Santiago 2:16 - Triqui de San Juan Copala

¹⁶ ne̱ sese cata̱j ꞌo̱ soj rihaan síí achiin rasu̱u̱n man a: “Caꞌa̱nj sa̱ꞌ so̱ꞌ, ne̱ dínj ga̱a̱ nimán so̱ꞌ á. Rque̱ Yaꞌanj yatzíj quita̱j xráá so̱ꞌ do̱ꞌ, rque̱ Yaꞌanj se chá cha̱ so̱ꞌ do̱ꞌ á”, cata̱j soꞌ rihaan síí achiin rasu̱u̱n man, tza̱j ne̱ se̱ quirii soꞌ se vaa achiin man tuviꞌ níꞌ, ne̱ taj se gúnꞌ snana̱ soꞌ ga̱a a̱ maꞌ.

Santiago 2:16 ပူးပေါင်းရင်းမြစ်များ

San Mateo 15:32

Ga̱a ne̱ canacúún Jesús caꞌna̱ꞌ nij síí tucuꞌyón snana̱ soꞌ rihaan soꞌ, ne̱ cataj soꞌ a: ―Nuu ꞌe̱e̱ raj man nij yuvii̱ nihánj na̱nj ado̱nj. ꞌO̱ se quisíj vaꞌnu̱j güii mán nij soꞌ ga̱j, ne̱ taj va̱j se cha̱ nij soꞌ a̱ maꞌ. Ne̱ naꞌvej raj caꞌne̱j ꞌu̱nj man nij soꞌ caꞌa̱nj nij soꞌ maꞌ. ꞌO̱ se va̱j nij soꞌ chrej, ne̱ naꞌaan rque nij soꞌ, ne̱ nina̱j nij soꞌ rá chrej, rá ꞌu̱nj na̱nj ado̱nj ―taj Jesús a.

San Mateo 25:35

ꞌO̱ se quinaꞌaan rquej, ne̱ rqué soj se chaj ado̱nj. Ne̱ nacoó ꞌu̱nj na, ne̱ rqué soj na coꞌo̱j ado̱nj. Ne̱ ase vaa síí ꞌnaꞌ ꞌó chumanꞌ vaa ꞌu̱nj rihaan soj, tza̱j ne̱ veꞌé caꞌmii soj ga̱j a.

San Mateo 25:36

Tachrinj u̱u̱n vaa saga̱nꞌ ꞌu̱nj, tza̱j ne̱ rqué soj yatzíj manj ado̱nj. Ne̱ canó chiꞌii̱ manj, ne̱ cuchiꞌ soj rej náj, ne̱ taj yaꞌanj soj manj ado̱nj. Quiꞌnij ꞌu̱nj tagaꞌ, ne̱ cuchiꞌ soj tagaꞌ, ne̱ caꞌmii soj ga̱j ado̱nj”, cata̱j ꞌu̱nj rihaan nij síí nicu̱nꞌ rej nuva̱ꞌ ꞌu̱nj a.

San Marcos 5:34

Ga̱a ne̱ cataj Jesús rihaan noꞌ a: ―Nahuún so̱ꞌ cheꞌé se amán rá so̱ꞌ niꞌya̱j so̱ꞌ manj, nocoj. Veꞌé caꞌa̱nj so̱ꞌ, ne̱ dínj ga̱a̱ nimán so̱ꞌ á. Ga̱a̱ nu̱cuáá so̱ꞌ, cheꞌé se a̱j xꞌnéj nu̱ꞌ chiꞌii̱ yoꞌ xráá so̱ꞌ na̱nj á ―taj Jesús a.

Romanos 12:9

Se̱ cataj soj se vaa ꞌe̱e̱ rá soj man tinúú soj, sese ne ya̱ ꞌe̱e̱ rá soj tinúú soj maꞌ. Se̱ tuꞌva rmaꞌa̱n soj da̱nj maꞌ. Tana̱nj ya̱ ga̱a̱ ꞌe̱e̱ rá soj tinúú soj á. Nachri̱ꞌ soj ni̱ꞌyaj soj se chiꞌi̱i̱, ne̱ ina̱nj se sa̱ꞌ canoco̱ꞌ xraan soj á.

2 Corintios 8:8

Se̱ caꞌnéꞌ ꞌu̱nj suun rihaan soj da̱j quiꞌya̱j soj maꞌ. Ma̱an se me rá ꞌu̱nj xca̱j ꞌu̱nj cuentá sese ya̱ ya̱ ꞌe̱e̱ rá soj tinúú soj nda̱a vaa ꞌe̱e̱ rá nij síí ma̱n Macedonia tinúú nij soꞌ a.