Romanos 4:3 - Triqui de San Juan Copala

³ Ma̱an se maꞌa̱n Danj Yaꞌanj taj a: “Cuchumán rá Abraham niꞌya̱j soꞌ Yaꞌanj, ne̱ cheꞌé dan cataj Yaꞌanj se vaa si̱j cunuu sa̱ꞌ nimán me Abraham a.” Ina̱nj da̱nj aꞌmii Danj Yaꞌanj na̱nj ado̱nj.

Romanos 4:3 ပူးပေါင်းရင်းမြစ်များ

San Mateo 20:9

’Dan me se asino ya̱a̱n caꞌnaꞌ nij síí catúj agaꞌ ꞌu̱nꞌ rihaan síí tumé saꞌanj, ne̱ ꞌo̱ saꞌanj denario quiriꞌ ꞌo̱ ꞌo̱ nij soꞌ a.

San Marcos 12:10

Ne naya̱a̱ nij soj nana̱ nihánj nana̱ no̱ rihaan Danj Yaꞌanj naꞌ: Yuvej quiriꞌíj nij síí cuneꞌ veꞌ roꞌ, guun yuvej sa̱ꞌ vaa se uun doj rihaan cunuda̱nj nij yuvej ma̱n tacóó veꞌ yoꞌ na̱nj ado̱nj.

Romanos 10:11

Dan me se taj uún Danj Yaꞌanj se vaa xa̱ꞌ síí amán rá niꞌya̱j man Yaꞌanj, tza̱j ne̱ se̱ guun naꞌa̱j soꞌ maꞌ.

Romanos 11:2

Ne quiriꞌi̱j yaníj Yaꞌanj man se‑chuma̱nꞌ soꞌ nij yuvii̱ israelitá maꞌ. ꞌO̱ se ga̱a ataa quiꞌya̱j Yaꞌanj chumii̱, ne̱ ꞌo̱ queneꞌen Yaꞌanj se vaa canoco̱ꞌ nij soꞌ man Yaꞌanj a. Neꞌen nij soj da̱j taj Danj Yaꞌanj cheꞌé síí cuꞌna̱j Elías ga̱a naá ga̱a cutaꞌ soꞌ cacunꞌ xráá nij yuvii̱ israelitá,

Romanos 4:11

Cachén queꞌe̱e̱ yoꞌ caꞌmii Yaꞌanj da̱nj cheꞌé soꞌ, ga̱a ne̱ cutaꞌ maꞌa̱n soꞌ taꞌngaꞌ man soꞌ, ne̱ tihaa̱n soꞌ rihaan nij yuvii̱ ma̱n rihaan chumii̱ se vaa a̱j tinavij ya̱ Yaꞌanj cacunꞌ xráá soꞌ a. Dan me se guun soꞌ xi̱i cunuda̱nj nij yuvii̱ nuu sa̱ꞌ nimán rihaan Yaꞌanj yuvii̱ ne ataꞌ taꞌngaꞌ man, ne̱ ase vaa quiꞌyaj Abraham roꞌ, da̱nj ꞌyaj uún nij soꞌ a. Dan me se cuchumán rá Abraham niꞌya̱j soꞌ Yaꞌanj ga̱a ataa cata̱ꞌ taꞌngaꞌ man soꞌ, ne̱ da̱nj ꞌyaj nij síí yaníj uún a.

Romanos 4:5

Tza̱j ne̱ sese ne ꞌyaj suun yuvii̱ rihaan Yaꞌanj, tza̱j ne̱ tana̱nj amán rá yuvii̱ niꞌya̱j yuvii̱ Yaꞌanj se vaa caꞌve̱e tinavi̱j Yaꞌanj cacunꞌ tumé yuvii̱, ne̱ cheꞌé dan taj Yaꞌanj se vaa síí sa̱ꞌ nimán me yuvii̱ yoꞌ na̱nj ado̱nj.

Romanos 4:9

Na̱nj nij yuvii̱ israelitá yuvii̱ ataꞌ taꞌngaꞌ man me avii sa̱ꞌ rihaan Yaꞌanj, rá soj naꞌ. Nda̱a nij yuvii̱ yaníj yuvii̱ nuviꞌ taꞌngaꞌ ataꞌ man avii sa̱ꞌ uún rihaan Yaꞌanj, rá soj xa̱ꞌ. ꞌO̱ se a̱j neꞌen níꞌ se vaa taj Danj Yaꞌanj se vaa cuchumán rá Abraham niꞌya̱j soꞌ Yaꞌanj, ne̱ cheꞌé dan cataj Yaꞌanj se vaa si̱j cunuu sa̱ꞌ nimán me soꞌ a.

Romanos 9:17

Ne̱ rihaan Danj Yaꞌanj nó nana̱ caꞌmii Yaꞌanj rihaan síí cuꞌna̱j Faraón ga̱a cataj Yaꞌanj a: “Guún so̱ꞌ síí nica̱j suun, quiꞌyáj, ga̱a ne̱ queneꞌe̱n yuvii̱ da̱j qui̱ránꞌ so̱ꞌ, qui̱ꞌyáj, ne̱ chaꞌnu̱u̱ nana̱ rihaan nu̱ꞌ chumii̱ se vaa Yaꞌanj si̱j nucua̱j uxrá mej ado̱nj.” Da̱nj cataj Yaꞌanj rihaan Faraón ga̱a naá a.

Santiago 2:23

Ne̱ quisíj ya̱ nu̱ꞌ snana̱ Yaꞌanj nana̱ nihánj a: “Cuchumán rá Abraham niꞌya̱j soꞌ man Yaꞌanj, ne̱ cheꞌé dan cataj Yaꞌanj se vaa si̱j sa̱ꞌ nimán me Abraham a.” Ne̱ síí chéé ga̱ Yaꞌanj me Abraham, taj nii uún a.

Santiago 4:5

Ne̱ xca̱j soj cuentá se vaa ne tuꞌva rmaꞌa̱n nana̱ nihánj nana̱ aꞌmii Danj Yaꞌanj maꞌ: “Yaꞌanj quiꞌyaj nimán níꞌ, ne̱ me uxrá rá Yaꞌanj canoco̱ꞌ nimán níꞌ man o̱rúnꞌ soꞌ a”, taj Danj Yaꞌanj ado̱nj.