San Mateo 9:11 - Triqui de San Juan Copala

¹¹ Ne̱ queneꞌen nij síí fariseo se vaa chá Jesús ga̱ nij síí aꞌnéj impuestó do̱ꞌ, ga̱ ꞌó nij síí tumé ndoꞌo cacunꞌ do̱ꞌ, ne̱ xnáꞌanj nij soꞌ man nij síí tucuꞌyón snana̱ Jesús, cataj nij soꞌ a: ―Síí tucuꞌyón nana̱ rihaan soj roꞌ, me cheꞌé chá soꞌ ga̱ nij síí aꞌnéj impuestó do̱ꞌ, ga̱ ꞌó nij síí tumé ndoꞌo cacunꞌ do̱ꞌ, rá núj a ―taj nij síí fariseo rihaan nij síí tucuꞌyón snana̱ Jesús a.

San Mateo 9:11 ပူးပေါင်းရင်းမြစ်များ

San Mateo 11:19

Ne̱ caꞌnáꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱, ga̱a ne̱ niha̱ꞌ rá ꞌu̱nj chá ꞌu̱nj do̱ꞌ, coꞌo ꞌu̱nj do̱ꞌ, ga̱a ne̱ cheꞌé dan taj uún nij yuvii̱ se vaa síí cachén chá do̱ꞌ, síí cachén coꞌo do̱ꞌ, mé ꞌu̱nj a. Ne̱ taj uún nij soꞌ se vaa tuvíꞌ ꞌu̱nj me síí aꞌnéj impuestó man yuvii̱ do̱ꞌ, ꞌó nij síí tumé cacunꞌ do̱ꞌ, taj nii a. Da̱nj tuꞌva nij soꞌ, tza̱j ne̱ ne neꞌen uxrá nij soꞌ maꞌ. Sese xca̱j yuvii̱ cuentá da̱j vaa ꞌyaj rój, ne̱ gu̱un ya̱ rá nij yuvii̱ se vaa si̱j cu̱u raa̱ me rój ga̱ síí cuꞌna̱j Juan yoꞌ ado̱nj ―taj Jesús rihaan nij yuvii̱ a.

San Mateo 5:46

ꞌO̱ se sese ꞌe̱e̱ rá soj man ina̱nj nij síí ꞌe̱e̱ rá man soj, ga̱a ne̱ me cheꞌé quiꞌya̱j Yaꞌanj se lu̱j ga̱ soj, rá soj ga̱. ꞌO̱ se neꞌen soj se vaa nda̱a nij síí tihaꞌ yuꞌunj man soj cheꞌé impuestó roꞌ, ꞌe̱e̱ rá nij soꞌ man tuviꞌ maꞌa̱n nij soꞌ ado̱nj.

San Mateo 9:10

Dan me se ꞌo̱ güii cayáán Jesús rá veꞌ, ne̱ caꞌnaꞌ ndoꞌo tuviꞌ soꞌ síí aꞌnéj impuestó do̱ꞌ, ꞌó nij síí tumé ndoꞌo cacunꞌ do̱ꞌ, ne̱ catúj nij soꞌ rá veꞌ, ne̱ caꞌanj ca̱yáán nij soꞌ ga̱ Jesús, ne̱ dan me se ma̱n rcuaꞌa̱a̱n nij síí tucuꞌyón snana̱ Jesús do̱ꞌ, ne̱ chá cunuda̱nj nij soꞌ a.

San Marcos 2:16

Ga̱a ne̱ queneꞌen nij síí fariseo naquiꞌyaj cu̱u stucua̱nj Moisés se vaa chá Jesús ga̱ nij síí aꞌnéj impuestó do̱ꞌ, ga̱ ꞌó nij síí tumé ndoꞌo cacunꞌ do̱ꞌ, ga̱a ne̱ cataj nij soꞌ rihaan nij síí tucuꞌyón snana̱ Jesús a: ―Me cheꞌé chá síí nihánj ne̱ coꞌo soꞌ ga̱ nij síí aꞌnéj impuestó do̱ꞌ, ga̱ ꞌó nij síí tumé cacunꞌ do̱ꞌ ga̱ ―taj nij soꞌ a.

San Lucas 19:7

Dan me se cuno nij yuvii̱ da̱j cataj Jesús, ga̱a ne̱ nij caꞌmii nij yuvii̱ niꞌya̱j nij soꞌ man Jesús, cataj nij soꞌ a: ―Nihánj me se aranꞌ soꞌ tucuá ꞌo̱ síí tumé ndoꞌo cacunꞌ ado̱nj ―taj nij yuvii̱ niꞌya̱j nij soꞌ man Jesús a.

San Lucas 5:30

Dan me se ma̱n nij síí fariseo do̱ꞌ, síí naquiꞌyaj cu̱u stucua̱nj Moisés noco̱ꞌ man nij síí fariseo do̱ꞌ, ga̱a ne̱ caꞌmii chiꞌi̱i̱ nij soꞌ rihaan nij síí tucuꞌyón snana̱ Jesús a. Dan me se cataj nij síí fariseo ga̱ nij síí naquiꞌyaj cu̱u stucua̱nj Moisés a: ―Me cheꞌé chá soj ne̱ ꞌo soj na ga̱ nij síí aꞌnéj impuestó do̱ꞌ, ga̱ ꞌó nij síí tumé cacunꞌ do̱ꞌ ga̱ ―taj nij soꞌ, xnáꞌanj nij soꞌ man nij síí tucuꞌyón snana̱ Jesús a.

Hechos 11:3

cataj nij soꞌ a: ―Me cheꞌé catúj so̱ꞌ rá veꞌ tucuá síí yaníj ga̱. Me cheꞌé chá so̱ꞌ ga̱ nij soꞌ ga̱ ―taj nij soꞌ rihaan Pedró a.

Gálatas 2:15

Dan me se yuvii̱ israelitá me níꞌ á. Né yuvi̱i̱ yaníj yuvii̱ ꞌyaj ndoꞌo cacunꞌ me níꞌ maꞌ.

Hebreos 5:2

Da̱nj ꞌyaj nij soꞌ, cheꞌé se na̱nj yuvii̱ me nij soꞌ, ne̱ cheꞌé dan ne uun nucua̱j nij soꞌ quiꞌya̱j nij soꞌ ina̱nj se sa̱ꞌ a̱ maan ado̱nj. Cheꞌé dan caꞌve̱e gu̱un ꞌe̱e̱ rá nij soꞌ ni̱ꞌyaj nij soꞌ man nij síí ne neꞌen do̱ꞌ, man nij síí va̱j chrej chiꞌi̱i̱ do̱ꞌ a. Ne̱ cheꞌé cacunꞌ tumé maꞌa̱n nij soꞌ roꞌ,

2 Juan 1:10

Ne̱ sese caꞌna̱ꞌ ꞌo̱ síí tucuꞌyón ꞌó tucuáán rej ya̱nj soj, ne̱ se̱ caꞌvej rá soj catu̱u̱ soꞌ rihaan soj, ne̱ se̱ caꞌmii sa̱ꞌ soj ga̱ soꞌ maꞌ.