Romanos 3:9 - Triqui de San Juan Copala

⁹ Me nana̱ caꞌmi̱i̱ níꞌ cheꞌé níꞌ si̱j israelitá ga̱. Sa̱ꞌ doj vaa nij síí israelitá rihaan nij yuvii̱ yaníj naꞌ. Taj maꞌ. Ma̱an se a̱j cataj ꞌu̱nj se vaa ꞌo̱ cuya̱a̱n vaa se qui̱j quiꞌyaj níꞌ si̱j israelitá ga̱ se qui̱j quiꞌyaj nij yuvii̱ yaníj, ne̱ cunuda̱nj níꞌ tumé cacunꞌ a.

Romanos 3:9 ပူးပေါင်းရင်းမြစ်များ

San Lucas 7:39

Dan me se ga̱a queneꞌen síí tucua̱ se vaa quiꞌyaj chana̱ man Jesús, ga̱a ne̱ guun rá soꞌ nana̱ nihánj niꞌya̱j soꞌ man Jesús a: “Sese ya̱ si̱j nataꞌ snana̱ Yaꞌanj me síí nihánj, ne̱ a̱j neꞌen soꞌ da̱j cha̱na̱ me chana̱ nihánj, se vaa chana̱ ata̱ cacunꞌ me noꞌ, ne̱ se̱ caꞌvej rá soꞌ quiꞌya̱j noꞌ da̱nj ga̱ soꞌ tza̱j maan ado̱nj”, guun rá síí tucua̱ yoꞌ a.

Romanos 1:18

A̱j cataj xnaꞌanj Yaꞌanj si̱j nicu̱nꞌ xta̱ꞌ rihaan níꞌ se vaa uyanj uxrá rá Yaꞌanj niꞌya̱j Yaꞌanj cunuda̱nj se chiꞌi̱i̱ ꞌyaj nij yuvii̱, ne̱ me rá Yaꞌanj xca̱j nij yuvii̱ cuentá da̱j vaa soꞌ, ne̱ cheꞌé dan quiꞌyaj Yaꞌanj da̱j a̱ rasu̱u̱n ma̱n rihaan chumii̱ nihánj ni̱ꞌyaj yuvii̱ a. A̱j neꞌen yuvii̱ rasu̱u̱n, ne̱ xcaj nij yuvii̱ cuentá da̱j vaa Yaꞌanj, tza̱j ne̱ ina̱nj cacunꞌ ꞌyaj nij yuvii̱, ne̱ cheꞌé dan taj se ꞌyáꞌ cuno̱ nij yuvii̱ nana̱ ya̱ a̱ maꞌ. Cheꞌé dan me uyanj rá Yaꞌanj niꞌya̱j Yaꞌanj man nij yuvii̱ a.

Romanos 11:32

Dan me se ꞌo̱ cuya̱a̱n vaa nij yuvii̱ israelitá ga̱ nij yuvii̱ yaníj, quiꞌyaj Yaꞌanj, ne̱ cunuda̱nj nij yuvii̱ naꞌvej rá cuno̱ rihaan Yaꞌanj, ne̱ cheꞌé dan vaa yaꞌnúj rihaan Yaꞌanj cunu̱u ꞌe̱e̱ rá Yaꞌanj man cunuda̱nj nij yuvii̱, ne̱ ra̱cuíj u̱u̱n Yaꞌanj man cunuda̱nj nij yuvii̱ yoꞌ ado̱nj.

Romanos 11:7

Cuano̱ roꞌ, cunuda̱nj nij yuvii̱ israelitá me rá cunu̱u sa̱ꞌ rihaan Yaꞌanj, tza̱j ne̱ ne gu̱un nucua̱j cunuda̱nj nij soꞌ cunu̱u sa̱ꞌ maꞌa̱n nij soꞌ maꞌ. Tza̱j ne̱ narii Yaꞌanj man taꞌa̱j nij soꞌ, ne̱ cunuu sa̱ꞌ taꞌa̱j nij soꞌ rihaan Yaꞌanj, ne̱ quináj u̱u̱n ꞌó taꞌa̱j nij yuvii̱ israelitá yoꞌ a. Ne̱ xa̱ꞌ nij síí quináj me se ne gu̱un nucua̱j nij soꞌ daj chiha̱a̱ míj xca̱j nij soꞌ cuentá cheꞌé Yaꞌanj maꞌ.

Romanos 2:1

Me cheꞌé taj so̱ꞌ se vaa ina̱nj maꞌa̱n tuvíꞌ so̱ꞌ tumé cacunꞌ ga̱. ꞌO̱ se ꞌo̱ cuya̱a̱n vaa cacunꞌ ꞌyaj ma̱ꞌán so̱ꞌ ga̱ cacunꞌ ꞌyaj tuvíꞌ so̱ꞌ, ne̱ sese cuta̱ꞌ so̱ꞌ cacunꞌ xráá tuvíꞌ so̱ꞌ, ne̱ cuta̱ꞌ nii cacunꞌ xráá ma̱ꞌán so̱ꞌ uún ado̱nj.

Romanos 3:1

A̱ me se caꞌve̱e doj quiꞌya̱j canaán nij síí israelitá, rá so̱ꞌ ga̱. Ne̱ a̱ me rasu̱u̱n quiri̱ꞌ nij soꞌ quiꞌya̱j yan ata̱ nij soꞌ taꞌngaꞌ ga̱.

Romanos 3:19

Dan me se yuvii̱ noco̱ꞌ stucua̱nj Moisés me nij síí israelitá, ne̱ dan me se neꞌen níꞌ se vaa nu̱ꞌ nana̱ yoꞌ nana̱ no̱ rihaan Danj Yaꞌanj roꞌ, taj xnaꞌanj rihaan nij soꞌ da̱j vaa maꞌa̱n nij soꞌ a. Nda̱a síj, ga̱a ne̱ gu̱un naꞌa̱j nij soꞌ ga̱ ꞌó nij yuvii̱ ma̱n rihaan chumii̱ nihánj, ne̱ queneꞌe̱n cunuda̱nj níꞌ se vaa vaa cheꞌé quiꞌya̱j Yaꞌanj sayuun man níꞌ na̱nj ado̱nj.

Romanos 3:5

Vaa taꞌa̱j yuvii̱ ne acaj sa̱ꞌ cuentá cata̱j a: “Ga̱a ꞌyaj núj se chiꞌi̱i̱, ne̱ doj a̱ neꞌen yuvii̱ se vaa síí nica̱ ina̱nj rá me Yaꞌanj a. Sese da̱nj vaa, ne̱ ne nó xcúún Yaꞌanj quiꞌya̱j Yaꞌanj sayuun man núj cheꞌé se chiꞌi̱i̱ ꞌyaj núj maꞌ”, taj nij yuvii̱ yoꞌ a.

Romanos 6:15

Xraj ne̱ cata̱j taꞌa̱j yuvii̱ a: “Sese da̱nj vaa, ne̱ sese se̱ cutaꞌ Yaꞌanj cacunꞌ xráá níꞌ cheꞌé stucua̱nj Moisés, ne̱ sese quiꞌya̱j Yaꞌanj se lu̱j cheꞌé níꞌ, ne̱ caꞌve̱e quiꞌya̱j ndoꞌo níꞌ cacunꞌ na̱nj á.” Tza̱j ne̱ qui̱j ndoꞌo vaa nana̱ yoꞌ nana̱ tuꞌva nij yuvii̱ na̱nj ado̱nj.

Romanos 7:14

Neꞌen níꞌ se vaa nana̱ caꞌmii Nimán Yaꞌanj me stucua̱nj Moisés, tza̱j ne̱ yuvii̱ u̱u̱n mej, ne̱ ina̱nj cacunꞌ neꞌenj qui̱ꞌyáj a.

1 Corintios 10:19

Xca̱j nij soj cuentá ni̱ꞌyaj nij soj nana̱ aꞌmij á. Yuꞌva̱ꞌ cha̱ꞌ nee̱ utaꞌ nii rihaan yaꞌanj quiꞌyaj maꞌa̱n yuvii̱ naꞌ. Taj maꞌ. Ya̱ yaꞌanj me nij yaꞌanj quiꞌyaj maꞌa̱n yuvii̱ naꞌ. Taj maꞌ.

1 Corintios 14:15

ꞌO̱ se me se no̱ xcúún ꞌu̱nj qui̱ꞌyáj ga̱. ꞌO̱ se no̱ xcúún ꞌu̱nj asino ya̱a̱n cachi̱nj ni̱ꞌyáj rihaan Yaꞌanj ga̱ nimanj, ga̱a ne̱ cachi̱nj niꞌya̱j cúú ya̱vej uún rihaan Yaꞌanj, ne̱ asino ya̱a̱n cachra̱a̱ ꞌu̱nj chraꞌ rihaan Yaꞌanj ga̱ nimanj, ga̱a ne̱ nu̱ꞌ cúú ya̱vej cachra̱a̱ chraꞌ uún rihaan Yaꞌanj ado̱nj.

1 Corintios 4:7

Sa̱ꞌ doj vaa so̱ꞌ rihaan ꞌó yuvii̱, rá so̱ꞌ naꞌ. Me síí cataj rihaan so̱ꞌ se vaa sa̱ꞌ doj vaa so̱ꞌ ga̱. Sese vaa ꞌo̱ suun aꞌvee sa̱ꞌ ꞌyáá so̱ꞌ, ne̱ me síí racuíj mán so̱ꞌ ꞌyáá so̱ꞌ, rá so̱ꞌ ga̱. Ma̱ꞌán so̱ꞌ ꞌyaj naꞌ. Ase Yaꞌanj racuíj mán so̱ꞌ xa̱ꞌ. Sese Yaꞌanj me síí racuíj mán so̱ꞌ sa̱ꞌ ꞌyáá so̱ꞌ ꞌo̱ suun, ne̱ taj cheꞌé gu̱un xta̱ꞌ nimán so̱ꞌ cata̱j so̱ꞌ se vaa ma̱ꞌán so̱ꞌ ꞌyaj sa̱ꞌ suun yoꞌ maꞌ.

Gálatas 3:10

Nij síí nucua̱j rá man stucua̱nj Moisés me se se̱ cavii sa̱ꞌ nij soꞌ a̱ maꞌ. ꞌO̱ se taj Danj Yaꞌanj a: “Sese se̱ quiꞌyaj ꞌo̱ soꞌ cunuda̱nj nij nana̱ no̱ rihaan stucua̱nj Yaꞌanj nana̱ cataj xnaꞌanj Moisés, ne̱ se̱ cavii sa̱ꞌ soꞌ rihaan Yaꞌanj a̱ maꞌ”, taj Danj Yaꞌanj ado̱nj.

Gálatas 3:22

Cheꞌé dan me taj Danj Yaꞌanj se vaa cunuda̱nj yuvii̱ tumé ndoꞌo cacunꞌ na̱nj ado̱nj. Ne̱ cheꞌé dan me nana̱ cataꞌ tuꞌva Yaꞌanj rihaan Abraham roꞌ, quisi̱j ya̱ nu̱ꞌ nana̱ yoꞌ cheꞌé ta̱ranꞌ níꞌ si̱j amán rá niꞌya̱j man Cristó ado̱nj.

Filipenses 1:18

Tza̱j ne̱ caꞌve̱e se vaa nica̱ nimán taꞌa̱j nij soꞌ do̱ꞌ, caꞌve̱e se ne vaa nica̱ nimán taꞌa̱j nij soꞌ do̱ꞌ, tza̱j ne̱ taj se ꞌyaj maꞌ. Ma̱an se nataꞌ cunuda̱nj nij soꞌ snana̱ Cristó rihaan yuvii̱, ne̱ cheꞌé dan guun niha̱ꞌ ya̱ rá nimanj ado̱nj. Tza̱j ne̱ vaa güii, ne̱ gu̱un niha̱ꞌ ya̱ doj rá nimán ꞌu̱nj na̱nj á.