Romanos 2:1 - Triqui de San Juan Copala

¹ Me cheꞌé taj so̱ꞌ se vaa ina̱nj maꞌa̱n tuvíꞌ so̱ꞌ tumé cacunꞌ ga̱. ꞌO̱ se ꞌo̱ cuya̱a̱n vaa cacunꞌ ꞌyaj ma̱ꞌán so̱ꞌ ga̱ cacunꞌ ꞌyaj tuvíꞌ so̱ꞌ, ne̱ sese cuta̱ꞌ so̱ꞌ cacunꞌ xráá tuvíꞌ so̱ꞌ, ne̱ cuta̱ꞌ nii cacunꞌ xráá ma̱ꞌán so̱ꞌ uún ado̱nj.

Romanos 2:1 ပူးပေါင်းရင်းမြစ်များ

San Lucas 6:37

Ne̱ canica̱j Jesús cataj soꞌ a: ―Se̱ guun niha̱ꞌ rá soj cuta̱ꞌ soj cacunꞌ xráá tinúú soj, ga̱a ne̱ taj cacunꞌ cuta̱ꞌ Yaꞌanj xráá maꞌa̱n soj maan ado̱nj. Cara̱a̱ xꞌnaa soj rihaan tinúú soj, ne̱ veé da̱nj quiꞌya̱j gue̱e̱ Yaꞌanj ga̱ maꞌa̱n soj uún ado̱nj.

Romanos 2:3

Dan me se utáꞌ so̱ꞌ cacunꞌ xráá tuvíꞌ so̱ꞌ, tza̱j ne̱ ꞌo̱ cuya̱a̱n vaa cacunꞌ ꞌyaj ma̱ꞌán so̱ꞌ uún a. Asa̱ꞌ caꞌve̱e nani̱i̱ so̱ꞌ rihaan sayuun asa̱ꞌ caꞌneꞌ Yaꞌanj cacunꞌ cheꞌé cunuda̱nj yuvii̱, rá so̱ꞌ ga̱.

Romanos 9:20

Tza̱j ne̱ ne nó xcúún níꞌ cata̱j níꞌ se vaa ne nó xcúún Yaꞌanj quiꞌya̱j soꞌ nda̱a vaa ꞌyaj soꞌ maꞌ. Caꞌve̱e xna̱ꞌanj ꞌo̱ xruj yoꞌóó man síí quiꞌyaj man xruj: “Me cheꞌé quiꞌyáá so̱ꞌ da̱nj mán ꞌu̱nj ga̱.”

Santiago 4:11

Se̱ guun caꞌmi̱i̱ soj nana̱ nij cheꞌé tuviꞌ soj, maan tinu̱j, maan nocoj. Síí aꞌmii cheꞌé tuviꞌ do̱ꞌ, síí araa cacunꞌ xráá tuviꞌ do̱ꞌ, soꞌ me síí taj se vaa taj cheꞌé cuno̱ níꞌ cunuda̱nj stucua̱nj Yaꞌanj chugua̱nj. Ne̱ síí aꞌmii da̱nj roꞌ, né si̱j uno stucua̱nj Yaꞌanj me soꞌ maꞌ. Ma̱an se síí naquiꞌyaj cu̱u stucua̱nj Yaꞌanj me soꞌ vaa ga̱a na̱nj á.

Santiago 2:20

Síí niꞌyo̱n mé so̱ꞌ, sese uun rá so̱ꞌ se vaa taj cheꞌé qui̱ꞌyáá so̱ꞌ se lu̱j, ne̱ nihánj me se ti̱haán ꞌu̱nj rihaan so̱ꞌ se vaa sese taj se lu̱j ꞌyaj níꞌ, ne̱ amán rmaꞌa̱n rá níꞌ niꞌya̱j níꞌ Yaꞌanj na̱nj chugua̱nj.

San Lucas 19:22

’Ga̱a ne̱ cataj síí xnaꞌa̱nj ruꞌvee rihaan mozó yoꞌ a: “Mozó chiꞌi̱i̱ nimán mé so̱ꞌ chugua̱nj. Ya̱ tumé so̱ꞌ cacunꞌ cheꞌé nana̱ tuꞌva ma̱ꞌán so̱ꞌ na̱nj á. ꞌO̱ se queneꞌén so̱ꞌ se vaa si̱j sca̱ꞌ ndoꞌo nimán mej, ne̱ queneꞌén so̱ꞌ se vaa naxca̱j ꞌu̱nj rasu̱u̱n rej nuviꞌ rasu̱u̱n cutaj, ne̱ queneꞌén so̱ꞌ se vaa ꞌó yuvii̱ unô caân ne̱ ꞌu̱nj rii naa̱ na̱nj á.

1 Corintios 7:16

Asa̱ꞌ neꞌén so̱ꞌ cha̱na̱ sese xraj, ne̱ caꞌve̱e nani̱i̱ snóꞌo nica̱ so̱ꞌ rihaan sayuun qui̱ꞌyáá so̱ꞌ ga̱. Ne̱ asa̱ꞌ neꞌén so̱ꞌ sno̱ꞌo sese xra̱j, ne̱ caꞌve̱e nani̱i̱ chana̱ nica̱ so̱ꞌ rihaan sayuun qui̱ꞌyáá so̱ꞌ ga̱.

San Lucas 12:14

Ga̱a ne̱ cataj Jesús a: ―Me cheꞌé uun rá so̱ꞌ se vaa guún ꞌu̱nj síí aꞌneꞌ cacunꞌ cheꞌé soj ga̱. Me cheꞌé caꞌmi̱i̱ ꞌu̱nj cheꞌé rasu̱u̱n vaa rihaan ro̱j tinu̱j soj, rá so̱ꞌ, ga̱ tinu̱ꞌ ―taj Jesús rihaan soꞌ a.

Romanos 2:2

Ya̱ uxrá Yaꞌanj me síí caꞌne̱ꞌ cacunꞌ cheꞌé cunuda̱nj síí ꞌyaj da̱nj ado̱nj. Dan me se ina̱nj nana̱ ya̱ caꞌmi̱i̱ Yaꞌanj güii caꞌne̱ꞌ soꞌ cacunꞌ cheꞌé yuvii̱, ne̱ nu̱ꞌ síí chiꞌi̱i̱ roꞌ, quira̱nꞌ ndoꞌo nij soꞌ sayuun, quiꞌya̱j Yaꞌanj na̱nj ado̱nj.

Romanos 3:9

Me nana̱ caꞌmi̱i̱ níꞌ cheꞌé níꞌ si̱j israelitá ga̱. Sa̱ꞌ doj vaa nij síí israelitá rihaan nij yuvii̱ yaníj naꞌ. Taj maꞌ. Ma̱an se a̱j cataj ꞌu̱nj se vaa ꞌo̱ cuya̱a̱n vaa se qui̱j quiꞌyaj níꞌ si̱j israelitá ga̱ se qui̱j quiꞌyaj nij yuvii̱ yaníj, ne̱ cunuda̱nj níꞌ tumé cacunꞌ a.

Romanos 14:22

Sese amán rá so̱ꞌ se vaa aꞌvej rá Yaꞌanj cha̱ so̱ꞌ na̱j guun rasu̱u̱n, ne̱ ina̱nj da̱nj ga̱a̱ rá ma̱ꞌán so̱ꞌ rihaan Yaꞌanj á. Gu̱un niha̱ꞌ rá so̱ꞌ rihaan Yaꞌanj sese neꞌén so̱ꞌ se vaa sa̱ꞌ vaa rá so̱ꞌ, neꞌén so̱ꞌ me se aꞌvej rá Yaꞌanj qui̱ꞌyáá so̱ꞌ na̱nj á.

1 Corintios 4:5

Cheꞌé dan se̱ guun naquiꞌya̱j cu̱u soj cheꞌé yuvii̱ maꞌ. Ma̱an se na̱ꞌvi̱j soj caꞌna̱ꞌ uún Síí ꞌNi̱j Raꞌa man níꞌ rihaan chumii̱ nihánj na̱nj á. Cuano̱ nihánj me se ne neꞌen sa̱ꞌ níꞌ da̱j vaa ꞌyaj ꞌo̱ ꞌo̱ yuvii̱, tza̱j ne̱ asa̱ꞌ caꞌnaꞌ Síí ꞌNi̱j Raꞌa man níꞌ, ne̱ ti̱haa̱n soꞌ rihaan níꞌ da̱j vaa rá nimán ꞌo̱ ꞌo̱ yuvii̱ ma̱n rihaan chumii̱ nihánj, ne̱ sese sa̱ꞌ vaa rá nimán ꞌo̱ soꞌ, ne̱ maꞌa̱n Yaꞌanj cata̱j se vaa sa̱ꞌ quiꞌyaj soꞌ ado̱nj.