Romanos 2:2 - Triqui de San Juan Copala

² Ya̱ uxrá Yaꞌanj me síí caꞌne̱ꞌ cacunꞌ cheꞌé cunuda̱nj síí ꞌyaj da̱nj ado̱nj. Dan me se ina̱nj nana̱ ya̱ caꞌmi̱i̱ Yaꞌanj güii caꞌne̱ꞌ soꞌ cacunꞌ cheꞌé yuvii̱, ne̱ nu̱ꞌ síí chiꞌi̱i̱ roꞌ, quira̱nꞌ ndoꞌo nij soꞌ sayuun, quiꞌya̱j Yaꞌanj na̱nj ado̱nj.

Romanos 2:2 ပူးပေါင်းရင်းမြစ်များ

Hechos 17:31

Ne̱ dan me se cachrón Yaꞌanj ꞌo̱ güii caꞌne̱ꞌ nica̱ soꞌ cacunꞌ cheꞌé cunuda̱nj nij yuvii̱ ma̱n rihaan chumii̱ a. Ne̱ a̱j cuneꞌ soꞌ man ꞌo̱ snóꞌo guun síí caꞌne̱ꞌ cacunꞌ cheꞌé yuvii̱ a. Ne̱ cheꞌé se cunuu iꞌna̱ꞌ uún snóꞌo yoꞌ, quiꞌyaj Yaꞌanj, ga̱a caviꞌ soꞌ, ne̱ cheꞌé dan no̱ xcúún cunuda̱nj yuvii̱ cuchuma̱n rá nij yuvii̱ se vaa veé ya̱ snóꞌo yoꞌ me soꞌ ado̱nj ―taj Pabló rihaan nij síí ma̱n Atenas yoꞌ a.

Romanos 2:1

Me cheꞌé taj so̱ꞌ se vaa ina̱nj maꞌa̱n tuvíꞌ so̱ꞌ tumé cacunꞌ ga̱. ꞌO̱ se ꞌo̱ cuya̱a̱n vaa cacunꞌ ꞌyaj ma̱ꞌán so̱ꞌ ga̱ cacunꞌ ꞌyaj tuvíꞌ so̱ꞌ, ne̱ sese cuta̱ꞌ so̱ꞌ cacunꞌ xráá tuvíꞌ so̱ꞌ, ne̱ cuta̱ꞌ nii cacunꞌ xráá ma̱ꞌán so̱ꞌ uún ado̱nj.

Romanos 2:3

Dan me se utáꞌ so̱ꞌ cacunꞌ xráá tuvíꞌ so̱ꞌ, tza̱j ne̱ ꞌo̱ cuya̱a̱n vaa cacunꞌ ꞌyaj ma̱ꞌán so̱ꞌ uún a. Asa̱ꞌ caꞌve̱e nani̱i̱ so̱ꞌ rihaan sayuun asa̱ꞌ caꞌneꞌ Yaꞌanj cacunꞌ cheꞌé cunuda̱nj yuvii̱, rá so̱ꞌ ga̱.

Romanos 2:5

Tza̱j ne̱ veé dan me se naꞌvej uxrá rá so̱ꞌ ta̱náj so̱ꞌ chrej noco̱ꞌ so̱ꞌ, ne̱ naꞌvej rá so̱ꞌ nuchra̱nꞌ nimán so̱ꞌ ca̱nocóꞌ so̱ꞌ man Yaꞌanj maꞌ. Ne̱ vaa güii caꞌne̱ꞌ Yaꞌanj cacunꞌ cheꞌé yuvii̱, ne̱ caꞌmi̱i̱ ya̱ Yaꞌanj, ne̱ cuya̱nj rá Yaꞌanj ni̱ꞌyaj Yaꞌanj man cunuda̱nj nij síí tumé cacunꞌ, ne̱ dan me se cuya̱nj rá Yaꞌanj ni̱ꞌyaj Yaꞌanj man ma̱ꞌán so̱ꞌ uún ado̱nj.

Romanos 9:14

Dan me se nij quiꞌyaj Yaꞌanj ga̱ síí cuꞌna̱j Esaú, rá soj naꞌ. Taj a̱ doj maꞌ.

Apocalipsis 16:5

Ga̱a ne̱ cunó ꞌu̱nj caꞌmii se‑mo̱zó Yaꞌanj síí tumé na, se vaa cataj soꞌ a: ―Nica̱ uxrá vaa rá so̱ꞌ, Señor. Si̱j nicu̱nꞌ ya̱j, ne̱ si̱j nicu̱nꞌ asi̱j naá, ne̱ Si̱j Sa̱ꞌ Ina̱nj mé so̱ꞌ á. ꞌO̱ se ma̱ꞌán so̱ꞌ me síí cataj xnaꞌanj se vaa gu̱un nu̱ꞌ nij sayuun nihánj na̱nj ado̱nj.

Apocalipsis 19:2

ꞌO̱ se nana̱ ya̱ nana̱ nica̱ ina̱nj me nu̱ꞌ nana̱ aꞌmii soꞌ ga̱a aꞌneꞌ soꞌ cacunꞌ cheꞌé yuvii̱ ado̱nj. ꞌO̱ se ya̱j me naruꞌvee Yaꞌanj rihaan nij yuvii̱ cheꞌé nu̱ꞌ cacunꞌ quiꞌyaj nij yuvii̱ rihaan Yaꞌanj a. Cheꞌé dan quiꞌyaj soꞌ sayuun man chumanꞌ noco̱o chumanꞌ guun ase vaa chana̱ niha̱ꞌ ndoꞌo rá ga̱ chii, cheꞌé se quiriꞌ nu̱ꞌ chumii̱, quiꞌyaj chumanꞌ noco̱o yoꞌ do̱ꞌ, cheꞌé nu̱ꞌ nij síí nu̱u̱ rihaan maꞌa̱n Yaꞌanj síí caviꞌ quiꞌyaj chumanꞌ noco̱o yoꞌ do̱ꞌ a, taj nij yuvii̱ yoꞌ a.