San Mateo 8:31 - Triqui de San Juan Copala

³¹ Ne̱ nij nana̱ chre̱e nu̱u̱ nimán ro̱j snóꞌo yoꞌ roꞌ, cachíín niꞌya̱j nij soꞌ rihaan Jesús, cataj nij soꞌ a: ―Sese quiri̱i̱ so̱ꞌ man núj nimán ro̱j snóꞌo nihánj, ne̱ qui̱ꞌyáá so̱ꞌ se ndoꞌo caꞌne̱j so̱ꞌ man núj, catu̱u̱ núj nimán nij xcáá yoꞌ rugua̱nj ―taj nij nana̱ chre̱e yoꞌ rihaan Jesús a.

San Mateo 8:31 ပူးပေါင်းရင်းမြစ်များ

San Mateo 4:24

Ne̱ cuchiꞌ nana̱ cheꞌé soꞌ nu̱ꞌ estadó Siria, ga̱a ne̱ nica̱j ndoꞌo nij yuvii̱ tuviꞌ nij yuvii̱ síí ranꞌ ndoꞌo, caꞌanj nij yuvii̱ rej va̱j Jesús a. Dan me se nij yuvii̱ ranꞌ ndoꞌo quiꞌyaj chiꞌii̱ do̱ꞌ, nij yuvii̱ aꞌngaj ndoꞌo cúú man do̱ꞌ, nij yuvii̱ nu̱u̱ nana̱ chre̱e nimán do̱ꞌ, nij yuvii̱ ranꞌ chiꞌii̱ snúú do̱ꞌ, nij yuvii̱ naꞌvee cache̱e̱ do̱ꞌ, cuchiꞌ rihaan Jesús, quiꞌyaj tuviꞌ nij yuvii̱, ne̱ nahuun cunuda̱nj nij soꞌ, quiꞌyaj Jesús na̱nj ado̱nj.

San Mateo 7:6

’Se̱ goꞌ soj rasu̱u̱n gue̱e̱ man chuvee, ne̱ se̱ caraa soj chruj perlá tuꞌve̱e̱ ndoꞌo rihaan xcáá a̱ maꞌ. ꞌO̱ se chuvee yoꞌ roꞌ, ca̱nica̱j ne̱ cha̱ man soj, ne̱ xcáá yoꞌ roꞌ, tu̱guáj cheꞌé xcáá man se sa̱ꞌ yoꞌ, ne̱ navi̱j nu̱ꞌ yoꞌ xtu̱nꞌ, quiꞌya̱j xcáá na̱nj ado̱nj.

San Mateo 8:30

Dan me se rej xco̱ ro̱j soꞌ roꞌ, va̱j ꞌo̱ xꞌneꞌ xi̱j xcáá chá coj ma̱n tacaan a.

San Mateo 8:32

―Caꞌa̱nj soj cuaj á ―taj Jesús rihaan nij soꞌ a. Ga̱a ne̱ caꞌanj nij soꞌ catúj nij soꞌ nimán nij xcáá yoꞌ, ne̱ dan me se ruva̱a̱ uxrá tacaan nicu̱nꞌ tuꞌva na laguaná rej va̱j nij xcáá yoꞌ a. Ne̱ ga̱a catúj nij nana̱ chre̱e nimán nij xcáá yoꞌ, ne̱ ta̱j niꞌyo̱n cunánj ndoꞌo nij xoꞌ caꞌanj nij xoꞌ, ne̱ veé da̱nj vaj nij xoꞌ, ne̱ quinij cunuda̱nj nij xoꞌ rque na, ne̱ canó xráá nij xoꞌ, quiꞌyaj na na̱nj ado̱nj.

San Marcos 5:12

ga̱a ne̱ rquee̱ nij nana̱ chre̱e man Jesús, cataj nij soꞌ a: ―Caꞌne̱j so̱ꞌ man núj catu̱u̱ núj nimán nij xcáá á ―taj nij nana̱ chre̱e a.

San Marcos 5:7

ne̱ nucua̱j ndoꞌo caguáj soꞌ rihaan Jesús, ne̱ cataj soꞌ a: ―A̱j neꞌén ꞌu̱nj se vaa Taꞌni̱j Yaꞌanj Si̱j Uun Chij Doj mé so̱ꞌ, Jesús. Me cheꞌé ꞌnáꞌ so̱ꞌ rej né ꞌu̱nj ga̱. Rqueé ꞌu̱nj man so̱ꞌ niꞌya̱j Yaꞌanj se vaa se̱ quiꞌyáá so̱ꞌ sayuun manj maꞌ ―taj síí nu̱u̱ nana̱ chre̱e nimán a.

Apocalipsis 12:12

Cheꞌé dan gu̱un niha̱ꞌ rá nij soj re̱j xta̱ꞌ do̱ꞌ, si̱j ya̱nj rej xta̱ꞌ do̱ꞌ ado̱nj. Tza̱j ne̱ nique̱ ndoꞌo soj si̱j ma̱n rihaan yoꞌóó do̱ꞌ, na yaꞌa̱nj do̱ꞌ na̱nj ado̱nj. ꞌO̱ se quiriꞌíj nii man Síí Chre̱e rihaan nij so̱j, ne̱ cheꞌé dan nuu yuva̱a̱ uxrá rá soꞌ na̱nj chugua̱nj. ꞌO̱ se neꞌen Síí Chre̱e se vaa nichrunꞌ caꞌna̱ꞌ sayuun quira̱nꞌ soꞌ na̱nj á, taj nana̱ caꞌmii ꞌo̱ soꞌ rej xta̱ꞌ a.