San Mateo 9:34 - Triqui de San Juan Copala

³⁴ Tza̱j ne̱ cataj nij síí fariseo a: ―Guun nucua̱j soꞌ quirii soꞌ man nana̱ chre̱e, cheꞌé se racuíj nana̱ chre̱e uun chij doj man soꞌ ado̱nj ―taj nij síí fariseo cheꞌé Jesús a.

San Mateo 9:34 ပူးပေါင်းရင်းမြစ်များ

San Mateo 10:25

Dan me se neꞌen síí noco̱ꞌ nana̱ neꞌen mozó neꞌen da̱j quiꞌya̱j yuvii̱ man maꞌa̱n soꞌ, tza̱j ne̱ me ina̱nj rá soꞌ gu̱un soꞌ nda̱a vaa síí tucuꞌyón nana̱ man soꞌ do̱ꞌ, nda̱a vaa se‑ruꞌve̱e̱ soꞌ do̱ꞌ a. Dan me se tucuꞌnáj nij yuvii̱ Beelzebú manj, ne̱ yoꞌ me ꞌó se‑chuvi̱i Síí Chre̱e a. Ne̱ ase vaa rej soj vaa ꞌu̱nj a. Cheꞌé dan da̱nj caꞌmi̱i̱ nij yuvii̱ nana̱ vaa da̱nj cheꞌé maꞌa̱n soj na̱nj ado̱nj.

San Mateo 11:18

ꞌO̱ se caꞌnaꞌ síí cuꞌna̱j Juan Síí Cutaꞌ Ne man yuvii̱, ga̱a ne̱ ne cha̱ ndoꞌo soꞌ do̱ꞌ, ne coꞌo̱ soꞌ na vinó do̱ꞌ maꞌ. Ne̱ cheꞌé dan taj nij yuvii̱ se vaa nu̱u̱ nana̱ chre̱e nimán soꞌ a.

San Mateo 12:22

Guun naá do̱j, ga̱a ne̱ caꞌnaꞌ yuvii̱ rihaan Jesús, ne̱ nica̱j nij yuvii̱ man ꞌo̱ síí yaꞌmi̱i aráán rihaan nu̱u̱ nana̱ chre̱e nimán a. Ne̱ nahuun nu̱ꞌ soꞌ, quiꞌyaj Jesús, ne̱ naxraꞌ rihaan soꞌ, ne̱ caꞌmii soꞌ ado̱nj.

San Mateo 12:27

Dan me se uun rá soj se vaa rii ꞌu̱nj nana̱ chre̱e nimán nij yuvii̱, ꞌyaj Síí Chre̱e, síí cuꞌna̱j Beelzebú, cheꞌé se aꞌmii ꞌu̱nj ga̱ soꞌ, rá soj a. Tza̱j ne̱ nij síí tucuꞌyón snana̱ soj me se veé da̱nj rii nij soꞌ nij nana̱ chre̱e nimán yuvii̱ uún a. Ne̱ asa̱ꞌ aꞌvee ꞌyaj nij soꞌ da̱nj, rá soj ga̱. Ne̱ vaa nij soꞌ vaa, veé da̱nj aꞌmii nij soꞌ ga̱ Síí Chre̱e, rá soj ga̱a a̱ naꞌ. Cheꞌé nana̱ caꞌmii soj me se maꞌa̱n nij síí tucuꞌyón snana̱ soj cuta̱ꞌ cacunꞌ xráá soj se vaa caꞌmii ne̱ soj ado̱nj.

San Marcos 3:22

Ga̱a ne̱ nij síí naquiꞌyaj cu̱u stucua̱nj Moisés síí nanij chumanꞌ Jerusalén roꞌ, caꞌnaꞌ nij soꞌ ne̱ cataj nij soꞌ se vaa nana̱ chre̱e uun chij doj, síí cuꞌna̱j Beelzebú, nuû nimán Jesús a. Ne̱ cheꞌé dan guun nucua̱j Jesús quiri̱i̱ Jesús nana̱ chre̱e nimán yuvii̱, taj nij soꞌ a.

San Lucas 11:15

ne̱ taꞌa̱j nij yuvii̱ cataj se vaa aꞌmii Jesús ga̱ síí cuꞌna̱j Beelzebú, síí uun chij doj rihaan nij nana̱ chre̱e, ne̱ cheꞌé dan rii soꞌ man nij nana̱ chre̱e nimán yuvii̱, taj taꞌa̱j nij yuvii̱, niꞌya̱j nij yuvii̱ man Jesús a.

San Juan 3:20

Dan me se nu̱ꞌ yuvii̱ ꞌyaj se chiꞌi̱i̱ roꞌ, ta̱j riꞌyunj nij soꞌ niꞌya̱j nij soꞌ yaꞌan chuguu̱n yoꞌ, ne̱ ne ꞌnaꞌ nij soꞌ rihaan yaꞌan chuguu̱n yoꞌ maꞌ. ꞌO̱ se naꞌvej rá nij soꞌ curuvi̱ꞌ se vaa ꞌyaj nij soꞌ maꞌ.

San Juan 7:20

Ga̱a ne̱ cataj nij yuvii̱ rihaan Jesús a: ―Nu̱u̱ nana̱ chre̱e nimán so̱ꞌ á. Me síí me rá ticavi̱ꞌ mán so̱ꞌ, rá so̱ꞌ ga̱ ―taj nij yuvii̱ rihaan Jesús a.