Romanos 3:2 - Triqui de San Juan Copala

² ꞌO̱ se vaa se uun ya̱ nij síí israelitá a. Dan me se asino cataj xnaꞌanj Yaꞌanj nu̱ꞌ snana̱ Yaꞌanj rihaan xi̱i nij soꞌ ga̱a naá, ne̱ nucua̱j rá Yaꞌanj man nij soꞌ se vaa tu̱mé sa̱ꞌ nij soꞌ snana̱ soꞌ, ne̱ se̱ niꞌyón nij soꞌ man yoꞌ, rá Yaꞌanj a.

Romanos 3:2 ပူးပေါင်းရင်းမြစ်များ

San Juan 5:39

Dan me se ya̱nj uxrá nayaa soj Danj Yaꞌanj, cheꞌé se me rá soj xca̱j soj cuentá da̱j quiꞌya̱j soj ne̱ caꞌve̱e ca̱yáán soj ga̱ Yaꞌanj nu̱ꞌ cavii nu̱ꞌ caꞌanj na̱nj á. Ne̱ veé maꞌa̱n Danj Yaꞌanj taj xnaꞌanj cheꞌé ꞌu̱nj a.

Hechos 7:38

’Ne̱ Moisés me síí va̱j ga̱ cunuda̱nj nij yuvii̱ israelitá rej tacaan, ne̱ va̱j soꞌ ga̱ síí caꞌnéé Yaꞌanj síí nataꞌ rihaan soꞌ rej quij cuꞌna̱j Sinaí a. Va̱j soꞌ ga̱ nij xi̱i níꞌ, ne̱ cuno soꞌ nana̱ ꞌyaj vaa iꞌna̱ꞌ nimán níꞌ, cheꞌé rej ta̱cuachén soꞌ nana̱ yoꞌ nda̱a rihaan níꞌ a.

Romanos 1:2

Dan me se cataꞌ tuꞌva Yaꞌanj rihaan nij síí nataꞌ snana̱ Yaꞌanj ga̱a naá se vaa vaa güii ti̱nanii ya̱ Yaꞌanj man yuvii̱ rihaan sayuun, ne̱ cachrón nij soꞌ nana̱ caꞌmii Yaꞌanj rihaan Yanj Gue̱e̱ na̱nj ado̱nj.

Romanos 2:18

Neꞌén so̱ꞌ da̱j me rá Yaꞌanj qui̱ꞌyáá so̱ꞌ, ne̱ tucuꞌyón so̱ꞌ stucua̱nj Moisés, ne̱ ina̱nj sa̱ꞌ ꞌyáá so̱ꞌ, rá ma̱ꞌán so̱ꞌ á.

Romanos 3:1

A̱ me se caꞌve̱e doj quiꞌya̱j canaán nij síí israelitá, rá so̱ꞌ ga̱. Ne̱ a̱ me rasu̱u̱n quiri̱ꞌ nij soꞌ quiꞌya̱j yan ata̱ nij soꞌ taꞌngaꞌ ga̱.

Romanos 3:3

Taꞌa̱j tuviꞌ nij soꞌ ne cuchuma̱n rá ni̱ꞌyaj snana̱ Yaꞌanj, tza̱j ne̱ se̱ caꞌvee quiꞌya̱j se nij quiꞌyaj nij soꞌ se vaa ta̱náj xco̱ Yaꞌanj nana̱ cataꞌ tuꞌva soꞌ rihaan nij síí israelitá maꞌ.

Romanos 9:4

Dan me se yuvii̱ israelitá me nij soꞌ, ne̱ gu̱un taꞌni̱j Yaꞌanj man nij soꞌ, rá Yaꞌanj á. Queneꞌen nij soꞌ se vaa chuguu̱n ndoꞌo Yaꞌanj ga̱a canicunꞌ maꞌa̱n Yaꞌanj ga̱ nij soꞌ ga̱a naá, ne̱ cataꞌ tuꞌva Yaꞌanj rihaan nij soꞌ da̱j quiꞌya̱j Yaꞌanj cheꞌé nij soꞌ, ne̱ cataj xnaꞌanj Yaꞌanj rihaan nij soꞌ da̱j quiꞌya̱j maꞌa̱n nij soꞌ a. Tucuꞌyón Yaꞌanj man nij soꞌ da̱j quiꞌya̱j nij soꞌ ga̱a aráj gue̱e̱ nij soꞌ rihaan Yaꞌanj, ne̱ cataꞌ tuꞌva Yaꞌanj rihaan nij soꞌ se vaa ya̱ caꞌne̱j Yaꞌanj ꞌo̱ síí ti̱nanii man nij soꞌ rihaan sayuun a.

1 Corintios 9:17

Sese gu̱un niha̱ꞌ raj qui̱ꞌyáá ꞌu̱nj suun caꞌneꞌ Yaꞌanj rihanj, ne̱ na̱ruꞌvee Yaꞌanj rihanj a. Tza̱j ne̱ caꞌve̱e se ne ga̱a̱ niha̱ꞌ raj qui̱ꞌyáá ꞌu̱nj suun cheꞌé Yaꞌanj, tza̱j ne̱ daj chiha̱a̱ míj se̱ caꞌneꞌ raj ga̱ suun aꞌmii natáj nana̱ sa̱ꞌ maꞌ.

2 Corintios 5:19

Dan me se maꞌa̱n Yaꞌanj caꞌnéé man Cristó rihaan chumii̱ nihánj, ne̱ cheꞌé se vaa quiꞌyaj Cristó roꞌ, cheꞌé dan caꞌve̱e naꞌmi̱i̱ sa̱ꞌ yuvii̱ ga̱ Yaꞌanj, quiꞌya̱j Yaꞌanj, ne̱ tiri̱ꞌ Yaꞌanj cuentá cheꞌé cacunꞌ tumé nij yuvii̱ a. Ne̱ Cristó me síí rqué nana̱ nihánj man núj cata̱j xnaꞌanj núj nana̱ nihánj rihaan yuvii̱, quiꞌyaj uún Yaꞌanj na̱nj á.

Gálatas 2:7

Dan me se Yaꞌanj me síí quiꞌyaj guun nucua̱j síí cuꞌna̱j Pedró nata̱ꞌ soꞌ nana̱ sa̱ꞌ cheꞌé Cristó rihaan nij yuvii̱ israelitá, ne̱ da̱nj quiꞌyaj gue̱e̱ Yaꞌanj ga̱ ꞌu̱nj uún, ne̱ dan me se guun nu̱cuáá ꞌu̱nj nata̱ꞌ ꞌu̱nj nana̱ sa̱ꞌ cheꞌé Cristó rihaan nij yuvii̱ yaníj, quiꞌyaj Yaꞌanj a. Cheꞌé dan me xcaj nij síí uun chij ma̱n Jerusalén cuentá se vaa ne cachi̱in doj nana̱ mán ꞌu̱nj a. Ma̱an se ase vaa ata̱ Pedró suun nata̱ꞌ rihaan nij yuvii̱ israelitá, quiꞌyaj Yaꞌanj roꞌ, da̱nj vaa atá ꞌu̱nj suun nata̱ꞌ rihaan nij yuvii̱ yaníj, quiꞌyaj uún Yaꞌanj a.

1 Timoteo 6:20

ꞌO̱ tu̱mé so̱ꞌ se‑su̱u̱n Yaꞌanj suun caꞌneꞌ Yaꞌanj rihaan so̱ꞌ, tinu̱j. Se̱ cunó so̱ꞌ ꞌó nana̱ cu̱u tucuꞌyón nii, nana̱ aꞌmii yuvii̱ u̱u̱n maꞌ. ꞌO̱ se avii ndoꞌo raa̱ nij síí noco̱ꞌ ꞌó nana̱, rá nij soꞌ, tza̱j ne̱ ne neꞌen uxrá nij soꞌ a̱ maꞌ.

Hebreos 5:12

Dan me se guun queꞌe̱e̱ yoꞌ nocoꞌ soj man Cristó, ne̱ no̱ xcúún soj tu̱cuꞌyón soj stucua̱nj Cristó rihaan tuviꞌ soj, tza̱j ne̱ ne gu̱un nucua̱j soj quiꞌya̱j soj da̱nj maan asânj. ꞌO̱ se achiin ꞌo̱ síí tu̱cuꞌyón asi̱j tacóó snana̱ Yaꞌanj man soj, ne̱ cheꞌé dan ase vaa neꞌej vaa soj, ne̱ neꞌej me se ne neꞌen neꞌej cha̱ neꞌej se chá maꞌ. Tiha̱j utzii neꞌej na̱nj ado̱nj. Ne̱ taꞌngaꞌ da̱nj vaa soj, ne̱ tiha̱j nda̱a tacóó snana̱ Yaꞌanj gu̱un nucua̱j soj cuno̱ soj na̱nj ado̱nj.

1 Pedro 4:11

Sese caꞌmi̱i̱ natáj ꞌo̱ tuviꞌ soj, ne̱ ꞌo̱ cu̱nuû rá soꞌ se vaa snana̱ Yaꞌanj me nij nana̱ aꞌmii natáj soꞌ á. Sese ra̱cuíj ꞌo̱ tuviꞌ soj man soj, ne̱ quiꞌya̱j soꞌ nu̱ꞌ nda̱a vaa gu̱un nucua̱j soꞌ quiꞌya̱j soꞌ quiꞌya̱j Yaꞌanj á. Ga̱a ne̱ caꞌve̱e caꞌmi̱i̱ sa̱ꞌ yuvii̱ cheꞌé Yaꞌanj ni̱ꞌyaj nij yuvii̱ man soj si̱j noco̱ꞌ man Cristó chugua̱nj. Ne̱ Yaꞌanj me se nu̱ꞌ cavii nu̱ꞌ caꞌanj veꞌé uxrá caꞌmi̱i̱ níꞌ cheꞌé soꞌ, ne̱ gu̱un chij ndoꞌo soꞌ ado̱nj. Veé da̱nj ga̱a̱ ya̱ ado̱nj.

Apocalipsis 19:10

Ga̱a ne̱ cayáán ru̱j ꞌu̱nj rihaan soꞌ cara̱a̱ gue̱e̱ ꞌu̱nj rihaan soꞌ a. Tza̱j ne̱ cataj soꞌ rihanj a: ―Se̱ quiꞌyáá so̱ꞌ da̱nj maꞌ. ꞌO̱ se ꞌu̱nj roꞌ, me síí nu̱u̱ rihaan Yaꞌanj ga̱ nij tinu̱j nij soj si̱j nataꞌ snana̱ Jesús rihaan yuvii̱ a. Rihaan o̱rúnꞌ Yaꞌanj cara̱a̱ gue̱e̱ so̱ꞌ á. ꞌO̱ se nu̱ꞌ nana̱ caꞌmii nij síí nataꞌ snana̱ Yaꞌanj roꞌ, me nana̱ rqué Nimán Yaꞌanj rihaan nij soꞌ, ne̱ snana̱ Jesús me nana̱ yoꞌ ado̱nj ―taj soꞌ rihanj a.

Apocalipsis 22:6

Ga̱a ne̱ cataj se‑mo̱zó Yaꞌanj yoꞌ rihanj a: ―Vaa cheꞌé ga̱a̱ nucua̱j rá so̱ꞌ man nana̱ ya̱ nihánj á. Ne̱ Yaꞌanj Si̱j ꞌNi̱j Raꞌa man níꞌ síí uun chij nimán nij síí nataꞌ snana̱ soꞌ roꞌ, caꞌnéé soꞌ man se‑mo̱zó soꞌ rihaan nij síí nu̱u̱ rihaan soꞌ, cheꞌé rej ti̱haa̱n se‑mo̱zó soꞌ rihaan nij soꞌ rasu̱u̱n nichrunꞌ gu̱un na̱nj ado̱nj ―taj se‑mo̱zó Yaꞌanj yoꞌ rihanj a.