Romanos 1:3 - Triqui de San Juan Copala3 Dan me se caꞌmii Yaꞌanj cheꞌé Taꞌníí soꞌ Jesucristó Si̱j ꞌNi̱j Raꞌa man níꞌ, ne̱ xa̱ꞌ nee̱ ma̱n soꞌ, tza̱j ne̱ síí noco̱ꞌ xnaꞌanj tuvi̱ꞌ ga̱ rey cuꞌna̱j David síí cayáán ga̱a naá me soꞌ ado̱nj. အခန်းကိုကြည့်ပါ။ |
Romanos 1:3
66 ပူးပေါင်းရင်းမြစ်များ
Dan me se curiha̱nj ꞌo̱ chana̱ cananea chana̱ ya̱nj rej yoꞌ a. Ne̱ caguáj ndoꞌo noꞌ rihaan Jesús, cataj noꞌ a: ―Neꞌenj se vaa Taꞌníí Taꞌnij Siꞌno̱ David síí cayáán ga̱a naá mé so̱ꞌ, Señor. Cheꞌé dan cunu̱u ꞌe̱e̱ rá so̱ꞌ manj rugua̱nj. ꞌO̱ se canó uxrá nana̱ chre̱e man taꞌníj chala̱ cunii na̱nj ado̱nj ―taj chana̱ yoꞌ, caguáj noꞌ rihaan Jesús a.
Tza̱j ne̱ dínj táá Jesús a. Ga̱a ne̱ cataj uún xrej ata̱ suun noco̱o doj rihaan Jesús a: ―Ase vaa nana̱ taj xnaꞌanj maꞌa̱n Yaꞌanj rihaan so̱ꞌ roꞌ, da̱nj ga̱a̱ nana̱ nihánj nana̱ cata̱j xnaꞌanj ꞌu̱nj rihaan so̱ꞌ á. ꞌU̱nj me síí ya̱ ya̱ caꞌne̱ꞌ suun rihaan so̱ꞌ cata̱j xnaꞌanj so̱ꞌ sese ya̱ ya̱ Síí Caꞌnéé Yaꞌanj Ti̱nanii man Yuvii̱ rihaan Sayuun ne̱ Taꞌníí Yaꞌanj mé so̱ꞌ á ―taj soꞌ rihaan Jesús a.
Tza̱j ne̱ no̱ nana̱ nihánj rihaan yanj nihánj cheꞌé rej ꞌo̱ cuchuma̱n rá soj si̱j naya̱a̱ nana̱ nihánj se vaa Jesús roꞌ, me Síí Caꞌnéé Yaꞌanj Ti̱nanii man Yuvii̱ rihaan Sayuun, ne̱ Taꞌníí Yaꞌanj me ya̱ uún soꞌ ado̱nj. Ne̱ cheꞌé se amán rá soj niꞌya̱j soj man soꞌ roꞌ, cheꞌé dan ga̱a̱ iꞌna̱ꞌ nimán soj rihaan Yaꞌanj nu̱ꞌ cavii nu̱ꞌ caꞌanj cheꞌé maꞌa̱n Jesús chugua̱nj.
Tana̱nj Yaꞌanj si̱j noco̱ꞌ xi̱i níꞌ síí cuꞌna̱j Abraham do̱ꞌ, Isaac do̱ꞌ, Jacob do̱ꞌ, me síí quiꞌyaj se vaa niꞌndaj ya̱ sa̱ꞌ veꞌé uun chij Taꞌníí maꞌa̱n soꞌ Jesús na̱nj ado̱nj. Tza̱j ne̱ nij soj me nij síí tacuachén man Jesús rihaan nij síí ta̱j riꞌyunj man Jesús, ne̱ nda̱ꞌ se guun ya̱ rá síí cuꞌna̱j Pilató se vaa caꞌa̱nj u̱u̱n Jesús, tza̱j ne̱ cataj soj rihaan Pilató se vaa guun rá soj cavi̱ꞌ Jesús ado̱nj.
Xi̱i nij yuvii̱ israelitá me nij síí ma̱n ga̱a naá síí cuꞌna̱j Abraham do̱ꞌ, Isaac do̱ꞌ, Jacob do̱ꞌ a. ꞌO̱ tuviꞌ nij soꞌ me Cristó Síí Caꞌnéé Yaꞌanj Ti̱nanii man Yuvii̱ rihaan Sayuun, ne̱ Cristó me se Yaꞌanj me soꞌ, ne̱ uun chij soꞌ rihaan cunuda̱nj a. Veꞌé uxrá caꞌmi̱i̱ níꞌ cheꞌé soꞌ nu̱ꞌ cavii nu̱ꞌ caꞌanj na̱nj á. Veé da̱nj ga̱a̱ ya̱ ado̱nj.
Neꞌen cunuda̱nj níꞌ se vaa noco̱o uxrá vaa nana̱ sa̱ꞌ yuve̱ tihaa̱n naca̱ Yaꞌanj man níꞌ nana̱ canocoꞌ níꞌ, ne̱ nihánj me nana̱ yoꞌ a: Curiha̱nj Yaꞌanj rihaan chumii̱, ne̱ guun soꞌ yuvii̱ a. Veꞌé ndoꞌo quiꞌyaj soꞌ, cataj Nimán Yaꞌanj a. Queneꞌen nij se‑mo̱zó Yaꞌanj man soꞌ a. Nataꞌ nii cheꞌé soꞌ rihaan nij yuvii̱ yaníj a. Cuchumán rá taꞌa̱j nij síí ma̱n rihaan chumii̱ nihánj niꞌya̱j nij soꞌ man soꞌ a. Quinanꞌ soꞌ xta̱ꞌ, ne̱ niꞌndaj ya̱ veꞌé nacaj nij síí ma̱n xta̱ꞌ man soꞌ a. Yoꞌ me nana̱ noco̱ꞌ níꞌ a.
Ne̱ síí ꞌyaj cacunꞌ me se síí noco̱ꞌ stucua̱nj Síí Chre̱e me soꞌ na̱nj ado̱nj. ꞌO̱ se asi̱j guun cheꞌe̱ Yaꞌanj quiꞌyaj Yaꞌanj chumii̱ nihánj, ne̱ si̱j ꞌyaj ina̱nj cacunꞌ me Síí Chre̱e na̱nj ado̱nj. Ne̱ caꞌnaꞌ Taꞌníí Yaꞌanj rihaan chumii̱ nihánj, cheꞌé rej caꞌve̱e tiri̱ꞌ soꞌ nu̱ꞌ se vaa ꞌyaj Síí Chre̱e yoꞌ ado̱nj.
Ne̱ neꞌen níꞌ se vaa a̱j caꞌnaꞌ Taꞌníí Yaꞌanj, ne̱ caꞌvee xcaj níꞌ cuentá cheꞌé Yaꞌanj ya̱ quiꞌyaj Taꞌníí Yaꞌanj, ne̱ neꞌen níꞌ se vaa me níꞌ síí noco̱ꞌ man maꞌa̱n ya̱ Taꞌníí soꞌ Jesucristó, ne̱ Jesucristó roꞌ, maꞌa̱n Yaꞌanj ya̱ me soꞌ, ne̱ soꞌ me síí quiꞌya̱j ca̱yáán níꞌ ga̱ Yaꞌanj nu̱ꞌ cavii nu̱ꞌ caꞌanj ado̱nj.
Ga̱a ne̱ cataj uún soꞌ rihanj a: ―Ga̱a ne̱ cachro̱n so̱ꞌ nana̱ nihánj ne̱ caꞌne̱j so̱ꞌ rihaan síí caꞌnéé Yaꞌanj ni̱caj yuꞌunj man xꞌneꞌ nij síí noco̱ꞌ manj ya̱nj chumanꞌ Tiatira a: “Dan me se nana̱ nihánj me nana̱ aꞌmii ꞌu̱nj Taꞌni̱j Yaꞌanj cuno̱ soj, ne̱ ꞌu̱nj roꞌ, ase vaa yaꞌan vaa rlij rihanj, ne̱ ase vaa agaꞌ bronce mare̱e vaa tacój a.
ကြော်ငြာတွေ