Romanos 7:7 - Triqui de San Juan Copala

⁷ Guun rá níꞌ se vaa tucua̱nj chiꞌi̱i̱ me stucua̱nj Moisés naꞌ. Taj a̱ doj maꞌ. ꞌO̱ se stucua̱nj Moisés yoꞌ quiꞌyaj dan caꞌvee xcaj ꞌu̱nj cuentá me se uun cacunꞌ a. Dan me se ga̱a naá cataj Yaꞌanj se vaa naꞌvej rá Yaꞌanj gu̱un rá níꞌ siꞌyaj tuviꞌ níꞌ, ne̱ veé dan me se xcaj ꞌu̱nj cuentá se vaa tana̱nj a̱ guun ndoꞌo raj siꞌyaj tuvij ga̱a queneꞌén ꞌu̱nj tucuáán yoꞌ, ne̱ da̱nj ina̱nj vaa nimanj na̱nj á.

Romanos 7:7 ပူးပေါင်းရင်းမြစ်များ

Romanos 3:20

ꞌO̱ se taj a̱ ꞌó yuvii̱ ne quisi̱j quiꞌya̱j nu̱ꞌ nda̱a vaa taj stucua̱nj Moisés, ne̱ cheꞌé dan taj se qui̱ꞌyáꞌ cunu̱u sa̱ꞌ a̱ doj yuvii̱ rihaan Yaꞌanj quiꞌya̱j tucuáán yoꞌ a̱ maꞌ. Ma̱an se nariꞌ yuvii̱ stucua̱nj Moisés, ne̱ xcaj yuvii̱ cuentá se vaa ya̱ ya̱ si̱j tumé cacunꞌ me maꞌa̱n nij yuvii̱ rihaan Yaꞌanj na̱nj ado̱nj.

Romanos 4:15

ꞌO̱ se xa̱ꞌ stucua̱nj Moisés, tza̱j ne̱ taj a̱ ꞌó síí uun nucua̱j quiꞌya̱j nu̱ꞌ tucuáán yoꞌ, ne̱ cheꞌé dan ꞌyaj Yaꞌanj sayuun man yuvii̱, ꞌyaj tucuáán yoꞌ ado̱nj. Tza̱j ne̱ sese nuviꞌ tucuáán vaa da̱nj noco̱ꞌ yuvii̱, ne̱ taj cacunꞌ tumé nij yuvii̱ cheꞌé tucuáán yoꞌ maꞌ.

1 Corintios 15:56

Se nucua̱j se ꞌyaj aviꞌ níꞌ roꞌ, me cacunꞌ tumé níꞌ ado̱nj. Ne̱ cheꞌé stucua̱nj Moisés quiꞌyaj níꞌ cacunꞌ,

Romanos 13:9

Dan me se a̱j neꞌen soj nu̱ꞌ suun caꞌneꞌ Yaꞌanj cuno̱ yuvii̱, ne̱ dan me se naꞌvej rá Yaꞌanj coto̱j ꞌo̱ soꞌ ga̱ ꞌó yuvii̱ sese né ni̱ca̱ soꞌ me, ne̱ naꞌvej rá Yaꞌanj ticavi̱ꞌ yuvii̱ man tuviꞌ yuvii̱, ne̱ naꞌvej rá Yaꞌanj quiꞌya̱j itu̱u̱ yuvii̱, ne̱ naꞌvej rá Yaꞌanj gu̱un rá yuvii̱ ni̱ꞌyaj yuvii̱ siꞌyaj tuviꞌ yuvii̱ maꞌ. Nihánj me suun noco̱o caꞌneꞌ Yaꞌanj ga̱a naá, ne̱ vaa uxrá doj suun caꞌneꞌ Yaꞌanj uún, tza̱j ne̱ vaa o̱rúnꞌ suun achiin uxrá quiꞌya̱j níꞌ cuano̱, ne̱ suun yoꞌ taj a: “A̱ se ꞌe̱e̱ rá so̱ꞌ man ma̱ꞌán so̱ꞌ roꞌ, da̱nj ga̱a̱ ꞌe̱e̱ rá so̱ꞌ man tuvíꞌ so̱ꞌ á.”

Romanos 7:8

Veé dan me se xcaj ꞌu̱nj cuentá da̱j vaa suun caꞌneꞌ Moisés rihaan níꞌ, ga̱a ne̱ guun cheꞌe̱j guun ndoꞌo raj doj a̱ qui̱ꞌyáj cacunꞌ a. Sese nuviꞌ tucuáán canoco̱ꞌ níꞌ, ne̱ ne uun rá níꞌ quiꞌya̱j níꞌ cacunꞌ asuun tza̱j maꞌ.

1 Tesalonicenses 4:5

Dan me se se̱ guun canoco̱ꞌ soj tucuáán noco̱ꞌ nij yuvii̱ ne neꞌen man Yaꞌanj maꞌ. Ma̱an cheꞌé se veꞌé vaa chana̱ rihaan nij soꞌ, ne̱ uun rá nij soꞌ coto̱j nij soꞌ ga̱ chana̱ a.

Romanos 3:5

Vaa taꞌa̱j yuvii̱ ne acaj sa̱ꞌ cuentá cata̱j a: “Ga̱a ꞌyaj núj se chiꞌi̱i̱, ne̱ doj a̱ neꞌen yuvii̱ se vaa síí nica̱ ina̱nj rá me Yaꞌanj a. Sese da̱nj vaa, ne̱ ne nó xcúún Yaꞌanj quiꞌya̱j Yaꞌanj sayuun man núj cheꞌé se chiꞌi̱i̱ ꞌyaj núj maꞌ”, taj nij yuvii̱ yoꞌ a.

Colosenses 3:5

Cheꞌé se síí noco̱ꞌ man Cristó si̱j ya̱nj rej xta̱ꞌ me soj roꞌ, cheꞌé dan yu̱u̱n cheꞌe̱ caꞌne̱ꞌ rá soj ga̱ suun ꞌyaj me maꞌa̱n se chiꞌi̱i̱ ꞌyaj nij síí noco̱ꞌ se‑chre̱j chumii̱ nihánj á. ꞌO̱ se se chiꞌi̱i̱ yoꞌ roꞌ, me se otoj níꞌ ga̱ ꞌó yuvii̱ sese né ni̱ca̱ níꞌ me yuvii̱ do̱ꞌ, se canique̱ do̱ꞌ, se nij niha̱ꞌ rmaꞌa̱n rá nee̱ man níꞌ quiꞌya̱j níꞌ do̱ꞌ, se chiꞌi̱i̱ me ndoꞌo rá níꞌ quiꞌya̱j níꞌ do̱ꞌ, se ꞌe̱e̱ rá saꞌanj do̱ꞌ a. ꞌO̱ se síí ꞌe̱e̱ rá saꞌanj roꞌ, da̱j se vaa síí aráj gue̱e̱ rihaan yaꞌanj quiꞌyaj yuvii̱ vaa soꞌ na̱nj á.

Efesios 5:3

Se̱ quiꞌyaj soj cacunꞌ ga̱ ꞌó yuvii̱ né ni̱ca̱ soj me maꞌ. A̱ ꞌó se chiꞌi̱i̱ se̱ quiꞌyaj soj maꞌ. Ne̱ se̱ guun niha̱ꞌ rá soj quiri̱ꞌ ndoꞌo soj rasu̱u̱n maꞌ. Síí noco̱ꞌ man Yaꞌanj me soj, ne̱ daj chiha̱a̱ míj se̱ quiꞌyaj soj a̱ doj cacunꞌ vaa da̱nj maꞌ.

Romanos 7:13

ꞌU̱nj me se quiriꞌ nimanj quiꞌyaj stucua̱nj Moisés tucuáán sa̱ꞌ, rá nij soj naꞌ. Taj maꞌ. Ma̱an se cheꞌé cacunꞌ quiꞌyáá ꞌu̱nj me quiriꞌ nimanj na̱nj á. Ga̱a cunoj nij suun caꞌneꞌ Moisés rihaan níꞌ, ne̱ guun cheꞌe̱j quiꞌyáj cacunꞌ, ne̱ queꞌe̱e̱ ndoꞌo cacunꞌ quiꞌyáj, ga̱a ne̱ xcaj ꞌu̱nj cuentá se vaa ma̱n ndoꞌo cacunꞌ nimanj a.

Romanos 7:11

Dan me se ga̱a narij stucua̱nj Moisés, ne̱ guun raj ca̱nocoj nu̱ꞌ tucuáán yoꞌ, ne̱ cavi̱i̱ sa̱ꞌ ꞌu̱nj, quiꞌya̱j tucuáán yoꞌ, raj a. Tza̱j ne̱ tana̱nj a̱ guun chiꞌi̱i̱ ndoꞌo doj raj, quiꞌyaj cacunꞌ ꞌni̱j nimanj, ne̱ tihaꞌ yuꞌunj cacunꞌ yoꞌ manj, ne̱ cheꞌé dan doj a̱ quiꞌyáj cacunꞌ, ne̱ quiriꞌ nu̱ꞌ nimanj na̱nj ado̱nj.

Romanos 7:5

Ga̱a nocoꞌ níꞌ stucua̱nj Moisés ga̱a rque̱, ne̱ guun ndoꞌo rá níꞌ cuno̱ níꞌ rihaan Yaꞌanj, tza̱j ne̱ ne gu̱un nucua̱j níꞌ cuno̱ níꞌ maꞌ. Ma̱an se tana̱nj a̱ guun doj rá níꞌ quiꞌya̱j níꞌ cacunꞌ, ga̱a ne̱ doj a̱ vaa cacunꞌ quiꞌyaj nee̱ man níꞌ, ne̱ cheꞌé dan vaa güii cavi̱ꞌ nu̱ꞌ nimán níꞌ vaa na̱nj ado̱nj.

Romanos 6:15

Xraj ne̱ cata̱j taꞌa̱j yuvii̱ a: “Sese da̱nj vaa, ne̱ sese se̱ cutaꞌ Yaꞌanj cacunꞌ xráá níꞌ cheꞌé stucua̱nj Moisés, ne̱ sese quiꞌya̱j Yaꞌanj se lu̱j cheꞌé níꞌ, ne̱ caꞌve̱e quiꞌya̱j ndoꞌo níꞌ cacunꞌ na̱nj á.” Tza̱j ne̱ qui̱j ndoꞌo vaa nana̱ yoꞌ nana̱ tuꞌva nij yuvii̱ na̱nj ado̱nj.

Romanos 4:1

Síí cuꞌna̱j Abraham me se xi̱i níꞌ si̱j israelitá me soꞌ ga̱a naá, ne̱ neꞌen níꞌ se vaa né cheꞌe̱ se vaa quiꞌyaj maꞌa̱n soꞌ me cunuu sa̱ꞌ nimán soꞌ maꞌ.

Hechos 20:33

’Dan me se né si̱j uun ne̱ rá niꞌya̱j se‑aga̱ꞌ yuvii̱ agaꞌ platá catzi̱i̱ do̱ꞌ, se‑aga̱ꞌ yuvii̱ agaꞌ oró míí do̱ꞌ, saga̱nꞌ yuvii̱ yatzíj sa̱ꞌ do̱ꞌ, mé ꞌu̱nj maꞌ.

San Lucas 12:15

Ga̱a ne̱ cataj Jesús rihaan nij yuvii̱ a: ―Tu̱mé uxrá soj man soj rihaan nij rasu̱u̱n xco̱j ruva̱a̱ rá a. Né ra̱su̱u̱n ma̱n rihaan níꞌ quiꞌya̱j cavi̱i̱ sa̱ꞌ nimán níꞌ maꞌ ―taj Jesús rihaan nij yuvii̱ a.

San Mateo 5:28

Tza̱j ne̱ cata̱j xnaꞌanj ꞌu̱nj rihaan soj se vaa na̱j guun síí niꞌya̱j niꞌya̱j man ꞌó chana̱ cheꞌé se uun ndoꞌo rá soꞌ coto̱j soꞌ ga̱ noꞌ roꞌ, ase vaa nimán síí otoj ga̱ ꞌó chana̱ né nica̱ me roꞌ, taꞌngaꞌ da̱nj vaa nimán síí niꞌya̱j ndoꞌo man ꞌó chana̱ yoꞌ na̱nj ado̱nj. Ne̱ tumé ya̱ soꞌ cacunꞌ ado̱nj.

San Lucas 20:16

ꞌO̱ se caꞌna̱ꞌ soꞌ vaa güii, ne̱ ticavi̱ꞌ soꞌ man nij síí nu̱u̱ tumé naa̱ yoꞌ, ne̱ ta̱cuachén soꞌ xnaa̱ soꞌ rihaan ꞌó síí tu̱mé man xnaa̱ soꞌ na̱nj ado̱nj ―taj Jesús rihaan nij yuvii̱ a. Ga̱a cuno nij yuvii̱ nana̱ nihánj, ne̱ cuchuꞌviꞌ ndoꞌo nij soꞌ, ne̱ cataj nij soꞌ a: ―O̱rúnꞌ ra̱a̱ Yaꞌanj me síí naca̱j man núj rihaan sayuun yoꞌ na̱nj chugua̱nj ―taj nij soꞌ rihaan Jesús a.

Romanos 5:20

Dan me se cataj xnaꞌanj Yaꞌanj da̱j ga̱a̱ stucua̱nj Moisés rihaan Moisés ga̱a naá, tza̱j ne̱ queneꞌen Yaꞌanj se vaa síí se̱ cuno rihaan Yaꞌanj me yuvii̱ ne̱ tana̱nj a̱ doj a̱ quiꞌya̱j yuvii̱ cacunꞌ cheꞌé stucua̱nj Moisés a. Dan me se quisíj cataj xnaꞌanj Yaꞌanj da̱j ga̱a̱ stucua̱nj Moisés rihaan soꞌ, ga̱a ne̱ doj a̱ guun rá yuvii̱ quiꞌya̱j yuvii̱ se chiꞌi̱i̱ á. Tza̱j ne̱ ga̱a xnaꞌanj uxrá doj cacunꞌ tumé yuvii̱, ne̱ Yaꞌanj me síí quirii nimán doj a̱ quiꞌya̱j se lu̱j cheꞌé nij yuvii̱ rihaan cacunꞌ a.

Hebreos 7:19

ꞌO̱ se taj va̱j a̱ doj rasu̱u̱n cunuu sa̱ꞌ quiꞌyaj stucua̱nj Moisés maꞌ. Dan me se navij tucuáán nga̱, ne̱ ꞌó tucuáán sa̱ꞌ naca̱ nocoꞌ níꞌ cuano̱, ne̱ uun ya̱ rá níꞌ se vaa cavi̱i̱ sa̱ꞌ níꞌ, quiꞌya̱j tucuáán naca̱ yoꞌ ado̱nj. ꞌO̱ se cheꞌé tucuáán naca̱ yoꞌ caꞌve̱e cuchi̱ꞌ maꞌa̱n níꞌ rihaan Yaꞌanj ado̱nj.