San Mateo 9:23 - Triqui de San Juan Copala

²³ Ga̱a ne̱ caꞌanj Jesús veꞌ tucuá síí nica̱j suun yoꞌ, ne̱ catúj soꞌ rá veꞌ, ne̱ queneꞌen soꞌ se vaa ma̱n síí achráá rihuu flauta, ne̱ queneꞌen soꞌ se vaa ma̱n ndoꞌo yuvii̱ rá veꞌ, ne̱ nanó ndoꞌo rá nij yuvii̱ cheꞌé se caviꞌ chala̱ cunii yoꞌ ado̱nj.

San Mateo 9:23 ပူးပေါင်းရင်းမြစ်များ

San Mateo 11:17

ne̱ aguáj nij xnii rihaan tuviꞌ xnii, taj nij xnii a: “Nica̱j núj se‑rihu̱u̱ núj, caꞌyánj núj chraꞌ choco̱ꞌ, tza̱j ne̱ me cheꞌé ne raꞌa̱nj soj ga̱. Ne̱ caꞌyánj núj chraꞌ xnangá, tza̱j ne̱ me cheꞌé ne taꞌve̱e soj ga̱”, taj nij xnii rihaan tuviꞌ nij soꞌ a.

San Lucas 7:32

Ase vaa xnii caꞌanj rihaan yuꞌvee ne̱ tico ga̱ tuviꞌ roꞌ, vaa soj ado̱nj. Dan me se yáán nij xnii yoꞌ rihaan yoꞌóó, ne̱ aguáj nij xnii rihaan tuviꞌ nij xnii, taj nij xnii a: “Nica̱j núj rihuu, ne̱ goꞌ núj chraꞌ choco̱ꞌ, tza̱j ne̱ me cheꞌé ne raꞌa̱nj soj ga̱. Ne̱ goꞌ núj chraꞌ xnangá, tza̱j ne̱ me cheꞌé ne taꞌve̱e soj ga̱.” Da̱nj taj nij xnii rihaan tuviꞌ nij soꞌ a.

Hechos 20:10

Ga̱a ne̱ nanij Pabló, ne̱ caꞌanj quina̱j Pabló rihaan nee̱ man síí cuꞌna̱j Eutico yoꞌ, ne̱ naꞌya̱a̱n Pabló man soꞌ, ne̱ cataj Pabló rihaan ꞌó nij soꞌ a: ―Se̱ cuchuꞌviꞌ soj maꞌ. ꞌO̱ se vaa iꞌna̱ꞌ soꞌ na̱nj ado̱nj ―taj Pabló rihaan nij soꞌ a.

Hechos 9:39

Ga̱a ne̱ naxuma̱a̱n Pedró, ne̱ caꞌanj soꞌ cuaj ga̱ ro̱j soꞌ a. Ne̱ ga̱a cuchiꞌ nij soꞌ chumanꞌ Jope, ne̱ caꞌanj nica̱j nij soꞌ man Pedró rá veꞌ nataꞌ na̱j chana̱ caviꞌ cuꞌna̱j Dorcas a. Ne̱ caꞌnaꞌ cunuda̱nj nij chana̱ caviꞌ nica̱ rihaan Pedró, ne̱ taꞌvee nij noꞌ, ne̱ tihaa̱n nij chana̱ rihaan Pedró cunuda̱nj nij yatzíj quiꞌyaj Dorcas ga̱a vaa iꞌna̱ꞌ noꞌ a.

Apocalipsis 18:22

Ne̱ daj chiha̱a̱ míj se̱ cuno nii chraꞌ rque so̱ꞌ a̱ maꞌ. Chraꞌ achráá yaꞌánj arpá do̱ꞌ, chraꞌ achráá tuꞌva yuvii̱ do̱ꞌ, chraꞌ achráá rihuu do̱ꞌ, chraꞌ achráá chruun aꞌyánj do̱ꞌ, se̱ cuno nii rqué so̱ꞌ maꞌ. Ne̱ se̱ gaa síí quiꞌya̱j me maꞌa̱n suun do̱ꞌ, se̱ cuno nii váj yuvii̱ ꞌnúú trigó rqué so̱ꞌ do̱ꞌ a̱ maꞌ.