San Mateo 9:28 - Triqui de San Juan Copala

²⁸ Dan me se catúj Jesús rá veꞌ, ne̱ cuchiꞌ ro̱j síí tuchri̱i yoꞌ rihaan soꞌ a. Ga̱a ne̱ cataj Jesús rihaan ro̱j soꞌ a: ―Amán rá ro̱j so̱j se vaa gu̱un nu̱cuáj naxra̱ꞌ rihaan ro̱j so̱j qui̱ꞌyáj naꞌ ―taj Jesús, xnáꞌanj Jesús man ro̱j soꞌ a. ―Amán rá rój, Señor ―taj ro̱j soꞌ rihaan Jesús a.

San Mateo 9:28 ပူးပေါင်းရင်းမြစ်များ

San Mateo 13:1

Dan me se guun naá do̱j, ne̱ curiha̱nj Jesús rá veꞌ, ne̱ caꞌanj ca̱yáán soꞌ tuꞌva na laguaná a.

San Mateo 13:36

Ga̱a ne̱ naꞌnéé Jesús chr ej man nij yuvii̱, ne̱ catúj soꞌ rá veꞌ, ga̱a ne̱ cuchiꞌ nij síí tucuꞌyón snana̱ soꞌ rihaan soꞌ a. Ne̱ xnáꞌanj nij soꞌ man soꞌ, cataj nij soꞌ a: ―Cata̱j xnaꞌanj so̱ꞌ rihaan núj me se me raj cata̱a cuentó cheꞌé coj chiꞌi̱i̱ cachij scaꞌnúj ꞌnúú trigó yoꞌ á ―taj nij soꞌ rihaan Jesús a.

San Mateo 13:58

Ne̱ do̱j suun sa̱ꞌ noco̱o quiꞌyaj Jesús chiháán soꞌ, cheꞌé se ne cuchuma̱n rá nij síí ma̱n chiháán soꞌ ni̱ꞌyaj nij soꞌ man soꞌ a.

San Mateo 8:14

Ga̱a ne̱ caꞌanj Jesús tucuá síí cuꞌna̱j Pedró, ne̱ queneꞌen soꞌ se vaa na̱j nii che̱j Pedró ranꞌ noꞌ chiꞌii̱ nacaa yuva̱a̱ a.

San Mateo 8:2

Dan me se cuchiꞌ ꞌo̱ síí ranꞌ luj riꞌyuj rihaan Jesús, ne̱ cayáán ru̱j soꞌ rihaan Jesús, ne̱ cataj soꞌ a: ―Sese me rá so̱ꞌ, ne̱ caꞌve̱e naquiꞌya̱j sa̱ꞌ so̱ꞌ manj, Señor ―taj soꞌ rihaan Jesús a.

San Mateo 9:22

Ga̱a ne̱ canica̱j Jesús queneꞌen Jesús man noꞌ, ne̱ cataj soꞌ a: ―Nari̱ꞌ nucuaj nimán so̱ꞌ, nocoj. ꞌO̱ se cheꞌé se amán rá so̱ꞌ niꞌya̱j so̱ꞌ manj roꞌ, cheꞌé dan nahuun sa̱ꞌ so̱ꞌ ado̱nj ―taj Jesús rihaan chana̱ yoꞌ a. Ne̱ veé ma̱an orá dan nahuun sa̱ꞌ chana̱ yoꞌ ado̱nj.

San Mateo 9:27

Dan me se ga̱a cavii Jesús tucuá síí nica̱j suun yoꞌ, ne̱ canocoꞌ vi̱j síí tuchri̱i man soꞌ a. Ne̱ caguáj ro̱j soꞌ, cataj ro̱j soꞌ a: ―Neꞌen rój se vaa Taꞌníí Taꞌnij Siꞌno̱ David síí cayáán ga̱a naá mé so̱ꞌ ado̱nj. Cheꞌé dan cunu̱u ꞌe̱e̱ rá so̱ꞌ man rój rugua̱nj ―taj ro̱j soꞌ, caguáj ro̱j soꞌ a.

San Mateo 9:29

Ga̱a ne̱ cutaꞌ raꞌa Jesús rihaan ro̱j soꞌ, ne̱ cataj Jesús a: ―Cheꞌé se amán rá ro̱j so̱j, ne̱ cheꞌé dan naxra̱ꞌ rihaan ro̱j so̱j ado̱nj ―taj Jesús a.

San Juan 11:26

Cheꞌé se amán rá soꞌ niꞌya̱j soꞌ manj, ne̱ cheꞌé dan vaa iꞌna̱ꞌ nimán soꞌ, ne̱ daj chiha̱a̱ míj se̱ caviꞌ nimán soꞌ a̱ maꞌ. Amán rá so̱ꞌ nana̱ nihánj naꞌ ―taj Jesús, xnáꞌanj soꞌ man Marta a.

San Juan 11:40

Ga̱a ne̱ cataj Jesús rihaan noꞌ a: ―A̱j cataj xnaꞌanj ꞌu̱nj rihaan so̱ꞌ se vaa sese cuchuma̱n rá so̱ꞌ ni̱ꞌyaj so̱ꞌ manj, ga̱a ne̱ que̱neꞌén so̱ꞌ se vaa niꞌndaj ya̱ nucua̱j Yaꞌanj á ―taj Jesús rihaan Marta yoꞌ a.

Hechos 14:9

Ne̱ yáán soꞌ cuno soꞌ snana̱ Pabló a. Dan me se niꞌya̱j uxrá Pabló man soꞌ, ne̱ xcaj Pabló cuentá se vaa síí rengo̱ yoꞌ me se nucua̱j rá se vaa caꞌve̱e nahu̱un sa̱ꞌ soꞌ, quiꞌya̱j Yaꞌanj a.