Romanos 4:9 - Triqui de San Juan Copala

⁹ Na̱nj nij yuvii̱ israelitá yuvii̱ ataꞌ taꞌngaꞌ man me avii sa̱ꞌ rihaan Yaꞌanj, rá soj naꞌ. Nda̱a nij yuvii̱ yaníj yuvii̱ nuviꞌ taꞌngaꞌ ataꞌ man avii sa̱ꞌ uún rihaan Yaꞌanj, rá soj xa̱ꞌ. ꞌO̱ se a̱j neꞌen níꞌ se vaa taj Danj Yaꞌanj se vaa cuchumán rá Abraham niꞌya̱j soꞌ Yaꞌanj, ne̱ cheꞌé dan cataj Yaꞌanj se vaa si̱j cunuu sa̱ꞌ nimán me soꞌ a.

Romanos 4:9 ပူးပေါင်းရင်းမြစ်များ

San Lucas 2:32

Ase vaa yaꞌan chuguu̱n ga̱a̱ soꞌ ti̱haa̱n soꞌ stucua̱nj so̱ꞌ rihaan nij yuvii̱ yaníj, ne̱ sa̱ꞌ uxrá caꞌmi̱i̱ nii cheꞌé núj, se‑chuma̱nꞌ so̱ꞌ si̱j israelitá, quiꞌya̱j uún soꞌ na̱nj ado̱nj, taj Simeón rihaan Yaꞌanj a.

Romanos 4:10

Dan me se cataj Yaꞌanj se vaa navij cacunꞌ tumé Abraham yoꞌ, cheꞌé se cuchumán rá soꞌ niꞌya̱j soꞌ Yaꞌanj, ne̱ da̱j si̱j me Abraham ga̱a caꞌmii Yaꞌanj da̱nj, rá soj ga̱. Si̱j cataꞌ taꞌngaꞌ man me soꞌ, rá soj naꞌ. Taj maꞌ. ꞌO̱ se da̱nj caꞌmii Yaꞌanj ga̱a ataa cata̱ꞌ taꞌngaꞌ man soꞌ na̱nj ado̱nj.

Romanos 4:3

Ma̱an se maꞌa̱n Danj Yaꞌanj taj a: “Cuchumán rá Abraham niꞌya̱j soꞌ Yaꞌanj, ne̱ cheꞌé dan cataj Yaꞌanj se vaa si̱j cunuu sa̱ꞌ nimán me Abraham a.” Ina̱nj da̱nj aꞌmii Danj Yaꞌanj na̱nj ado̱nj.

Gálatas 3:14

Nda̱a síj, ga̱a ne̱ se lu̱j cataꞌ tuꞌva Yaꞌanj rihaan Abraham roꞌ, caꞌnaꞌ se lu̱j yoꞌ nda̱a rihaan nij yuvii̱ yaníj, cheꞌé se vaa quiꞌyaj Cristó Jesús a. Dan me se ga̱a naá, ne̱ cataꞌ tuꞌva Yaꞌanj se vaa catu̱u̱ Nimán Yaꞌanj nimán níꞌ, ne̱ cuchumán rá níꞌ niꞌya̱j níꞌ man Yaꞌanj, ne̱ cheꞌé dan ya̱ da̱nj guun ado̱nj.

Efesios 3:8

Nda̱ꞌ se síí nica̱ꞌ doj rihaan ta̱ranꞌ nij síí noco̱ꞌ man Yaꞌanj mej, tza̱j ne̱ quiꞌyaj Yaꞌanj se lu̱j yoꞌ rihanj, ne̱ caꞌneꞌ soꞌ suun rihanj nata̱j nana̱ sa̱ꞌ rihaan nij soj si̱j yaníj se vaa niꞌndaj uxrá ya̱ se sa̱ꞌ vaa quiꞌyaj Cristó cheꞌé níꞌ ado̱nj.

Colosenses 3:11

Ya̱j me se taj se ꞌyaj sese na̱j guun yuvii̱ me soj maꞌ. Caꞌve̱e se si̱j israelitá do̱ꞌ, caꞌve̱e se si̱j yaníj do̱ꞌ, caꞌve̱e se si̱j ta̱j taꞌngaꞌ man do̱ꞌ, caꞌve̱e se né si̱j ta̱j taꞌngaꞌ man do̱ꞌ, caꞌve̱e se si̱j ma̱n ꞌó chumanꞌ do̱ꞌ, caꞌve̱e se mozó siꞌyaj ꞌó yuvii̱ do̱ꞌ, caꞌve̱e se si̱j chéé maꞌa̱n do̱ꞌ, taj se ꞌyaj maꞌ. O̱rúnꞌ Cristó me se achiin man ꞌo̱ ꞌo̱ xꞌneꞌ yuvii̱, ne̱ ꞌo̱ cuya̱a̱n yáán soꞌ nimán ꞌo̱ ꞌo̱ nij soꞌ ado̱nj.