Romanos 10:3 - Triqui de San Juan Copala

³ Ne xca̱j nij soꞌ cuentá cheꞌé se vaa a̱j quiꞌyaj Yaꞌanj cheꞌé nij soꞌ, ne̱ ne xca̱j nij soꞌ cuentá se vaa caꞌve̱e cunu̱u sa̱ꞌ nij soꞌ rihaan Yaꞌanj, quiꞌya̱j maꞌa̱n Yaꞌanj maꞌ. Ma̱an se nanoꞌ maꞌa̱n nij soꞌ chrej cunu̱u sa̱ꞌ maꞌa̱n nij soꞌ rihaan Yaꞌanj, ne̱ cheꞌé dan ataa quiꞌya̱j nij soꞌ nda̱a vaa me rá Yaꞌanj quiꞌya̱j nij soꞌ, ne̱ cheꞌé dan ataa cunu̱u sa̱ꞌ nij soꞌ ado̱nj.

Romanos 10:3 ပူးပေါင်းရင်းမြစ်များ

San Lucas 10:29

Tza̱j ne̱ síí sa̱ꞌ ina̱nj me síí tucuꞌyón stucua̱nj Moisés, rá maꞌa̱n soꞌ a. Cheꞌé dan xnáꞌanj soꞌ nana̱ nihánj man Jesús a: ―Me síí me tuvíꞌ ꞌu̱nj ga̱ ―taj soꞌ a.

San Lucas 16:15

Ga̱a ne̱ cataj Jesús rihaan nij soꞌ a: ―Xa̱ꞌ soj, tza̱j ne̱ nuviꞌ cacunꞌ tumé soj niꞌya̱j yuvii̱, ꞌyaj soj maꞌ. Tza̱j ne̱ Yaꞌanj roꞌ, me síí neꞌen ya̱ da̱j vaa nimán soj ado̱nj. ꞌO̱ se sa̱ꞌ uxrá vaa ꞌyaj yuvii̱, rá tuviꞌ yuvii̱, tza̱j ne̱ chiꞌi̱i̱ ndoꞌo ꞌyaj nij yuvii̱, rá Yaꞌanj na̱nj ado̱nj.

Romanos 1:17

Dan me se cataj snana̱ Yaꞌanj nana̱ sa̱ꞌ rihaan níꞌ se vaa caꞌve̱e cunu̱u sa̱ꞌ nimán níꞌ rihaan Yaꞌanj, quiꞌya̱j Yaꞌanj, sese amán rá níꞌ niꞌya̱j níꞌ Yaꞌanj a. Nda̱a síj, ga̱a ne̱ cuchuma̱n doj rá níꞌ ni̱ꞌyaj níꞌ man Yaꞌanj a. Veé ꞌo̱ cuya̱a̱n vaa nana̱ nihánj ga̱ nana̱ no̱ rihaan Danj Yaꞌanj, taj yoꞌ a: “Síí a̱j cunuu sa̱ꞌ nimán rihaan Yaꞌanj roꞌ, ꞌo̱ amán rá soꞌ niꞌya̱j soꞌ Yaꞌanj ga̱a vaa iꞌna̱ꞌ soꞌ ado̱nj”, taj Danj Yaꞌanj a.

Romanos 10:2

Dan me se sa̱ꞌ quiꞌyaj nij soꞌ ga̱a guun ndoꞌo rá nij soꞌ cunu̱u sa̱ꞌ nij soꞌ rihaan Yaꞌanj, rá ꞌu̱nj, tza̱j ne̱ ne neꞌen nij soꞌ da̱j quiꞌya̱j nij soꞌ ne̱ caꞌve̱e cunu̱u sa̱ꞌ nij soꞌ rihaan Yaꞌanj maꞌ.

Romanos 10:20

Ne̱ ꞌo̱ cuya̱a̱n vaa nana̱ nihánj ga̱ ꞌó nana̱ cachrón síí cuꞌna̱j Isaías rihaan yanj ga̱a naá, ne̱ dan me se quisíj rá soꞌ cataj soꞌ se vaa nij yuvii̱ yaníj me se ne nanoꞌ nij soꞌ man Yaꞌanj, tza̱j ne̱ nariꞌ nij yuvii̱ yaníj man Yaꞌanj, ne̱ nda̱ꞌ se ne gu̱un rá nij soꞌ queneꞌe̱n nij soꞌ me rej va̱j Yaꞌanj, tza̱j ne̱ curuviꞌ Yaꞌanj rihaan nij soꞌ a. Da̱nj cataj Isaías ga̱a naá a.

Romanos 11:7

Cuano̱ roꞌ, cunuda̱nj nij yuvii̱ israelitá me rá cunu̱u sa̱ꞌ rihaan Yaꞌanj, tza̱j ne̱ ne gu̱un nucua̱j cunuda̱nj nij soꞌ cunu̱u sa̱ꞌ maꞌa̱n nij soꞌ maꞌ. Tza̱j ne̱ narii Yaꞌanj man taꞌa̱j nij soꞌ, ne̱ cunuu sa̱ꞌ taꞌa̱j nij soꞌ rihaan Yaꞌanj, ne̱ quináj u̱u̱n ꞌó taꞌa̱j nij yuvii̱ israelitá yoꞌ a. Ne̱ xa̱ꞌ nij síí quináj me se ne gu̱un nucua̱j nij soꞌ daj chiha̱a̱ míj xca̱j nij soꞌ cuentá cheꞌé Yaꞌanj maꞌ.

Romanos 3:22

cuchuma̱n rá yuvii̱ ni̱ꞌyaj yuvii̱ Jesucristó, ga̱a ne̱ tinavi̱j Yaꞌanj cacunꞌ tumé nij yuvii̱, ne̱ cunu̱u sa̱ꞌ nimán nij yuvii̱ rihaan Yaꞌanj a. Taj a̱ ꞌó yuvii̱ ino̱ vaa rihaan Yaꞌanj maꞌ.

Romanos 3:26

Ma̱an se caráj xꞌnaa Yaꞌanj, ne̱ naꞌvi̱j Yaꞌanj nda̱a se caviꞌ Jesús, ga̱a ne̱ navij cacunꞌ tumé nij síí cayáán ga̱a naá síí amán rá niꞌya̱j man Yaꞌanj a. Ne̱ xcaj uún níꞌ cuentá se vaa vaa nica̱ rá Yaꞌanj ga̱a aꞌneꞌ soꞌ cacunꞌ tumé yuvii̱ ya̱nj rihaan chumii̱ cuano̱ a. Dan me se nica̱ vaa rá Yaꞌanj, ne̱ uun nucua̱j Yaꞌanj tinavi̱j soꞌ cacunꞌ tumé cunuda̱nj níꞌ si̱j amán rá niꞌya̱j man Jesús, ga̱a ne̱ gu̱un níꞌ síí sa̱ꞌ rihaan Yaꞌanj ado̱nj.

Romanos 5:19

Dan me se síí cuꞌna̱j Adán roꞌ, o̱rúnꞌ soꞌ ne caꞌve̱j rá cuno̱ rihaan Yaꞌanj, ne̱ cheꞌé dan queꞌe̱e̱ ndoꞌo yuvii̱ tumé cacunꞌ, tza̱j ne̱ cuno o̱rúnꞌ síí cuꞌna̱j Jesucristó rihaan Yaꞌanj, ne̱ cheꞌé dan cunu̱u sa̱ꞌ ri̱i̱ uxrá yuvii̱ rihaan Yaꞌanj ado̱nj.

2 Corintios 5:21

A̱ ꞌó cacunꞌ ne tumé Cristó maꞌ. Tza̱j ne̱ naraa Yaꞌanj nu̱ꞌ cacunꞌ tumé níꞌ xráá maꞌa̱n Cristó, ne̱ quiranꞌ Cristó sayuun cheꞌé cacunꞌ yoꞌ, ne̱ cheꞌé dan caꞌve̱e cunu̱u sa̱ꞌ ya̱ níꞌ rihaan Yaꞌanj cheꞌé se si̱j noco̱ꞌ man Cristó me níꞌ ado̱nj.

Filipenses 3:9

Ga̱a ne̱ vaa güii, ne̱ cunu̱u sa̱ꞌ ꞌu̱nj rihaan Yaꞌanj, tza̱j ne̱ né stucua̱nj Moisés me se quiꞌya̱j cunu̱u sa̱ꞌ ꞌu̱nj rihaan Yaꞌanj maꞌ. Tana̱nj cheꞌé se amán rá ꞌu̱nj niꞌya̱j ꞌu̱nj Cristó roꞌ, cheꞌé dan me cunu̱u sa̱ꞌ ꞌu̱nj quiꞌya̱j maꞌa̱n Yaꞌanj ado̱nj.

2 Pedro 1:1

ꞌU̱nj roꞌ, me síí cuꞌna̱j Simón Pedró, síí nu̱u̱ rihaan Jesucristó, ne̱ síí cuneꞌ soꞌ caꞌa̱nj nata̱ꞌ snana̱ soꞌ rihaan yuvii̱ mej, ne̱ qui̱ꞌyáá ꞌu̱nj yanj nihánj caꞌne̱j ꞌu̱nj rihaan soj si̱j noco̱ꞌ man Cristó, ne̱ dan me se cuya̱a̱n vaa yuꞌvee nó soj ga̱ núj rihaan Yaꞌanj ado̱nj. Dan me se síí nica̱ nimán me Jesucristó, ne̱ amán rá soj ga̱ núj niꞌya̱j soj man Yaꞌanj, ꞌyaj Jesucristó, ne̱ soꞌ roꞌ, me Taꞌanj níꞌ, ne̱ soꞌ me Síí Tinanii man níꞌ rihaan Sayuun ado̱nj.