj cuentá se vaa cheꞌé se lu̱j ꞌyaj níꞌ roꞌ, cheꞌé dan nuu sa̱ꞌ nimán níꞌ rihaan Yaꞌanj, ne̱ né cheꞌe̱ se ina̱nj taj níꞌ se vaa amán rá níꞌ niꞌya̱j níꞌ man Yaꞌanj me nuu sa̱ꞌ nimán níꞌ rihaan Yaꞌanj maꞌ.

1 Pedro 2:6

Cheꞌé dan nó nana̱ nihánj rihaan Danj Yaꞌanj a: Ni̱ꞌyaj soj á. Cunéꞌ ꞌu̱nj ꞌo̱ snóꞌo chumanꞌ Sion ado̱nj. Ase vaa yuvej xi̱j uchruj yuvii̱ tacóó veꞌ roꞌ, da̱nj vaa soꞌ chugua̱nj. Da̱j se vaa yuvej narii nii vaa soꞌ, ne̱ vaa yuꞌvee ndoꞌo nó soꞌ ado̱nj. Síí cuchuma̱n rá ni̱ꞌyaj man soꞌ roꞌ, daj chiha̱a̱ míj se̱ guun naꞌa̱j soꞌ maꞌ. Da̱nj cataj Yaꞌanj, caꞌmii soꞌ cheꞌé Cristó ga̱a naá a.