Santiago 2:21 - Triqui de San Juan Copala

²¹ Dan me se xi̱i níꞌ síí cuꞌna̱j Abraham síí cayáán ga̱a naá me se neꞌén so̱ꞌ se vaa caꞌvej soꞌ ticavi̱ꞌ soꞌ taꞌníí soꞌ síí cuꞌna̱j Isaac rihaan chraan altar rque̱ soꞌ man taꞌníí soꞌ rihaan Yaꞌanj a. Ne̱ cheꞌé se vaa quiꞌyaj soꞌ da̱nj roꞌ, cheꞌé dan cunuu sa̱ꞌ soꞌ rihaan Yaꞌanj ado̱nj.

Santiago 2:21 ပူးပေါင်းရင်းမြစ်များ

San Juan 8:39

Ga̱a ne̱ cataj nij soꞌ rihaan Jesús a: ―Xi̱i núj me síí cuꞌna̱j Abraham síí cayáán ga̱a naá ado̱nj ―taj nij soꞌ a. Ga̱a ne̱ cataj Jesús rihaan nij soꞌ a: ―Sese ya̱ ya̱ taꞌníí taꞌnij siꞌno̱ Abraham me soj, ne̱ quiꞌyaj soj nda̱a vaa quiꞌyaj Abraham asuun tza̱j a.

Romanos 4:16

Cheꞌé dan cunuda̱nj níꞌ si̱j amán rá niꞌya̱j man Yaꞌanj roꞌ, me nij síí ni̱caj yuꞌunj man chumii̱, ne̱ veé dan me se lu̱j quiꞌya̱j Yaꞌanj cheꞌé níꞌ me yoꞌ, ga̱a ne̱ caꞌve̱e quisi̱j ya̱ nu̱ꞌ nana̱ cataꞌ tuꞌva Yaꞌanj cheꞌé ta̱ranꞌ níꞌ a. Dan me se né ina̱nj nij síí gu̱un nucua̱j quiꞌya̱j nu̱ꞌ stucua̱nj Moisés me nij síí cavi̱i̱ sa̱ꞌ da̱nj maꞌ. Tana̱nj cavi̱i̱ sa̱ꞌ ta̱ranꞌ níꞌ si̱j amán rá niꞌya̱j man Yaꞌanj, nda̱a vaa quiꞌyaj Abraham ado̱nj. ꞌO̱ se xi̱i ta̱ranꞌ níꞌ me soꞌ ado̱nj.

San Mateo 12:37

ꞌO̱ se sese sa̱ꞌ vaa nana̱ caꞌmii so̱ꞌ, ne̱ cata̱j Yaꞌanj se vaa ne tumé so̱ꞌ cacunꞌ maꞌ. Ne̱ sese chiꞌi̱i̱ vaa nana̱ caꞌmii so̱ꞌ, ne̱ cata̱j Yaꞌanj se vaa ya̱ tumé so̱ꞌ cacunꞌ ado̱nj ―taj Jesús rihaan nij síí fariseo yoꞌ a.

Santiago 2:24

Xca̱j soj cuentá se vaa cheꞌé se lu̱j ꞌyaj níꞌ roꞌ, cheꞌé dan nuu sa̱ꞌ nimán níꞌ rihaan Yaꞌanj, ne̱ né cheꞌe̱ se ina̱nj taj níꞌ se vaa amán rá níꞌ niꞌya̱j níꞌ man Yaꞌanj me nuu sa̱ꞌ nimán níꞌ rihaan Yaꞌanj maꞌ.

Santiago 2:18

Tza̱j ne̱ taꞌa̱j nii cata̱j rihaan tuviꞌ se vaa so̱ꞌ me se síí amán rá niꞌya̱j man Yaꞌanj mé so̱ꞌ, ne̱ ꞌu̱nj nihánj me se síí ꞌyaj se sa̱ꞌ rihaan Yaꞌanj mé ꞌu̱nj, cata̱j nii chugua̱nj. Tza̱j ne̱ xca̱j so̱ꞌ cuentá, ne̱ asa̱ꞌ caꞌve̱e queneꞌe̱n yuvii̱ se vaa síí amán rá niꞌya̱j man Yaꞌanj mé so̱ꞌ, sese nuviꞌ a̱ ꞌó se sa̱ꞌ ꞌyáá so̱ꞌ ga̱. Tza̱j ne̱ ꞌu̱nj nihánj me se cheꞌé se sa̱ꞌ ꞌyáá ꞌu̱nj roꞌ, cheꞌé dan neꞌen yuvii̱ se vaa síí amán rá niꞌya̱j man Yaꞌanj mé ꞌu̱nj chugua̱nj.

Romanos 4:12

Ne̱ xi̱i nij yuvii̱ ataꞌ taꞌngaꞌ man me uún soꞌ, sese ya̱ noco̱ꞌ nij soꞌ tucuáán noco̱ꞌ maꞌa̱n soꞌ, ne̱ dan me se cuchuma̱n rá nij soꞌ ni̱ꞌyaj nij soꞌ Yaꞌanj, ne̱ tuviꞌ Abraham gu̱un nij soꞌ a. Dan me se xi̱i níꞌ me Abraham, sese quiꞌya̱j níꞌ nda̱a vaa quiꞌyaj soꞌ ado̱nj.

Romanos 4:1

Síí cuꞌna̱j Abraham me se xi̱i níꞌ si̱j israelitá me soꞌ ga̱a naá, ne̱ neꞌen níꞌ se vaa né cheꞌe̱ se vaa quiꞌyaj maꞌa̱n soꞌ me cunuu sa̱ꞌ nimán soꞌ maꞌ.

Romanos 3:20

ꞌO̱ se taj a̱ ꞌó yuvii̱ ne quisi̱j quiꞌya̱j nu̱ꞌ nda̱a vaa taj stucua̱nj Moisés, ne̱ cheꞌé dan taj se qui̱ꞌyáꞌ cunu̱u sa̱ꞌ a̱ doj yuvii̱ rihaan Yaꞌanj quiꞌya̱j tucuáán yoꞌ a̱ maꞌ. Ma̱an se nariꞌ yuvii̱ stucua̱nj Moisés, ne̱ xcaj yuvii̱ cuentá se vaa ya̱ ya̱ si̱j tumé cacunꞌ me maꞌa̱n nij yuvii̱ rihaan Yaꞌanj na̱nj ado̱nj.

Hechos 7:2

Ga̱a ne̱ cataj Esteban yoꞌ a: ―Cuno̱ soj caꞌmi̱j rihaan soj, tinu̱j, taꞌnuj. Dan me se ga̱a ataa ca̱yáán xi̱i níꞌ síí cuꞌna̱j Abraham chumanꞌ Harán, ne̱ Yaꞌanj niꞌndaj ya̱ sa̱ꞌ veꞌé vaa curuviꞌ rihaan soꞌ rej cuꞌna̱j Mesopotamia a.

San Juan 8:53

Dan me se ga̱a naá me se caviꞌ xi̱i núj síí cuꞌna̱j Abraham, ne̱ si̱j sa̱ꞌ doj mé so̱ꞌ rihaan soꞌ, rá so̱ꞌ naꞌ. Ne̱ caviꞌ nij síí nataꞌ snana̱ Yaꞌanj uún a. Da̱j si̱j mé so̱ꞌ, rá so̱ꞌ ga̱ ―taj nij soꞌ rihaan Jesús a.

San Lucas 16:30

“Se̱ cuno nij soꞌ, maan ata̱j Abraham. Tza̱j ne̱ sese caꞌa̱nj ꞌo̱ síí caviꞌ rihaan nij soꞌ, ga̱a ne̱ ca̱nica̱j nimán nij soꞌ canoco̱ꞌ nij soꞌ chrej sa̱ꞌ, raj a”, taj ruꞌvee rihaan Abraham a.

San Lucas 16:24

Ga̱a ne̱ canacúún soꞌ man Abraham, cataj soꞌ a: “Cunu̱u ꞌe̱e̱ rá so̱ꞌ manj, ata̱j Abraham. Ne̱ caꞌne̱j so̱ꞌ man Lázaro caꞌna̱ꞌ soꞌ ne̱ ti̱guíj soꞌ raa̱ raꞌa soꞌ rque na, ne̱ tu̱cuachree soꞌ daa ꞌu̱nj, ga̱a ne̱ cunu̱u cui̱j do̱j raj quiꞌya̱j soꞌ, ata̱j. ꞌO̱ se naꞌaan ndoꞌo manj, ꞌyaj yaꞌan nihánj na̱nj á”, taj ruꞌvee yoꞌ rihaan Abraham a.

San Lucas 1:73

Dan me se cataꞌ tuꞌva soꞌ rihaan xi̱i níꞌ síí cuꞌna̱j Abraham se vaa ya̱ ya̱ ti̱nanii soꞌ man níꞌ rihaan nij síí ta̱j riꞌyunj man níꞌ, ga̱a ne̱ se̱ cuchuꞌviꞌ níꞌ cu̱nuû níꞌ rihaan soꞌ a.

San Mateo 3:9

Ne̱ ta̱dó soj sese quisi̱j rá soj cata̱j soj se vaa taꞌníí taꞌnij siꞌno̱ síí cuꞌna̱j Abraham síí cayáán ga̱a naá me soj, ne̱ ne tumé soj cacunꞌ, cata̱j soj á. Daj chiha̱a̱ míj se̱ caꞌmii soj da̱nj maꞌ. Ma̱an se cata̱j xnaꞌanj ꞌu̱nj rihaan soj se vaa né se yaꞌa̱nj tihaꞌ taꞌníí taꞌnij siꞌno̱ Abraham me soj a̱ maꞌ. Sese me rá Yaꞌanj, ne̱ caꞌve̱e ni̱caj Yaꞌanj náá guun yahij na̱j rihaan yoꞌóó nihánj, ne̱ quiꞌya̱j Yaꞌanj man ꞌo̱ taꞌníí taꞌnij siꞌno̱ Abraham ado̱nj.

Hebreos 11:17

Ne̱ cheꞌé se amán rá Abraham niꞌya̱j soꞌ Yaꞌanj roꞌ, cheꞌé dan ga̱a guun rá Yaꞌanj queneꞌe̱n Yaꞌanj sese xraan ya̱ nocoꞌ soꞌ man Yaꞌanj, ne̱ caꞌvej rá Abraham ticavi̱ꞌ soꞌ rihaan Yaꞌanj man o̱rúnꞌ taꞌníí soꞌ Isaac síí rqué maꞌa̱n Yaꞌanj man soꞌ a. Ne̱ Isaac me síí rqué Yaꞌanj guun taꞌni̱j Abraham, nda̱a vaa cataꞌ tuꞌva Yaꞌanj rihaan soꞌ se vaa ga̱a̱ taꞌníí soꞌ a.