San Mateo 9:13 - Triqui de San Juan Copala

¹³ ꞌO̱ se vaa cheꞌé caꞌa̱nj soj tu̱cuꞌyón soj me se me raj cata̱a nana̱ nihánj nana̱ no̱ rihaan Danj Yaꞌanj ado̱nj: “Ne uun niha̱ꞌ rá ꞌu̱nj niꞌya̱j ꞌu̱nj yuvii̱ rqué xcuu rihaan ꞌu̱nj maꞌ. Tana̱nj uun niha̱ꞌ rá ꞌu̱nj niꞌya̱j ꞌu̱nj yuvii̱ ꞌe̱e̱ rá man tuviꞌ ado̱nj.” Dan me se xca̱j soj cuentá se vaa ne caꞌna̱ꞌ ꞌu̱nj canacu̱nj ꞌu̱nj man síí sa̱ꞌ maꞌ. Cheꞌé nij síí tumé cacunꞌ caꞌnaj se vaa nuchra̱nꞌ nimán nij soꞌ ne̱ canoco̱ꞌ nij soꞌ snana̱j ado̱nj ―taj Jesús rihaan nij soꞌ a.

San Mateo 9:13 ပူးပေါင်းရင်းမြစ်များ

San Mateo 12:3

Ga̱a ne̱ cataj Jesús rihaan nij soꞌ a: ―Me cheꞌé, ne̱ ne naya̱a̱ soj rihaan Danj Yaꞌanj da̱j quiꞌyaj síí cuꞌna̱j David ga̱a naá ga̱. Ga̱a naꞌaan rque nij tuvi̱ꞌ nij soꞌ,

San Mateo 12:5

’Ne̱ ne naya̱a̱ soj me taj stucua̱nj Moisés cheꞌé nij xrej ꞌyaj suun nuvií noco̱o naꞌ. ꞌO̱ se cheꞌé se‑su̱u̱n nij soꞌ, ꞌyaj nij soꞌ se vaa ne nó xcúún yuvii̱ quiꞌya̱j yuvii̱ güii naránj rá níꞌ si̱j israelitá maꞌ. Tza̱j ne̱ ne tumé nij soꞌ cacunꞌ cheꞌé se vaa ꞌyaj nij soꞌ maꞌ.

San Mateo 12:7

Ne̱ vaa ꞌó nana̱ no̱ rihaan Danj Yaꞌanj taj a: “Ne uun niha̱ꞌ rá ꞌu̱nj niꞌya̱j ꞌu̱nj síí rqué xcuu rihaan ꞌu̱nj maꞌ. Tana̱nj uun niha̱ꞌ rá ꞌu̱nj niꞌya̱j ꞌu̱nj yuvii̱ ꞌe̱e̱ rá man tuviꞌ ado̱nj.” Yoꞌ me snana̱ Yaꞌanj nana̱ no̱ rihaan yanj yoꞌ a. Sese cuno soj me taj nana̱ yoꞌ, ne̱ ne cuta̱ꞌ soj cacunꞌ xráá nij síí nihánj tza̱j maꞌ. Ne̱ ne tumé nij síí nihánj cacunꞌ maꞌ.

San Mateo 19:4

Ga̱a ne̱ cataj Jesús a: ―A̱j nayaa soj nana̱ no̱ rihaan Danj Yaꞌanj nana̱ taj se vaa asi̱j quiꞌyaj Yaꞌanj chumii̱, ne̱ quiꞌyaj Yaꞌanj snóꞌo, ne̱ quiꞌyaj Yaꞌanj chana̱ a.

San Mateo 21:42

Ga̱a ne̱ cataj Jesús a: ―Me cheꞌé ne naya̱a̱ nij soj nana̱ nihánj nana̱ no̱ rihaan Danj Yaꞌanj ga̱: Yuvej quiriꞌíj nij síí cuneꞌ veꞌ roꞌ, guun yuvej sa̱ꞌ vaa se uun doj rihaan cunuda̱nj nij yuvej ma̱n tacóó veꞌ yoꞌ na̱nj ado̱nj. Maꞌa̱n Yaꞌanj Si̱j ꞌNi̱j Raꞌa man níꞌ quiꞌyaj da̱nj, ne̱ cuna̱j uxrá vaa yoꞌ, rá níꞌ ado̱nj, taj Danj Yaꞌanj a.

San Mateo 3:2

cataj soꞌ a: ―Nuchra̱nꞌ nimán soj, ne̱ ta̱náj soj chrej chiꞌi̱i̱ á. ꞌO̱ se a̱j nichrunꞌ se vaa gu̱un chij Yaꞌanj na̱nj ado̱nj ―taj soꞌ, aꞌmii natáj soꞌ a.

San Mateo 3:8

Sese ya̱ nuchranꞌ nimán soj, ne̱ caꞌa̱nj soj quiꞌya̱j soj nda̱a vaa ꞌyaj yuvii̱ cunuu sa̱ꞌ nimán na̱nj á.

San Mateo 4:17

Ga̱a ne̱ guun cheꞌe̱ Jesús caꞌmii natáj soꞌ rihaan yuvii̱, ne̱ cataj soꞌ a: ―Nuchra̱nꞌ nimán soj ne̱ ta̱náj soj chrej chiꞌi̱i̱ á. ꞌO̱ se a̱j nichrunꞌ se vaa gu̱un chij Yaꞌanj ado̱nj ―da̱nj caꞌmii natáj Jesús rihaan nij yuvii̱ a.

San Marcos 12:26

Cata̱j xnaꞌanj ꞌu̱nj rihaan soj da̱j ga̱a̱ queneꞌe̱n soj se vaa ya̱ ya̱ cunu̱u iꞌna̱ꞌ uún yuvii̱ asa̱ꞌ caviꞌ yuvii̱ ado̱nj. Ataa naya̱a̱ soj nana̱ nihánj nana̱ no̱ rihaan danj Moisés nana̱ cheꞌé coj acoꞌ yaꞌan raa̱ naꞌ. Ne̱ dan me se ga̱a queneꞌen Moisés coj yoꞌ, ne̱ cataj Yaꞌanj rihaan Moisés a: “Yaꞌanj noco̱ꞌ nij síí ma̱n ga̱a naá síí cuꞌna̱j Abraham do̱ꞌ, Isaac do̱ꞌ, Jacob do̱ꞌ, mej a.” Da̱nj cataj Yaꞌanj cheꞌé nij síí ma̱n ga̱a naá yoꞌ a.

San Marcos 12:33

Ne̱ ya̱ uxrá vaa nana̱ se vaa sese nda̱a nimán ya̱ níꞌ gu̱un rá níꞌ ni̱ꞌyaj níꞌ man Yaꞌanj do̱ꞌ, sese ꞌo̱ cuchuma̱n rá nda̱a cúú yave̱ ya̱ níꞌ ni̱ꞌyaj níꞌ man Yaꞌanj do̱ꞌ, sese nda̱a nu̱ꞌ se nucua̱j man níꞌ cara̱a̱ cochro̱j rihaan Yaꞌanj do̱ꞌ, sese ga̱a̱ ꞌe̱e̱ rá níꞌ man tuviꞌ níꞌ nda̱a se ꞌe̱e̱ rá níꞌ man maꞌa̱n níꞌ do̱ꞌ, ne̱ sa̱ꞌ doj vaa ro̱j suun nihánj rihaan nu̱ꞌ nij xcuu acaa do̱ꞌ, nij xcuu aviꞌ do̱ꞌ, rihaan Yaꞌanj ado̱nj ―taj síí naquiꞌyaj cu̱u stucua̱nj Moisés yoꞌ rihaan Jesús a.

San Marcos 2:17

Cuno Jesús nana̱ caꞌmii nij soꞌ, ga̱a ne̱ cataj soꞌ rihaan nij soꞌ a: ―Nij síí vaa nucua̱j roꞌ, ne nanoꞌ nij soꞌ man doctor naquiꞌyaj conoꞌó man yuvii̱ maꞌ. Ma̱an síí ranꞌ roꞌ, me síí nanoꞌ man doctor ado̱nj. Ne caꞌna̱ꞌ ꞌu̱nj canacu̱nj ꞌu̱nj man síí me síí sa̱ꞌ rá maꞌa̱n maꞌ. Cheꞌé nij síí tumé cacunꞌ caꞌnaj se vaa canoco̱ꞌ nij soꞌ snana̱j ado̱nj ―taj Jesús a.

San Lucas 10:26

Ga̱a ne̱ cataj Jesús rihaan soꞌ a: ―Neꞌén so̱ꞌ me nana̱ no̱ rihaan yanj no̱ stucua̱nj Moisés naꞌ. Da̱j taj yanj yoꞌ nayaa so̱ꞌ ga̱ ―taj Jesús, xnáꞌanj Jesús man soꞌ a.

San Lucas 19:10

ꞌO̱ se caꞌnáꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ cheꞌé rej nano̱ꞌ ꞌu̱nj man nij síí caꞌanj niꞌya̱, ne̱ cavi̱i̱ sa̱ꞌ nij soꞌ qui̱ꞌyáj ado̱nj ―taj Jesús rihaan nij soꞌ a.

San Lucas 24:47

Ga̱a ne̱ vaa cheꞌé caꞌmi̱i̱ natáj nii se vaa cheꞌé se‑chuvi̱i Síí Caꞌnéé Yaꞌanj Ti̱nanii man Yuvii̱ rihaan Sayuun roꞌ, no̱ xcúún yuvii̱ ca̱nica̱j nimán yuvii̱ ne̱ ta̱náj yuvii̱ chrej chiꞌi̱i̱, ne̱ tinavi̱j Yaꞌanj cacunꞌ tumé nij soꞌ a. Asino ya̱a̱n vaa cheꞌé caꞌmi̱i̱ natáj nii chumanꞌ Jerusalén, ga̱a ne̱ caꞌmi̱i̱ natáj nii rihaan ta̱ranꞌ nij xꞌneꞌ yuvii̱ ino̱ vaa stucua̱nj ado̱nj.

San Lucas 5:31

Ga̱a ne̱ cataj maꞌa̱n Jesús rihaan nij soꞌ a: ―Síí vaa nucua̱j roꞌ, ne nanoꞌ nij soꞌ man doctor naquiꞌyaj conoꞌó man yuvii̱ maꞌ. Ma̱an se síí ranꞌ roꞌ, me síí nanoꞌ man doctor ado̱nj.

San Lucas 5:32

ꞌO̱ se ne caꞌna̱ꞌ ꞌu̱nj canacu̱nj ꞌu̱nj man nij síí uun rá se vaa síí sa̱ꞌ me nij soꞌ maꞌ. Tana̱nj cheꞌé nij síí tumé cacunꞌ caꞌnaj se vaa ca̱nica̱j nimán nij soꞌ ne̱ ta̱náj nij soꞌ chrej chiꞌi̱i̱ ado̱nj ―taj Jesús rihaan nij soꞌ a.

San Juan 10:34

Ga̱a ne̱ cataj Jesús a: ―Ma̱an se vaa nana̱ no̱ rihaan yanj no̱ tucuáán noco̱ꞌ soj, ne̱ nana̱ caꞌmii maꞌa̱n Yaꞌanj me nana̱ yoꞌ a. Dan me se cataj Yaꞌanj a: “ꞌU̱nj me síí cataj xnaꞌanj se vaa yaꞌanj me soj á”, taj Yaꞌanj rihaan nij síí caꞌmii snana̱ soꞌ ga̱a naá a.

Hechos 11:18

Dan me se quiꞌyaj canaán snana̱ Pedró rihaan snana̱ ꞌó nij soꞌ, ga̱a ne̱ cataj nij soꞌ se vaa sa̱ꞌ uxrá quiꞌyaj Yaꞌanj a. Ne̱ cataj uún nij soꞌ a: ―Cheꞌé dan me nda̱a nij síí yaníj canica̱j nimán canocoꞌ chrej sa̱ꞌ, quiꞌyaj Yaꞌanj, ne̱ cheꞌé dan ca̱yáán nij síí yaníj rihaan Yaꞌanj nu̱ꞌ cavii nu̱ꞌ caꞌanj ado̱nj ―taj cunuda̱nj nij síí israelitá a.

Hechos 2:38

Ga̱a ne̱ cataj Pedró rihaan nij soꞌ a: ―Ca̱nica̱j nimán cunuda̱nj soj ta̱náj soj chrej chiꞌi̱i̱, ne̱ cata̱ꞌ ne soj cheꞌé se‑chuvi̱i Jesucristó Si̱j Caꞌnéé Yaꞌanj, ne̱ tinavi̱j Yaꞌanj cacunꞌ tumé soj a. Ne̱ rque̱ Yaꞌanj Nimán Yaꞌanj catu̱u̱ soꞌ nimán soj ado̱nj.

Hechos 20:21

Ne̱ ꞌo̱ xraan ina̱nj cataj xnaꞌanj ꞌu̱nj rihaan nij yuvii̱ israelitá do̱ꞌ, rihaan nij yuvii̱ yaníj aꞌmii xnaꞌánj griego do̱ꞌ, se vaa no̱ xcúún nij soꞌ ca̱nica̱j nimán nij soꞌ canoco̱ꞌ nij soꞌ man Yaꞌanj ne̱ cuchuma̱n rá nij soꞌ ni̱ꞌyaj nij soꞌ man Jesús Si̱j ꞌNi̱j Raꞌa man níꞌ a.

Hechos 3:19

’Cheꞌé dan ca̱nica̱j nimán soj canoco̱ꞌ soj chrej sa̱ꞌ, ga̱a ne̱ caꞌve̱e tinavi̱j Yaꞌanj cacunꞌ tumé soj á. Ga̱a ne̱ caꞌve̱e quisi̱j güii cunu̱u cui̱j rá ta̱ranꞌ níꞌ si̱j israelitá, quiꞌya̱j Síí ꞌNi̱j Raꞌa man níꞌ a.

Hechos 5:31

Ga̱a ne̱ maꞌa̱n Yaꞌanj quiꞌyaj cavii Jesús xta̱ꞌ, ne̱ nicu̱nꞌ Jesús rej xꞌnu̱j Yaꞌanj rej nuva̱ꞌ Yaꞌanj a. Ne̱ guun Jesús Síí Uun Chij Ndoꞌo, ne̱ Síí Tinanii man Yuvii̱ rihaan Sayuun guun soꞌ, cheꞌé rej caꞌve̱e ca̱nica̱j nimán níꞌ si̱j israelitá ga̱a ne̱ navi̱j cacunꞌ tumé níꞌ ado̱nj.

2 Pedro 3:9

Taꞌa̱j nij yuvii̱ me se gu̱un ra̱a̱n ndoꞌo Yaꞌanj quiꞌya̱j Yaꞌanj nda̱a vaa cataꞌ tuꞌva soꞌ ga̱a naá, rá nij soꞌ, tza̱j ne̱ se̱ guun ra̱a̱n Yaꞌanj maꞌ. Ma̱an se ina̱j nimán Yaꞌanj niꞌya̱j Yaꞌanj man soj, ne̱ naꞌvej rá Yaꞌanj cavi̱ꞌ nimán a̱ ꞌó tuviꞌ soj maꞌ. Tana̱nj me rá soꞌ nuchra̱nꞌ nimán ta̱ranꞌ soj ne̱ ta̱náj xco̱ soj tucuáán chiꞌi̱i̱ chugua̱nj.