San Mateo 8:18 - Triqui de San Juan Copala

¹⁸ Queneꞌen Jesús se vaa ma̱n ndoꞌo yuvii̱ anica̱j rej nicu̱nꞌ soꞌ niꞌya̱j man soꞌ a. Cheꞌé dan caꞌneꞌ soꞌ suun rihaan nij síí tucuꞌyón snana̱ soꞌ se vaa caꞌa̱nj nij soꞌ ga̱ soꞌ nda̱a níchrej na laguaná cuꞌna̱j Galilea a.

San Mateo 8:18 ပူးပေါင်းရင်းမြစ်များ

San Mateo 14:22

Ga̱a ne̱ raꞌya̱nj caꞌneꞌ Jesús suun rihaan nij síí tucuꞌyón snana̱ soꞌ se vaa cavi̱i̱ nij soꞌ rihoo chéé rihaan na caꞌa̱nj nij soꞌ rej xco̱ na laguaná yoꞌ, quita̱j ya̱a̱n nij soꞌ rihaan Jesús, ne̱ dan me se maꞌa̱n Jesús naꞌne̱j chrej man nij yuvii̱ ri̱i̱, taj Jesús rihaan nij síí tucuꞌyón snana̱ soꞌ a.

San Mateo 8:1

Ga̱a ne̱ nanij Jesús tacaan yoꞌ, ne̱ canocoꞌ ndoꞌo yuvii̱ man soꞌ a.

San Marcos 4:35

Ga̱a ne̱ rej tiꞌnuu güii yoꞌ me se cataj Jesús rihaan nij síí tucuꞌyón snana̱ soꞌ a: ―Caꞌa̱nj níꞌ nda̱a ꞌó níchrej tuꞌva na laguaná á ―taj soꞌ a.

San Marcos 5:21

Dan me se nu̱u̱ Jesús rque rihoo chéé rihaan na, ne̱ caꞌanj uún soꞌ nda̱a níchrej tuꞌva na laguaná, ga̱a ne̱ cunuu chre̱ꞌ ri̱i̱ uxrá yuvii̱ rihaan soꞌ, ne̱ va̱j soꞌ tuꞌva na laguaná a.

San Marcos 6:45

Ga̱a ne̱ raꞌya̱nj caꞌneꞌ Jesús suun rihaan nij síí tucuꞌyón snana̱ soꞌ se vaa cavi̱i̱ nij soꞌ rihoo chéé rihaan na caꞌa̱nj nij soꞌ rej xco̱ na laguaná yoꞌ nda̱a chumanꞌ Betsaida, quita̱j ya̱a̱n nij soꞌ rihaan soꞌ a. Dan me se maꞌa̱n Jesús naꞌne̱j chrej man nij yuvii̱ ri̱i̱ yoꞌ, taj Jesús a.

San Marcos 8:13

Ga̱a ne̱ tanáj Jesús man nij soꞌ, ga̱a ne̱ cavii uún soꞌ rque rihoo chéé rihaan na, ne̱ caꞌanj soꞌ rej xco̱ na laguaná a.

San Lucas 8:22

Dan me se ꞌo̱ güii catúj Jesús rque ꞌo̱ rihoo chéé rihaan na ga̱ cunuda̱nj nij síí tucuꞌyón snana̱ soꞌ, ne̱ cataj Jesús rihaan nij soꞌ se vaa caꞌa̱nj cunuda̱nj nij soꞌ nda̱a ꞌó níchrej tuꞌva na laguaná a. Ga̱a ne̱ guun cheꞌe̱ rihoo chéé rihoo rihaan na, quiꞌyaj nij soꞌ a.

San Juan 6:15

Tza̱j ne̱ a̱j neꞌen Jesús se vaa caꞌna̱ꞌ nij soꞌ, ne̱ ta̱ꞌaa nij soꞌ man soꞌ, ne̱ cune̱ꞌ nij soꞌ man Jesús gu̱un soꞌ síí nica̱j suun rey gu̱un chij rihaan nij soꞌ, ne̱ cheꞌé dan naxuun soꞌ man soꞌ, ne̱ cavii uún o̱rúnꞌ soꞌ caꞌanj soꞌ quij a.