Romanos 1:9 - Triqui de San Juan Copala

⁹ Dan me se nda̱a nimán yá ꞌu̱nj ꞌyáá ꞌu̱nj suun rihaan Yaꞌanj natáꞌ ꞌu̱nj nana̱ sa̱ꞌ cheꞌé Taꞌníí soꞌ, ne̱ neꞌen Yaꞌanj se vaa ya̱ ya̱ niga̱nj achíín ni̱ꞌyáj cheꞌé soj ado̱nj.

Romanos 1:9 ပူးပေါင်းရင်းမြစ်များ

San Marcos 1:1

Na̱nj vaa guun cheꞌe̱ nana̱ sa̱ꞌ cheꞌé Jesús Si̱j Caꞌnéé Yaꞌanj Ti̱nanii man Yuvii̱ rihaan Sayuun, Taꞌníí maꞌa̱n Yaꞌanj a.

San Lucas 18:1

Ne̱ nanó Jesús cuentó nihánj rihaan nij síí tucuꞌyón snana̱ soꞌ, cheꞌé se guun rá soꞌ xca̱j nij síí tucuꞌyón snana̱ soꞌ cuentá se vaa no̱ xcúún nij soꞌ niga̱nj cachi̱nj niꞌya̱j nij soꞌ rihaan Yaꞌanj, ne̱ se̱ guun rmi̱i̱ nij soꞌ maꞌ.

Hechos 12:5

Dan me se Pedró roꞌ, ꞌni̱j soꞌ tagaꞌ rej tumé nij tanuu man soꞌ, tza̱j ne̱ ꞌo̱ na̱nj cachíín niꞌya̱j ndoꞌo xꞌneꞌ nij síí noco̱ꞌ man Jesucristó rihaan Yaꞌanj cheꞌé soꞌ a.

Hechos 19:21

Veé dan ga̱a ne̱ caꞌnéé nimán Pabló cache̱n soꞌ estadó cuꞌna̱j Macedonia ga̱ Acaya ne̱ caꞌa̱nj soꞌ nda̱a chumanꞌ Jerusalén a. Ne̱ cataj soꞌ se vaa asa̱ꞌ quisíj caꞌanj soꞌ nda̱a chumanꞌ Jerusalén, ne̱ no̱ xcúún soꞌ caꞌa̱nj ni̱ꞌyaj soꞌ nda̱a chumanꞌ Romá, taj soꞌ a.

Hechos 24:14

’Tza̱j ne̱ cata̱j yá ꞌu̱nj rihaan so̱ꞌ se vaa xa̱ꞌ Se‑Chre̱j Jesús, chrej tucuꞌnáj nij síí nihánj chrej ne̱ roꞌ, da̱nj nocóꞌ ꞌu̱nj aráj gue̱e̱ ꞌu̱nj rihaan Yaꞌanj si̱j noco̱ꞌ nij xií ꞌu̱nj a. ꞌO̱ se amán raj nu̱ꞌ nana̱ no̱ rihaan yanj no̱ stucua̱nj Moisés do̱ꞌ, snana̱ nij síí nataꞌ snana̱ Yaꞌanj ga̱a naá do̱ꞌ a.

Hechos 27:23

ꞌO̱ se ꞌu̱nj me síí noco̱ꞌ man Yaꞌanj, ne̱ ꞌyáj se‑su̱u̱n soꞌ, ne̱ nii̱ cuaꞌa̱a roꞌ, canicunꞌ ꞌo̱ se‑mo̱zó Yaꞌanj rihanj,

Hechos 3:26

Ga̱a ne̱ a̱j caꞌnéé Yaꞌanj man Taꞌníí Yaꞌanj rihaan chumii̱, ne̱ cuchiꞌ Taꞌníí Yaꞌanj asino ya̱a̱n rihaan maꞌa̱n soj, quiꞌyaj Yaꞌanj, cheꞌé rej ca̱nica̱j nimán ꞌo̱ ꞌo̱ nij soj, ne̱ ta̱náj xco̱ nij soj chrej chiꞌi̱i̱, ne̱ caꞌve̱e quiꞌya̱j ndoꞌo Yaꞌanj se lu̱j cheꞌé ta̱ranꞌ nij soj ado̱nj ―taj Pedró rihaan nij yuvii̱ cunuu chre̱ꞌ rej ya̱nj nuvií noco̱o yoꞌ a.

Romanos 9:1

Cheꞌé se síí noco̱ꞌ man Cristó mé ꞌu̱nj, ne̱ se̱ caꞌmii ne̱ ꞌu̱nj rihaan nij soj maꞌ. ꞌO̱ se ya̱nj Nimán Yaꞌanj ga̱ ꞌu̱nj, ne̱ maꞌa̱n Nimán Yaꞌanj cataj rihanj se vaa nana̱ ya̱ caꞌmij á.

2 Corintios 1:23

Neꞌen Yaꞌanj nimanj, se vaa ya̱ vaa nana̱ aꞌmij rihaan soj cuano̱ nihánj, ne̱ cheꞌé se ne caꞌve̱j ya̱ raj qui̱ꞌyáj sayuun man soj, cheꞌé dan ne cuchi̱j chumanꞌ Corinto ado̱nj.

2 Corintios 11:31

Yaꞌanj Rej Jesús Si̱j ꞌNi̱j Raꞌa man níꞌ roꞌ, neꞌen soꞌ se vaa ya̱ aꞌmii ꞌu̱nj, ne̱ veꞌé uxrá caꞌmi̱i̱ níꞌ cheꞌé soꞌ nu̱ꞌ cavii nu̱ꞌ caꞌanj na̱nj á.

Gálatas 1:20

Neꞌen ya̱ Yaꞌanj se vaa ya̱ vaa nana̱ nihánj nana̱ cachrón ꞌu̱nj rihaan yanj nihánj ado̱nj.

Efesios 6:18

Ne̱ niga̱nj cachi̱nj niꞌya̱j uxrá soj rihaan Yaꞌanj, ne̱ ra̱cuíj Nimán Yaꞌanj man soj nacu̱nj soj ne̱ cachi̱nj niꞌya̱j soj ado̱nj. Se̱ caꞌneꞌ rá soj maꞌ. Tana̱nj ꞌo̱ cachi̱nj niꞌya̱j uxrá soj cheꞌé ta̱ranꞌ nij síí noco̱ꞌ man Cristó na̱nj á.

Filipenses 1:3

Daj a̱ ga̱a nanuj rá ꞌu̱nj man nij soj, ne̱ taj ꞌu̱nj guun niꞌya̱j níꞌ rihaan Yaꞌanj cheꞌé soj a.

Filipenses 1:4

Ne̱ ga̱a achíín ni̱ꞌyáj rihaan Yaꞌanj, ne̱ uun niha̱ꞌ ndoꞌo rá nimanj ga̱a rqueé ꞌu̱nj rihaan Yaꞌanj cheꞌé ta̱ranꞌ soj

Filipenses 2:22

Tza̱j ne̱ a̱j neꞌen soj se vaa síí sa̱ꞌ uxrá me Timoteo, ne̱ da̱j se ꞌyaj xnii racuíj xnii man rej xnii roꞌ, da̱nj vaa ꞌyaj Timoteo racuíj soꞌ mán ꞌu̱nj nataꞌ rój nana̱ sa̱ꞌ cheꞌé Cristó ado̱nj.

Filipenses 3:3

Ne̱ xa̱ꞌ níꞌ, tza̱j ne̱ ino̱ ꞌyaj níꞌ a. ꞌO̱ se síí ya̱ cunuu sa̱ꞌ rihaan Yaꞌanj me níꞌ, ne̱ ina̱nj Nimán Yaꞌanj nocoꞌ níꞌ ga̱a ꞌyaj níꞌ se‑su̱u̱n Yaꞌanj ado̱nj. Ne nucua̱j rá níꞌ man maꞌa̱n níꞌ se vaa cavi̱i̱ sa̱ꞌ níꞌ cheꞌé se vaa cutaꞌ nii taꞌngaꞌ nee̱ man níꞌ do̱ꞌ, se vaa ꞌyaj maꞌa̱n níꞌ do̱ꞌ maꞌ. Tana̱nj niha̱ꞌ rá níꞌ nataꞌ níꞌ se vaa Cristó Jesús me síí ꞌyaj caꞌve̱e cavi̱i̱ sa̱ꞌ níꞌ ado̱nj.

1 Tesalonicenses 1:2

Niga̱nj taj núj guun niꞌya̱j níꞌ rihaan Yaꞌanj cheꞌé cunuda̱nj soj, ne̱ ga̱a achíín niꞌya̱j núj roꞌ, aꞌmii núj rihaan soꞌ cheꞌé soj ado̱nj.

1 Tesalonicenses 3:10

ne̱ nuvi̱i niga̱nꞌ achíín niꞌya̱j núj rihaan Yaꞌanj se vaa caꞌve̱j rá Yaꞌanj queneꞌe̱n núj man soj, ne̱ narque̱ núj doj chrej sa̱ꞌ man soj, ne̱ sa̱ꞌ doj canoco̱ꞌ soj Yaꞌanj na̱nj ado̱nj.

1 Tesalonicenses 5:17

ne̱ se̱ caꞌneꞌ rá soj ga̱ suun achíín niꞌya̱j rihaan Yaꞌanj maꞌ.

1 Timoteo 2:7

Ne̱ cuneꞌ Yaꞌanj mán ꞌu̱nj caꞌmi̱i̱ natáj ꞌu̱nj do̱ꞌ, caꞌa̱nj nata̱ꞌ ꞌu̱nj snana̱ Cristó do̱ꞌ, tu̱cuꞌyón ꞌu̱nj man nij yuvii̱ yaníj da̱j cuchuma̱n rá nij soꞌ ni̱ꞌyaj nij soꞌ man Yaꞌanj ne̱ cuno̱ nij soꞌ nana̱ ya̱ caꞌmii Yaꞌanj do̱ꞌ a. Xa̱ꞌ nana̱ nihánj, tza̱j ne̱ nana̱ ya̱ uxrá me nana̱ nihánj, ne̱ ne aꞌmii ne̱ ꞌu̱nj maꞌ.

2 Timoteo 1:3

Dan me se taj ꞌu̱nj guun niꞌya̱j níꞌ rihaan Yaꞌanj, ne̱ se‑su̱u̱n soꞌ me se ꞌyáá ꞌu̱nj da̱j se vaa quiꞌyaj nij xií ꞌu̱nj, ne̱ taj cacunꞌ tumé ꞌu̱nj cheꞌé se‑su̱u̱n soꞌ raj maꞌ. Ne̱ ꞌo̱ nuû rá ꞌu̱nj mán so̱ꞌ ga̱a achíín ni̱ꞌyáá ꞌu̱nj cheꞌé so̱ꞌ nuvi̱i niga̱nꞌ a.

Filemón 1:4

Daj a̱ güii ga̱a na̱nj achíín ni̱ꞌyáá ꞌu̱nj rihaan Yaꞌanj, achíín ni̱ꞌyáá ꞌu̱nj cheꞌé so̱ꞌ, ne̱ taj ꞌu̱nj guun niꞌya̱j níꞌ rihaan Yaꞌanj cheꞌé so̱ꞌ ado̱nj.